មិនមានតែស្ត្រីទេដែលស្មុគស្មាញនិងពិបាកយល់ រោគសញ្ញាមួយចំនួនរបស់បុរសៗក៏ធ្វើឲ្យមនុស្សស្រីពិបាកយល់ផងដែរ ព្រោះដំបូងគាត់ធ្វើដូចគាត់ចូលចិត្តយើង ប៉ុន្តែហេតុអ្វីបានជាគាត់ធ្វើបែបនេះទៅវិញ? ចូលចិត្តរៀបចិត្តសាស្ត្រធ្វើដូចមិនខ្វល់ពីយើង តែកុំគិតច្រើននាំឲ្យឈឺក្បាលដោយសារតែយើងបានរកឃើញចម្លើយរួចហើយសម្រាប់ហេតុផលសាមញ្ញៗ មានរឿងមួយចំនួនដែលបុរសមាត់រឹង ប្រហែលជាគាត់លួចចូលចិត្តតែមិនហ៊ានសារភាព មានសញ្ញាចម្លែកៗចេញមកឱ្យយើងមើល សញ្ញាដែលជាញឹកញាប់មិនចាកចេញ៥យ៉ាងខាងក្រោម៖
1. គេចង់ឱ្យអ្នកគិតថាគេមាននារីជាច្រើននៅក្នុងជីវិត
បុរសខ្លះចាប់ផ្តើមចូលចិត្តនរណាម្នាក់ ជារឿយៗពួកគេមិនចង់មើលទៅក្លាយជារបស់ស្លាប់នៅក្នុងភ្នែករបស់ស្ត្រីដែលពួកគេកំពុងចាប់អារម្មណ៍នោះទេ ដូច្នេះហើយគេតែងតែបង្ហាញថាគេមានស្រីៗជាច្រើននាក់ទៀតដើម្បីនិយាយជាមួយ ឬអាចមានស្រីៗជាច្រើនទៀតដែលកំពុងទាក់ទង ដែលគេនឹងបង្ហាញឲ្យអ្នកយល់បែបនេះថា គេនៅតែមិនចង់ប្រាកដប្រជាជាមួយនរណាម្នាក់ទេ នៅមិនទាន់រកឃើញអ្នកយល់ចិត្តឡើយ ម្ល៉ោះហើយបើអ្នកចូលចិត្តគេដែរអ្នកគ្រាន់តែនៅស្ងៀមសិនទៅ ព្រោះទង្វើទាំងនេះគ្រាន់តែជាទម្រង់បែបបុរសៗ ចំណែកខាងយើងគ្រាន់តែអង្គុយមើលសិន ប៉ុន្តែប្រសិនបើអ្នកគិតថាមិនអូខេទេប្រាប់គេត្រង់ៗទៅ ។
2. គេចង់ឱ្យអ្នកគិតថាគេមានមន្តស្នេហ៍
ជួនកាលបុរសខ្លះក៏មានការបញ្ចេញអាកប្បកិរិយាភ្លាវៗដែរ ថ្ងៃមុនល្អជាមួយយើងថ្ងៃនេះចេញមកសោះអង្គើយ តែអ្នកត្រូវដឹងថាគេធ្វើនេះគ្រាន់តែមិនចង់អោយអ្នកគិតថាគេគួរឲ្យជ្រេញវានឹងមើលទៅមិនទាក់ទាញ ព្រោះអ្វីដែលងាយស្មានបានវានឹងមើលទៅមិនទាក់ទាញ ដូច្នេះប្រសិនបើអ្នកនៅតែចង់បន្តទំនាក់ទំនង គួរទុកឲ្យបុរសម្នាក់នោះសម្តែងតាមតែគេទៅ ឯយើងត្រូវគ្រាន់នៅស្ងៀមៗទៅបានហើយ ។
3. គេមិនអាចទទួលយកបានទេថាអ្នកមានឥទ្ធិពលខ្លាំងចំពោះគេ
នេះគឺជាទម្លាប់នៃភាពជាបុរស ពួកគេនឹងមិនបង្ហាញយើងពីភាពភ័យខ្លាចច្រើននោះទេ បើទោះបីជាគេស្រលាញ់អ្នកខ្លាំងក៏ដោយ ប៉ុន្តែប្រសិនបើមិត្តភាពដែលអ្នកផ្តល់ឲ្យគេវាមិនស្ថិតក្នុងកម្រិតនៃការទុកចិត្តបានទេ គេនឹងរក្សាភាពសម្តែងដូចមិនចាប់អារម្មណ៍អ្នកដដែល ព្រោះដោយសារតែគេខ្លាចខាងស្រីបដិសេធ គេនឹងបាក់មុខ ខូចចិត្ត ដកថយមិនបានទៅមុខមិនដល់ សេចក្តីថ្លៃថ្នូររបស់បុរសមិនអាចទទួលយកបានទេដែលត្រូវខាងស្រីបដិសេធ ម្ល៉ោះហើយបើអ្នកនៅតែចាប់អារម្មណ៍នឹងបុរសម្នាក់នេះ ទុកឲ្យគេរក្សាភាពថ្លៃថ្នូរមួយរយៈទៅ។
4. ភាពរសើបគឺជាអ្វីដែលត្រូវតែលាក់បាំងសម្រាប់បុរស
ប្រសិនបើចៃដន្យគេចាប់ផ្តើមខ្វល់ពីអ្នកខ្លាំង គ្រប់យ៉ាងនឹងមិនអាចលាក់បានទៀតទេ មិនថាក្រសែភ្នែក អាកប្បកិរិយា ភាសាកាយវិការរវានឹងងាកមករកអ្នកទាំងអស់ ដូចមនុស្សមានស្នេហាទូទៅវានឹងមានការស្រូបទាញម្យ៉ាងកើតឡើង វាធ្វើឱ្យគេចង់នៅជិតមនុស្សដែលគេចូលចិត្ត លុះនៅពេលដែលវាមានច្រើនពេក ខាងបុរសខ្លាចបាត់បង់តុល្យភាពទើបគេចូលចិត្តបញ្ចេញអាការៈផ្ទុយ ដូចជាធ្វើពុតជាលេងសើច និយាយស្តីជាមួយអ្នកខុសពីនារីដទៃ ដូច្នេះកុំគិតច្រើនពេកវាគ្រាន់តែជាល្បែងដើម្បីលាក់ភាពរសើបរបស់បុរសម្នាក់ប៉ុណ្ណោះ។
5. គេទាមទារការយកចិត្តទុកដាក់
គេគ្រាន់តែចង់ដឹងបើគេបាត់ខ្លួនទៅ តើអ្នកនឹងចាប់អារម្មណ៍ឬអត់? នៅក្នុងដំណាក់កាលនៃការគិតដើម្បីឆ្ពោះទៅរកទំនាក់ទំនង បើចៃដន្យ អ្នកតាមទាន់គាត់មុន វានឹងមិនគួរឲ្យចាប់អារម្មណ៍ទេ វាជាការល្អណាស់បើអ្នកធ្វើពុតជាមិនដឹង កុំធ្វើអ្វីឲ្យគេមានអារម្មណ៍ថាអ្នកបានដឹងផែនការរបស់គេហើយអ្នកចាប់បាន បណ្តោយឱ្យគេលេងហ្គេមរបស់គេទៅ ប្រសិនបើអ្នកចូលចិត្តគេដែរ គ្រាន់តែអនុញ្ញាតឱ្យវាទៅដោយធម្មជាតិ តែបើអ្នកគិតថាមិនចូលចិត្តប្រញាប់សម្រេចចិត្តប្រាប់គេទៅ កុំលេងហ្គេមដែលអ្នកមិនចង់ឈ្នះ វាមិនមែនជាការសប្បាយនិងចំណាយពេលវេលាឡើយ ៕
ប្រភព៖ បរទេស/ កែសម្រួល៖ Knongsrok