L’Equipe រើស ៣ រូបនេះសង្ឃឹមខ្ពស់នឹងលើកពាន Ballon d’Or មាន Messi តែអត់ Ronaldo
ពានរង្វាន់ Ballon d'Or ដែលរៀបចំដោយស្ថាប័ន France Football កន្លងទៅយើងបានដឹងរួចមកហើយ នូវបេក្ខភាព ៣០ រូបចុងក្រោយ។ យ៉ាងណាថ្មីៗនេះសារព័ត៌មានបារាំង L'Equipe ក៏បានធ្វើការជ្រើសរើសនៅកីឡាករ ៥ រូបដែលខ្លួនគិតថាសក្តិសមនឹងលើកពានរង្វាន់ឯកត្តជនប្រចាំឆ្នាំ ២០២១។
ពួកគេបានដកឈ្មោះ Neymar, Kylian Mbappe និង N'Golo Kante ជាដើម ហើយអ្នកទាំង ៥ នោះ បែរជាមាន Cristiano Ronaldo, Lionel Messi, Robert Lewandowski, Jorginho និង Karim Benzema។
ដោយឡែកនៅ Top 3 ប្រភពបានធីបចោលឈ្មោះ Ronaldo និង Jorginho ពោលសល់តែ Messi, Lewandowski និង Benzema តែប៉ុណ្ណោះ ហើយជឿថាក្នុងចំណោមពួកគេទាំង ៣ នឹងមានមួយអាចឈ្នះពាន។
គួរបញ្ជាក់ថា នេះគ្រាន់តែជាការទស្សន៍ទាយទុកជាមុននៃស្ថាប័នសារព័ត៌មានធំមួយប៉ុណ្ណោះ ដោយវាមិនមែនជាការសម្រេចផ្លូវការនោះឡើយ។ ការបោះឆ្នោតនឹងធ្វើឡើងនៅពេលខាងមុខ ដោយប្រើប្រាស់សំឡេងជារួមរបស់អ្នកកាសែតទូទាំងសកលលោក មកដាក់ពិន្ទុ ហើយសម្រេចយក ១០ រូបចុងក្រោយ ៣ រូបចុងក្រោយ និងឈ្នះចុងក្រោយនៅខែធ្នូ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
