យុវតីក្មេងខ្ចី លះបង់មកប្រឡូកការងារកសិកម្មដំណាំធម្មជាតិច្រើនមុខ រហូតទទួលជោគជ័យខ្លាំង ពិសេសដំណាំស្រកានាគ!

បើនិយាយពីមុខរបរទាក់ទងទៅនឹងកសិកម្ម នៅក្នុងប្រទេសកម្ពុជា ភាគច្រើន មិនសូវជាមានយុវវ័យចាប់អារម្មណ៍ច្រើននោះឡើយ ដោយយើងសង្កេតឃើញថា មានត្រឹមមនុស្សវ័យកណ្តាល ឬវ័យចំណាស់ប៉ុណ្ណោះដែលប្រកបរបរទាក់ទងនឹងរបរកសិកម្មមួយនេះ។

យ៉ាងណាក្តី អាចថាជារឿងមួយដ៏គួរឱ្យស្ងប់ស្ញែងមួយ កញ្ញា ហ៊ាន ចាន់សុថារី ដែលជាយុវតីក្មេងខ្ចី បញ្ចប់ការសិក្សាក្នុងជំនាញមួយដែលកញ្ញាសុំមិនបញ្ចេញឈ្មោះនោះ ព្រោះតែក្តីស្រលាញ់ទាក់ទងទៅនឹងកសិកម្ម និងចង់ជួយមុខរបររបស់គ្រួសារផង កញ្ញា បានចោលការងារមុខជំនាញរបស់ខ្លួន ចូលប្រឡូកជាមួយការងារកសិកម្ម រហូតទទួលបានភាពជោគជ័យនឹកស្មានមិនដល់ ។

106184757_261852201582408_7083342036750784909_n

សព្វថ្ងៃនេះ កញ្ញាហ៊ាន ចាន់សុថារី បានដាំដំណាំជាច្រើនមុខ ពិសេសគឺដំណាំស្រកានាគធម្មជាតិ លើផ្ទៃដី ២ ហិកតានៅឯស្រុកចំការលើ ខេត្តកំពង់ចាម ដែលជាស្រុកកំណើតរបស់កញ្ញាផ្ទាល់ ហើយបច្ចុប្បន្ននេះផ្លែឈើដែលជាសមិទ្ធផលរបស់កញ្ញា បាននឹងកំពុងតែផ្គត់ផ្គង់ទីផ្សារក្នុងស្រុក និង មានគោលដៅ នាំចេញទៅក្រៅប្រទេសនាពេលអនាគតផងដែរ។

យ៉ាងណាមិញ ទោះបីជាកញ្ញា បាននឹងកំពុងតែប្រឡូកនឹងការងារនេះយ៉ាងជោគជាំក្តី តែភាពជោគជ័យមិនមែនបានមកពីកញ្ញាតែម្នាក់នោះទេ ដោយសារតែកញ្ញាមានគ្រួសារជួយជ្រោមជ្រែងគ្រប់យ៉ាង ទាំងការដាំដុះ ថែទាំ វេចខ្ចប់ និងស្វែងរកទីផ្សារ ហើយកម្លាំងសាមគ្គីនៅក្នុងគ្រួសារនេះហើយ ជាមូលហេតុចម្បងដែលនាំមកនូវភាពជោគជ័យសព្វថ្ងៃនេះ។

106079707_2779910428905819_1292379535808985565_n


105185974_261817988429710_2667287574745242880_n

104435224_293339341847758_4938589060382128971_n

សូមបញ្ជាក់ដែលថា សព្វថ្ងៃនេះ កញ្ញា ហ៊ាន ចាន់សុថារី ទោះបីជាជោគជ័យខ្លាំងនៅក្នុងការដាំដំណាំស្រកានាគ តែកញ្ញាក៏មានលក់ផ្លែឈើធម្មជាតិជាច្រើនប្រភេទ ដូចជា ផ្លែទុរេន ផ្លែសាវម៉ាវ ផ្លែមង្ឃុត និងផ្លែឈើស្រស់ៗជាច្រើនទៀត សុទ្ធតែជាផ្លែឈើធម្មជាតិមានតម្លៃសមរម្យ ដោយមានទទួលបោះដុំ និងរាយផងដែរ ដោយអាចទំនាក់ទំនងសាកសួរព័ត៌មានលម្អិតតាមរយៈលេខទូរស័ព្ទ 010 77 70 720 / 092 79 34 20 ៕

អត្ថបទ៖ ក្នុងស្រុក

105409495_488645771928674_3627729103450807310_n

Image(938) Copy