តើគូព្រេងរបស់អ្នក នឹងបង្ហាញខ្លួន តាមរយៈទិដ្ឋភាពបែបណា?
តើអ្នកស្រឡាញ់រ៉ូបម៉ូដមួយណាជាងគេ រ៉ូបដែលអ្នកបានជ្រើសរើស នឹងប្រាប់អ្នកថា ពេលណា ឬស្ថានភាពណា ដែលគូព្រេងរបស់អ្នកនឹងបង្ហាញខ្លួន ចូលមកក្នុងជីវិតរបស់អ្នក។
ក. រ៉ូបនារី ក
ជោគវាសនាដែលគូព្រេងរបស់អ្នកនឹងលេចចេញមក គឺនៅពេលអ្នកចូលរួមក្នុងសកម្មភាពសង្គមជាក់លាក់មួយ មនុស្សម្នាក់នោះនឹងលង់ស្រលាញ់អ្នកនៅពេលមើលឃើញដំបូង ហើយអារម្មណ៍របស់អ្នកទាំងពីរនឹងកើនឡើងយ៉ាងលឿននៅពេលនោះ។
អ្នកមិនមែនដើមឡើយជាមនុស្សដែលចូលចិត្តស្ម័គ្រចិត្តនោះទេ ប៉ុន្តែអ្វីដែលមិននឹកស្មានដល់នោះ គឺជាចំណុចចាប់ផ្តើមនៃទំនាក់ទំនងស្នេហា។ កាលណាអ្នកនិយាយជាមួយអ្នកផ្សេងកាន់តែយូរ អ្នកនឹងកាន់តែទាក់ទាញ។ គាត់ធ្វើឱ្យអ្នកមានអារម្មណ៍រីករាយ និងមានផាសុកភាព ដូច្នេះប្រសិនបើអ្នកពិតជាមានឱកាសបែបនេះសូមកុំខកខានឱ្យសោះ។
ខ. រ៉ូបនារី ខ
ជោគវាសនាដែលគូព្រេងរបស់អ្នកនឹងបង្ហាញខ្លួន គឺនៅខណៈគ្រួសាររបស់អ្នកមានព្រឹត្តិការណ៍ធំគួរសម។ វត្តមានរបស់មនុស្សនោះ គឺដូចជាភ្លៀងធ្លាក់ គេនឹងធ្វើឱ្យចិត្តអ្នកត្រជាក់ដែលកំពុងឆេះដោយទុក្ខព្រួយ។ គាត់តែងតែនៅទីនោះដើម្បីលួងលោម និងលើកទឹកចិត្តអ្នកឱ្យជម្នះរាល់ឧបសគ្គ គេគឺជាខ្នងបង្អែកដ៏រឹងមាំសម្រាប់អ្នក ដើម្បីឆ្ពោះទៅមុខ។ គ្រប់ពេល គេនឹងចេញមកជួយអ្នកក្នុងគ្រាបន្ទាន់ និងពិបាកបំផុត។ ដូច្នេះហើយ ច្បាស់ណាស់ថា ម្នាក់នោះ នឹងក្លាយជាដៃគូដ៏ល្អបំផុតសម្រាប់អ្នក។
គ. រ៉ូបនារី គ
ការពិតទៅ គូព្រេងរបស់អ្នកបានបង្ហាញខ្លួនជាយូរមកហើយគ្រាន់តែអ្នកមិនចាប់អារម្មណ៍ តែមនុស្សម្នាក់នោះក៏នៅក្បែរអ្នកគ្រប់ពេលដែរ។ គាត់កំពុងដើរតួជាមិត្តធម្មតាម្នាក់ដោយស្ងៀមស្ងាត់ ត្រៀមខ្លួនដើម្បីចែករំលែកសេចក្តីអំណរ និងទុក្ខព្រួយទាំងអស់ជាមួយអ្នក។
អ្នកទាំងពីរមានចិត្តល្អគ្រប់បែបយ៉ាង មានគោលបំណងដូចគ្នា និងមានភាពស្និទ្ធស្នាលនឹងគ្នា អាចនិយាយបានថា បើអ្នកទាំងពីរចាប់ផ្ដើមជាមួយគ្នា អ្នកទាំងពីរនឹងក្លាយជាប្តីប្រពន្ធដ៏ល្អឥតខ្ចោះ។ សូមក្រឡេកមើលយ៉ាងរហ័ស ដើម្បីដឹងថាមានអ្នកណាដូចនោះនៅក្នុងតំបន់មិត្តរបស់អ្នក បើដូច្នោះប្រយ័ត្នខកខានឱកាសមួយនេះ។
ឃ. រ៉ូបនារី ឃ
គូព្រេងរបស់អ្នក បានបង្ហាញខ្លួន ក្នុងអំឡុងពេលអ្នកនៅរៀន។ ដោយសារមនុស្សម្នាក់នោះចូលចិត្តសិក្សាផងដែរ អ្នកទាំងពីរនឹងចុះសម្រុងគ្នាយ៉ាងល្អក្នុងរឿងនេះ ដែលតែងតែមានប្រធានបទរួមដើម្បីពិភាក្សាជាមួយគ្នា។ ប៉ុន្តែវាក៏ដោយសារការរៀនសូត្រ ដែលអ្នកទាំងពីរជ្រើសរើសរុញច្រានស្នេហាទៅម្ខាង ដោយទុកឱកាសសម្រាប់ផ្លូវអនាគតជាមុនសិន។ កុំបារម្ភគាត់នឹងមិនភ្លេចអ្នកទេ អ្នកទាំងពីរប្រាកដជាជួបគ្នាម្តងទៀត៕
ប្រភព ៖ iOne / Knongsrok
ព័ត៌មានថ្មីៗ
