SpaceX មានគំរោងដឹកអ្នកដំណើរដោយរ៉ុកែត ឆ្លងកាន់មហាសមុទ្រអាតាល្លង់តិច ដោយចំណាយពេលត្រឹមតែ ៣០នាទីប៉ុណ្ណោះ

• 2019-03-24
• Share

ក្រុមហ៊ុនវិនិយោគមួយបានឱ្យយោបល់ថា ការហោះហើរផ្លូវឆ្ងាយដោយរ៉ុកកែត អាចដឹកជញ្ជូនអ្នកដំណើរ ជំនួសយន្តហោះនៅលើផែនដីគួរតែធ្វើបាន។

ដំណើរពីទីក្រុងឡុង ទៅទីក្រុង ញូវយ៉ក គឺចំណាយពេលត្រឹមតែ 29នាទី និងតិចជាងមួយម៉ោងទៅទីក្រុងស៊ីដនី ដោយ រ៉ុកកែតSpaceX Starship របស់ Elon Musk។

ក្រុមហ៊ុនស្វីស UBS បានព្យាករណ៍ថាទីផ្សារនៃការធ្វើដំណើរដោយរ៉ុកកែត ពីចំណុចទៅចំណុចនឹងមានតម្លៃ 15ពាន់លានផោន (19,7 ពាន់លានដុល្លារ) ក្នុងមួយឆ្នាំនៅត្រឹមឆ្នាំ 2030។

ក្រុមហ៊ុននេះក៏បានអះអាងថាឧស្សាហកម្មទេសចរណ៍នឹងមានតម្លៃ 2,3ពាន់លានផោន (3 ពាន់លានដុល្លារ) នៅត្រឹមឆ្នាំ 2030។

ក្រុមអ្នកជំនាញការហិរញ្ញវត្ថុបាននិយាយថាអនាគតនៃការធ្វើដំណើរតាមផ្លូវអាកាស នៅលើផែនដីដោយរ៉ុក្កែតចូលទៅក្នុងបរិយាកាសខាងលើ មុនពេលត្រឡប់ទៅផែនដីវិញ។

ការធ្វើដំណើរប្រកបដោយល្បឿនលឿនបែបនេះតាមរយៈលំហអាកាស គឺជាទីផ្សារដែលមានប្រាក់ចំណេញយ៉ាងច្រើន សម្រាប់ក្រុមហ៊ុននានា ដូចជាក្រុមហ៊ុន SpaceX និង Virgin Galactic ដែលកំពុងប្រកួតប្រជែងគ្នា។

លោក Jarrod Castle និងលោក Myles Walton អ្នកវិភាគប្រចាំក្រុមហ៊ុន UBS បានថ្លែងថា: «ទោះបីជាមានអ្នកខ្លះអាចមើលឃើញសក្តានុពលក្នុងការប្រើប្រាស់ទីកន្លែងដើម្បីបម្រើដល់ការធ្វើដំណើរផ្លូវហោះហើរចំណាយឆ្ងាយ ដែលជាការប្រឌិតវិទ្យាសាស្រ្តយើងគិតថាមានទីផ្សារធំ»។

«ខណៈពេលដែលវិស័យទេសចរណ៍អវកាស នៅតែស្ថិតក្នុងដំណាក់កាលដំបូងនៅឡើយ យើងគិតថានៅពេលដែលបច្ចេកវិទ្យាត្រូវបានបង្ហាញ ហើយការចំណាយធ្លាក់ចុះដោយសារបច្ចេកវិជ្ជា និងការប្រកួតប្រជែងទេសចរណ៍អវកាសនឹងក្លាយទៅជារឿងសំខាន់»។

សម្រាប់ការហោះហើរប្រវែងឆ្ងាយ ដូចជាពីទីក្រុងឡុងដ៍ ទៅទីក្រុងស៊ីដនី ដែលបច្ចុប្បន្នប្រើពេល 23ម៉ោងគ្រាប់ដោយយន្តហោះធម្មតា ប៉ុន្តែបើធ្វើដំណើរដោយរ៉ុកកែត អាចចំណាយពេលតិចជាងមួយម៉ោង។

លោកនិយាយបន្តថាទេសចរណ៍អវកាសទៅកាន់ភពអង្គារ និងភពដទៃទៀតនឹងក្លាយជាការពិត ដោយមានសណ្ឋាគារនានា ដែលបានចុះហត្ថលេខាដើម្បីបង្កើតទីធ្លាខាងក្នុងស្ថានីយ៍អវកាស។

ក្រុមអ្នកវិភាគបានព្យាករណ៍ថាឧស្សាហកម្មអវកាសធំទូលាយ ដែលបច្ចុប្បន្នមានតម្លៃប្រហែល 300ពាន់លានផោន (400ពាន់លានដុល្លារ) នាពេលបច្ចុប្បន្ននឹងកើនឡើងដល់ 610ពាន់លានផោន (805ពាន់លានដុល្លារ) នៅត្រឹមឆ្នាំ 2030។