តើទេវតាកំពុងរៀបចំសំណាងអ្វី សម្រាប់អ្នកនៅខែមិថុនា?
ខែមិថុនា ក៏សេសសល់តែរយៈពេល ៣ ថ្ងៃទៀតប៉ុណ្ណោះ នឹងចូលមកដល់ហើយ។ ឆ្លងកាត់រយៈពេល ១ ខែពេញ នៃខែឧសភា ជឿថាបងប្អូនយើងក៏បានជួបនូវរឿងល្អ និងអាក្រក់ជាច្រើន។ បើល្អក៏ទទួលយក បើអាក្រក់ក៏ទុកជាបទពិសោធន៍ សូមកុំមានការបាក់ទឹកចិត្តពេកអី។
តាមរយៈអត្ថបទនេះ Knongsrok សូមឲ្យបងប្អូនជ្រើសរើសរូបភាពផ្កាឈូកមួយ ដើម្បីអាចទាយដឹងថា នៅខែខាងមុខ មានគេរៀបចំសំណាងអ្វីសម្រាប់ជីវិតអ្នក?
ផ្កាឈូកទី ១
ភាពល្អឥតខ្ចោះ នេះមានន័យថា គ្រប់ការងារ សកម្មភាព ការប្រព្រឹត្តិទាំងឡាយ នៅខែមិថុនាខាងមុខ នឹងទទួលបានការគាំទ្រ ការសាទរជានិច្ចពីមនុស្សជុំវិញខ្លួន។ មួយទៀតសោតគ្រប់ទង្វើទាំងអស់នោះ សុទ្ធតែត្រូវ ហើយនឹងបានផលផ្លែផ្កាត្រលប់មកវិញ ពោលមិនមានរឿងខកចិត្តកើតឡើងឡើយ។ ជារួម គ្រប់យ៉ាងនឹងដំណើរការរលូន តាមផែនការណ៍គ្រោងទុក។
ផ្កាឈូកទី ២
មិត្តភាពដ៏ល្អ។ អាចថាមួយរយៈពេលមុន អ្នកហាក់ខ្វះភាពកក់ក្តៅ ដោយដូចជានៅឯកោ និងឆ្ងាយពីមនុស្សជុំវិញខ្លួនបន្តិច។
ចូលដល់ខែមិថុនាទៅមុខនេះ នឹងមានមនុស្សដែលជាមិត្តចាស់ថ្មីជាច្រើន មកចូលរួមចែករំលែកភាពសប្បាយរីករាយជាមួយនឹងអ្នក។ ភាពសោកសៅទាំងអំបាលម៉ានក៏ទំនងជានឹងរសាត់បាត់ទៅតាមខ្យល់ ហើយនាំមកវិញ តែភាពកក់ក្តៅ និងមិត្តភាពជាទីរាប់អាន។
ផ្កាឈូកទី ៣
ចំណង់នៃការចង់បានរបស់ធំមួយ អាចជាម៉ូតូ ឡាន ផ្ទះ ឬក៏របស់ដែលមានតម្លៃ វាបម្រុងនឹងក្លាយជាការពិត បម្រុងនឹងសម្រេចអាចយកវាបានហើយនៅខែមិថុនាខាងមុខ។ មានគេរៀបចំមកហើយ នេះក៏អរគុណទៅការខិតខំប្រឹងប្រែងរបស់អ្នក អស់រយៈពេលជាយូរខែឆ្នាំ។ វាជាកាដូដែលអ្នកសក្តិសមនឹងទទួលបាន ចូរកុំស្តាយនូវលុយដែលបានចំណាយ ហើយចូលបង្វែរយកវាមកធ្វើជារបស់ជំរុញទឹកចិត្តឲ្យអ្នកខិតខំបន្តទៅទៀត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
