ហើយម៉េចបានចឹង? ស្រីស្អាតលក់ឡេ ខ្លាចខ្មោច ខលហៅប៉ូលិស ផ្អើលខណ្ឌដង្កោទាំងយប់

កាលពី​វេលា​ម៉ោង​៣​ទៀប​ភ្លឺ ថ្ងៃ​ទី​២ ខែកក្កដា ឆ្នាំ​២០២០ នៅ​បុរី​ពិភព​ថ្មី​ចំការ​ដូង ផ្លូវ​អក្សរ E ផ្ទះ​លេខ​៤៨ ស្ថិត​ក្នុង​សង្កាត់​ព្រៃ​ស ខណ្ឌដង្កោ មាននារី​អ្នកលក់​ឡេ និង​គ្រឿង​សំអាង​រូប​ស្រស់​ស្អាត​ម្នាក់ ស្នាក់នៅក្នុងផ្ទះ​តែម្នាក់ឯង ដេក​មិន​លក់កើតអារម្មណ៍ខ្លាចនេះខ្លាចនោះ ព្រោះតែ​ឮ​សូរ​ខ្យល់​បក់​ប្រាវ​ៗ ក៏​បាន​ទូរសព្ទ​ប្តឹង​សមត្ថកិច្ច​ថា មាន​ចោរ​ចូល​ផ្ទះ បង្ក​ឱ្យ​មានការ​ភ្ញាក់ផ្អើល​ដល់​សមត្ថកិច្ច​ចុះ​ទៅ​សួរនាំ​ទាំង​យប់​។

តាម​នារី​វ័យក្មេង​ជា​ម្ចាស់ផ្ទះ​សុំ​មិន​បញ្ចេញ​ឈ្មោះ​បានឱ្យដឹង​ថា ពេល​ព្រលប់នាង​បាន​ចូល​សម្រាក​ដូច​ធម្មតា លុះដល់​ម៉ោង​២​ ជិត​ម៉ោង​៣​ទៀប​ភ្លឺ​ ឈាន​ចូល​ថ្ងៃ​ទី​២ កក្កដា​នេះ នាង​បាន​ឮសូរ​សំឡេង ដូច​មាន​អ្នក​គាស់​ផ្ទះ​ចូល​លួច​ទ្រព្យសម្បត្តិ​របស់​នាង ហើយ​ពេល​នោះ​ដែរ​ ដោយសារ​តែ​រូប​នាងជា​ស្ត្រី ហើយ​នៅ​តែ​ម្ដង​ឯងផងនោះ ក៏​មាន​អារម្មណ៍​ថា ភ័យ​ខ្លាច ទើប​ទូរសព្ទ​ប្តឹង​សមត្ថកិច្ច​ថា មាន​ចោរ​ចូល​ផ្ទះ​តែ​ម្ដង​ទៅ។

105914884_996473160784811_7948153244489535323_n

បន្ទាប់​ពី​ទទួល​បាន​ដំណឹង​ភ្លាម សមត្ថកិច្ច​មូលដ្ឋាន ក៏​ដូច​ជា សន្តិសុខ​ដែល​យាម​នៅ​បុរី​ខាងលើ បាន​ចុះ​ទៅ​ដល់​ផ្ទះ​នារី​រូប​ស្រស់ រួច​ហើយ​ក៏​បាន​ដើរ​រក​មើល​ជុំវិញ​ផ្ទះ ដូច​ជា​ក្នុងផ្ទះ ប៉ុន្តែ​មិនឃើញ​មាន​អ្វី​ប្លែក​នោះ​ទេ មាន​តែ​ឮ​សំឡេង​ខ្យល់​បក់​ប៉ះ​ជាមួយនឹង​សង្កសី នៅ​លើដំបូល​ផ្ទះ​តែ​ប៉ុណ្ណោះ ។


ក្រោយ​ពេល​កើតហេតុ សមត្ថកិច្ច​បាន​បញ្ជាក់​ដែរ​ថា មក​ពី​នារី​ជា​ម្ចាស់ផ្ទះ គាត់​នៅ​តែ​ម្នាក់ឯង ហើយខ្លាច ណាមួយ​ដេក​មិន​លក់​ផង បូក​រួម​ទាំង​មាន​ខ្យល់​បក់​ប៉ះ​ជាមួយនឹង​ស​ង្កសី​លើដំបូល​ផ្ទះ​ទៀត ទើប​ធ្វើ​ឱ្យ​នាង​អារម្មណ៍​ភ័យ​ខ្លាច​ថា មាន​ជនសង្ស័យ​ចូល​គាស់​ផ្ទះ​តែ​ម្ដង​ទៅ៕

105770281_996473217451472_6892644568640899061_n

106169506_996473237451470_7611036826085184440_n

106507405_996473200784807_8848401483346059714_n