អាហារសាមញ្ញ ៣ មនុស្សជាច្រើនមិនសូវចាប់អារម្មណ៍ តែងាយទាញជាតិពុលចូលខ្លួន
ការទទួលទានអាហារ គឺត្រូវមានការប្រុងប្រយ័ត្នខ្ពស់ បើអ្នកចង់ទទួលបានសុខភាពល្អ។ ដោយឡែកអាហារទាំង ៣ ខាងក្រោម តាមអ្នកជំនាញបានណែនាំឲ្យអ្នករាល់គ្នា គួរយកចិត្តទុកដាក់ខ្ពស់បំផុត ព្រោះវាងាយនឹងមានផ្ទុកជាតិពុល ប៉ះពាល់មកកាន់រាងកាយ៖
៣) ត្រកួន
ការជ្រើសរើសទិញត្រកួនមកទទួលទាន អ្នកត្រូវមានការប្រុងប្រយ័ត្នខ្ពស់ គួរជ្រើសយកកន្លែងលក់ដែលគួរឲ្យទុកចិត្ត។ ព្រោះអីត្រកួនជាបន្លែដែលដុះតាមទឹក តាមស្រះ ងាយទទួលរងជាតិពុលចេញពីប្រភពទឹក ថ្នាំសម្លាប់សត្វល្អិត និងសារធាតុរំញោចផ្សេងៗ។
ជាពិសេសកុមារ មិនណែនាំឲ្យទទួលទានត្រកួនច្រើនពេកទេ ព្រោះងាយបង្កជាការក្អួតចង្អោរ ពុល រាករូស និងប៉ះពាល់ដល់ដំណើរការអភិវឌ្ឍសរីរាង្គមួយចំនួនរបស់ពួកគេជាដើម។
២) ខ្យង គ្រំ លៀស
អាហារមួយចំនួនផ្សេងទៀត ដូចជាគ្រំ ខ្យង លៀស ដែលស្ថិតក្នុងទឹកសាប ក៏ងាយនឹងទទួលរងការបំពុលដោយសារធាតុសំណ បារត អាសេនិច នីកែល ក្រូមជាដើមផងដែរ។ យកល្អមិនគួរទទួលទានអាហារទាំងអស់នោះឡើយ។
១) អាហារដែលគេរុំកាសែត
អាហាររុំកាសែត ឬក្រដាសបោះពុម្ពមួយចំនួន ក៏ងាយនឹងដក់ជាប់ទឹកថ្នាំចេញពីក្រដាសទាំងនោះផងដែរ ហើយវាគឺជាជាតិពុល មានជាតិអេតាណុល តូលូអ៊ីន សំណ ជាដើម។
ការប្រើប្រាស់កាសែតរុំអាហារ ជាពិសេសអាហារចៀន មានជាតិខ្លាញ់ ក្តៅ បង្កើនហានិភ័យខ្ពស់នៃការប៉ះពាល់ដល់សុខភាពមនុស្សធ្ងន់ធ្ងរ។ ដូច្នេះយកល្អ ពេលទិញអាហារកុំឲ្យគេវេចខ្ចប់ដោយប្រើប្រាស់ក្រដាសកាសែត ឬប្រភេទក្រដាសធម្មតាឲ្យសោះ។
ក្រោយទទួលទានអាហារចេញពីការរុំប្រភេទនេះ គឺងាយនឹងបណ្តាលឲ្យអ្នកមានអាការៈក្រហាយមាត់ ក្អួត ឈឺពោះ ហើយបើទម្លាប់ទទួលទានជាប្រចាំ វានឹងវិវត្តម្តងបន្តិចទៅជាជំងឺមហារីក ហើយក៏អាចខូចតម្រងនោមផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
