ជាកូនស្រីដើរលេងច្រើនពេក គេថាមិនល្អទេ ប៉ុន្តែកូនស្រីសម័យនេះ ត្រូវតែដើរលេងឱ្យបានច្រើន ដើម្បីឱ្យស្គាល់សង្គមមនុស្សបច្ចុប្បន្ន

ចាស់ៗពីមុន ប្រកាន់ណាស់ ជាពិសេសគឺ ការដើរហើររបស់កូនស្រី គេគិតថា ជាមនុស្សស្រី កូនស្រី ដើរលេងច្រើនមិនល្អទេ ព្រោះគាត់គិតថា ពពាក់ពពូន មិត្តភក្តិច្រើននាំឱ្យខូចខិល នាំឱ្យអ្នកជិតខាងគេនិយាយដើម វាមិនល្អ ខ្លាចមានពាក្យចចាមរាម ខ្លាចមានពាក្យអាស្រូវ។ ប៉ុន្តែសម្រាប់កូនស្រីក្នុងសម័យឥឡូវ គេលែងគិតរឿងអស់ទាំងហ្នឹងទៀតហើយ ព្រោះបើមិនដើរលេងខ្លះទេ ប្រាកដជាមិនស្គាល់សង្គមមនុស្សឡើយ វាងាយនឹងធ្វើឱ្យគេបោកប្រាស់បានថែមទៀតផង។

104411204_2670666783254663_2019186786551493513_o

ជាមនុស្សស្រីសម័យថ្មី ត្រូវតែចេញរកស៊ី ចូលប្រឡូកក្នុងសង្គម ដើរហើរឱ្យបានច្រើន ស្គាល់គេស្គាល់ឯង ទើបដើរទាន់មនុស្សក្នុងសង្គមនេះ បើយើងគិតតែខ្លាចគេនិយាយដើម ខ្លាចគេថាយើងមិនល្អ យើងប្រាកដជាមិនស្គាល់មនុស្ស ដើរមិនទាន់គេទេ នៅតែក្នុងផ្ទះ មុខតែដូចកង្កែបក្នុងអណ្ដូងអ៊ីចឹង វាទៅជាមិនល្អវិញ។ ត្រូវចាំថា មនុស្សស្រីល្អ ឬមិនល្អ គេមិនសម្គាល់លើការដើរលេងនោះឡើយ ព្រោះមនុស្សស្រីប្រុងមិនល្អ នៅតែក្នុងផ្ទះ ផឹកតែទឹកសុទ្ធ ក៏ខិលខូចបានដែរ មិនចាំបាច់ដល់ថ្នាក់ ផឹកស្រា ចេញក្រៅ ដើរលេងយប់នេះទេ។

104664424_2670833563237985_14241523766687501_o

កុំខ្វល់ពីសម្ដីគេពេក សំខាន់យើងខ្លួនឯង ចេះប្រព្រឹត្តខ្លួនបែបណា អ្នកខ្លះ អ្នកជិតខាងខ្លះ បានត្រឹមតែនិយាយដើមគេ ថាគេអ៊ីចេះ ថាគេអ៊ីចុះ តែកូនខ្លួនឯងវិញ មិនដឹងឯណាឯណីផង ព្រោះរវល់តែនិយាយដើមកូនគេ ភ្លេចអប់រំ ភ្លេចមើលកូនខ្លួនឯង។ ដូច្នេះហើយ មិនបាច់ទៅខ្វល់ពីសម្ដីអ្នកជិតខាងណាពេកទេ គេនិយាយអីស្រេចតែគេទៅ យើងក៏មិនអាចទៅហាមឃាត់ បិទមាត់គេបានដែរ អ៊ីចឹងបណ្ដោយឱ្យគេនិយាយទៅ សំខាន់យើងចេះធ្វើខ្លួនឯងឱ្យល្អ ចេះធ្វើការរកស៊ី រកលុយចាយបានដោយខ្លួនឯង អ៊ីចឹង យើងក៏ត្រូវតែដើរលេង លំហែអារម្មណ៍ម្ដងម្កាល វាគ្មានបញ្ហាអីនោះឡើយ សំខាន់ យើងមានលុយចាយ បាយហូប និងសប្បាយចិត្ត កុំទៅខ្វល់៕


104327038_2670936149894393_7677249520237056497_o

104662971_2670934659894542_3633835868135876709_o

105968159_2670936189894389_7007155899236300022_o

អត្ថបទ ៖ ភី អេក

ក្នុងស្រុករក្សាសិទ្ធ

រូបភាព ៖ Vanniya Prak