មេផ្ទះ ៩០ ភាគរយមិនធ្លាប់ដឹង! នេះវិធីរក្សាទុកសាច់ជ្រូកឲ្យនៅស្រស់បានយូរ មិនខូចគុណភាព
ពេលទៅទិញសាច់ជ្រូកពីផ្សារ យកមកដល់ផ្ទះមនុស្សជាច្រើនត្រឹមតែយកវាទៅក្លាសេចោលក្នុងទូទឹកកក ដោយគិតថាវិធីងាយៗប៉ុណ្ណឹងគឺអាចធ្វើឲ្យសាច់នៅស្រស់បានហើយ។ ជារួមពួកគាត់គិតថា ឲ្យតែសាច់នៅកន្លែងកក គឺវានៅអាចប្រើប្រាស់បាន។
ដោយតាមពិតទៅ នោះជាការយល់ឃើញខុស ហើយការដែលយកទៅដាក់ក្លាសេភ្លាមៗរបៀបហ្នឹង គឺមានតែងាយនឹងចម្លងបាក់តេរី រួចក៏ធ្វើឲ្យបាត់បង់គុណភាពសាច់ មិនស្រស់បានយូរនោះដែរ។ ខាងក្រោម Knongsrok បង្ហាញពីវិធីរក្សាទុកសាច់ជ្រូកឲ្យបានយូរ ដែលស្រ្តីមេផ្ទះចាំបាច់ត្រូវដឹង៖
ជំហានទី ១) ពេលទិញសាច់ជ្រូកហើយ ចូរកាត់វាជាកង់ៗ ស្មានល្មមនឹងអាហារមួយពេលៗនៃក្រុមគ្រួសាររបស់អ្នក
ជំហានទី ២) លាងសាច់ជ្រូកដើម្បីកម្ចាត់ភាពកខ្វក់លើផ្ទៃសាច់ ដោយយកសាច់ទៅដាក់ក្នុងចានទឹកមួយ ដោយលាយជាមួយទឹកខ្មេះបន្តិច អំបិលកន្លះស្រលាបព្រា ហើយកូរវារហូតដល់រលាយចូលគ្នា រួចត្រាំទុកចោលរយៈពេល ២០ នាទី
ជំហានទី ៣) យកសាច់ចេញ រួចលាងទឹកស្អាត ២-៣ ដង
ជំហានទី ៤) យកសាច់មកដាក់លើក្រដាសជូតមាត់ ដើម្បីឲ្យស្រក់អស់ទឹក ជៀសវាងនៅជាប់សំណើម ធ្វើឲ្យប៉ះពាល់ដល់រសជាតិ និងផ្ទៃសាច់ពេលយកទៅក្លាសេ
ជំហានទី ៥) ប្រើជក់ យកទៅជ្រលក់ប្រេងឆាថ្មី ហើយយកវាមកលាបលើសាច់ ព្រោះធ្វើបែបនេះ ដើម្បីបន្ថែមសារធាតុចិញ្ចឹមដល់សាច់ មិនឲ្យវាបាត់បង់ ហើយធ្វើឲ្យសាច់មានឱជារស និងនៅស្រស់បានយូរដូចទើបទិញថ្មីៗ
ជំហានទី ៦) ប្រើថង់មករុំសាច់ តែត្រូវប្រាកដថារុំឲ្យបានជិត មិនឲ្យចូលខ្យល់ ឬសល់ចន្លោះខ្យល់ណាមួយ
ជំហានទី ៧) យកសាច់ជ្រូកនោះទៅដាក់ទូកកបានហើយ រួចពេលណាចង់ទទួលទាន សឹមយកមួយដុំៗមកចម្អិន ធានាថាសាច់នឹងនៅតែស្រស់ល្អ មិនស្ងួត ហើយនៅមានឱជារសមិនស្អុយនោះឡើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
