Dean Henderson នៅតែជាអ្នកចាំទីជម្រើសដំបូងរបស់ Man United
ទីបំផុត! តាមសារព័ត៌មាន Manchester Evening News បានឱ្យដឹងថាលោក Ole Gunnar Solskjaer បានធ្វើការសម្រេចចិត្តលើអ្នកចាំទីជម្រើសដំបូងរបស់ខ្លួនហើយ។
Dean Henderson ត្រូវបានគេរំពឹងថានឹងចាប់ផ្តើមយុទ្ធនាការឆ្នាំ ២០២១ / ២២ ដែលជាអ្នកចាំទីដៃទីមួយ ១ របស់ក្រុមបិសាចក្រហម Manchester United ខណៈដែល David De Gea ដែលបានកំណត់ថានឹងនៅតែឈរជាកីឡាករបម្រុងសម្រាប់ការប្រកួតបើកឆាក។
កីឡាករអង់គ្លេសរូបនេះបានរាយការណ៍ត្រលប់ទៅការហ្វឹកហាត់មុនរដូវកាលមុនគេ បន្ទាប់ពីបានជាសះស្បើយពេញលេញពីរបួសត្រគាកដែលបានបង្ខំឱ្យគាត់ដកខ្លួនចេញពីក្រុមជម្រើសជាតិអង់គ្លេសក្នុងព្រឹត្តិការណ៍ Euro2020កាលពីខែមុន។
ទន្ទឹមនឹងនេះ De Gea បានកាត់បន្ថយវិស្សមកាលមួយរយៈខ្លី ហើយត្រលប់មក Carrington វិញ ខណៈដែលអ្នកចាទីសញ្ជាតិអេស្បាញមានចេតនាប្រយុទ្ធជាមួយ Henderson សម្រាប់តំណែងលេខ ១ ក្នុងតំបន់ចាប់បាល់នេះ។ អ្នកចាំទីវ័យ ៣០ ឆ្នាំរូបនេះមិនចង់ចាកចេញពីទឹកដី Old Trafford នារដូវក្តៅនេះទេ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
ព័ត៌មានថ្មីៗ
