United ត្រៀមលុយជាង ៣០ លានឲ្យហើយទៅ Rangnick នឹងយកម្នាក់នេះ ចូលក្លឹបមុនគេ
ក្លឹបបិសាចក្រហម Manchester United ត្រូវបានគេរាយការណ៍ថា កំពុងទទួលបានការជូនដំណឹងហើយជាស្រេចពីអនាគតអ្នកចាត់ការថ្មី គឺលោក Ralf Rangnick អំពីគោលដៅកីឡាករដំបូងគេបង្អស់ ដែលលោកចង់នាំយកមកកាន់ទឹកដី Old Trafford។
បញ្ជាក់ថាបុរសវ័យ ៦៣ ឆ្នាំ សញ្ជាតិអាល្លឺម៉ង់ បច្ចុប្បន្នជានាយកផ្នែកអភិវឌ្ឍនិងកីឡានៃក្លឹប Lokomotiv Moscow តែលឺដំណឹងថា ព្រមព្រៀងកុងត្រារយៈពេល ៦ ខែហើយក្នុងការមកដឹកនាំ ក្នុងនាមជាគ្រូបណ្តោះអាសន្ន ក្រោយការដកតំណែងលោក Ole Gunnar Solskjaer។
ទន្ទឹមនឹងកិច្ចព្រមព្រៀងសារនេះ លោក Rangnick ចង់ឲ្យ United ចរចាយកកីឡាករនៃក្លឹបចាស់របស់លោកមួយរូប គឺ Amadou Haidara នៅទីផ្សារដោះដូរនាខែមករា ឆ្នាំ ២០២២ ខាងមុខ។ ជុំវិញតម្លៃផ្តាច់កុងត្រារបស់ Haidara គឺអាចថ្លៃប្រមាណ ៣៣ លានផោន។ នេះបើតាមសារព័ត៌មាន MirrorSport បានចុះផ្សាយ។
យុវជនវ័យ ២៣ ឆ្នាំខាងលើ គឺលេងនៅតំណែងបម្រើ ហើយ Rangnick យល់ឃើញថាគេជាតម្រូវការចាំបាច់ ក្នុងការធ្វើឲ្យក្រុមឆ្ពោះទៅរកភាពល្អប្រសើរឡើងវិញ ដ្បិតបើបច្ចុប្បន្ននៅក្លឹបមានកីឡាករបម្រើសំខាន់ៗមួយចំនួនហើយក៏ដោយ ដូចជា Donny van de Beek, Bruno Fernandes និង Paul Pogba ជាដើម៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
