ច្បាស់ប៉ុនណាដែរ ថាគេមានតែយើងម្នាក់ មិនលួចលាក់ទាក់ទងអ្នកផ្សេង?

បើគិតដល់ចំណុចនេះ ក៏ប្រហែលជាមានមនុស្សជាច្រើន មិនសូវជាសប្បាយចិត្ត ឬមានទំនុកចិត្តចំពោះទំនាក់ទំនងឡើយ។ ទំនាក់ទំនងមួយ ទោះស្គាល់គ្នាយូរប៉ុនណា ទាក់ទងគ្នាច្រើនឆ្នាំយ៉ាងណា ក៏មិនប្រាកដថា អាចស្គាល់ចិត្តថ្លើមគ្នាច្បាស់នោះដែរ។

83598682_2825449884168225_5579144272482926592_o

ប៉ុន្តែ ចំពោះស្នេហាមួយ ការស្រឡាញ់មួយដែលពិតប្រាកដ គឺប្រាកដជាអាចជឿជាក់ និងទុកចិត្តលើគ្នាបានថា នឹងមិនក្បត់គ្នាក្រោយខ្នង មិនលួចលាក់ទាក់ទងអ្នកផ្សេង ធ្វើបាប ឬផិតគ្នានោះឡើយ។ ប៉ុន្តែសួរថា តើអាចជឿជាក់ និងទុកចិត្តបានប៉ុន្មានភាគរយ ថាគេនឹងមិនក្បត់យើង? គេមិនបានលួចលាក់ទាក់ទងអ្នកផ្សេង? គេមិនមានចិត្តឱ្យអ្នកផ្សេងនោះ?

83661812_2825449504168263_6436987569505828864_o

អាចនិយាយបានថា វាពិបាកនឹងស្មានណាស់ ព្រោះគេមិនមែននៅជាមួយើង២៤ម៉ោងទេ យើងក៏មិនអាចទៅតាមដាន ឬដឹងពីគេបានគ្រប់រឿងនោះឡើយ។ យើងនឹងមិនអាចដឹងទេថា អ្នកដែលគេស្គាល់ រាប់អាន ឬទាក់ទង គ្រាន់តែជាមិត្ត ឬអ្នកស្គាល់គ្នាធម្មតា សូម្បីតែមនុស្សខ្លះ សឹងតែថា នៅជាមួយយើងគ្រប់ពេល ប្រាប់យើងគ្រប់រឿងម៉េច គេនៅតែក្បត់យើងបានដដែល តើស្នេហានេះ អាចទុកចិត្តបានប៉ុនណាទៅ?


83707113_2825449044168309_7795268395590483968_o

មិនចង់ឱ្យគិតរឿងនេះទេ តែក៏ចង់សួរពីភាគរយនៃការជឿជាក់ និងទុកចិត្តលើដៃគូរបស់យើង។ តែទោះជាយ៉ាងណាក៏ដោយ ជឿទៅថា មនុស្សដែលគេស្មោះចំពោះយើង ស្រឡាញ់យើងពិត មិនថានៅចំពោះមុខ ឬក្រោយខ្នងទេ ក៏គេមិនក្បត់យើង ទៅទាក់ទងអ្នកផ្សេងនោះដែរ៕

84169352_2825449160834964_5565210324832878592_o

អត្ថបទ ៖ ភី​ អេក

ក្នុងស្រុករក្សាសិទ្ធ