កោះសង្សារគឺជាកោះឋានសួគ៌រ៉ូមែនទិចនៃទឹកដីរបស់ប្រទេសកម្ពុជា!!!
ដូចដែលយើងធ្លាប់បានដឹងមកហើយទឹកដីប្រទេសកម្ពុជាយើងមានកន្លែងស្អាតៗជាច្រើនហើយថ្ងៃនេះ គេហទំព័រ ក្នុងស្រុក នាំអ្នកទាំងអស់គ្នាទៅស្វែងយល់ពីដំបន់មួយស្ថិតនៅប៉ែកនិរតីនៃប្រទេសកម្ពុជាចម្ងាយប្រមាណជា ២៣២ គ.ម កាត់តាមខេត្តកំពង់ស្ពឺ អ្នកដំណើរនឹង ទៅដល់ទី រួមខេត្តព្រះសីហនុដែលជាមណ្ឌលសដ្ឋកិច្ច និងជាប្រភពទេសចរ ដ៏ល្អឯករបស់កម្ពុជា។
ក្រុងព្រះសីហនុ ឬហៅម្យ៉ាងទៀតថាកំពង់សោម មានតំបន់ទេសចរណ៍ល្អប្លែកៗ ដែលគួឲ្យទាក់ទាញជាច្រើន ក្នុងនោះមាន កោះសង្សារគឺឋានសួគ៌រ៉ូមែនទិចយើងមិនអាចរំលងបាន ។
ស្ថិតនៅប្រជុំកោះរ៉ុង ភាគនិរតីនៃតំបន់ឆ្នេរសមុទ្រកម្ពុជា ទេសភាពខ្សាច់សក្បុសហ៊ុមព័ទ្ធផ្ទះឈើប្រក់ស្បូវប្រណីត បានក្លាយជាឋានសួគ៌ពិតរបស់ភ្ញៀវទេសចរនោះគឺជារមណីយដ្ឋាន កោះសង្សារ ដែលផ្សារភ្ជាប់នឹងគម្រោងអភិរក្សធម្មជាតិ ជីវៈចម្រុះ និងសត្វព្រៃ។
កោះសង្សារដែលស្ថិតនៅបណ្ដុំកោះរ៉ុង មានរមណីយដ្ឋានដែល មានវីឡាឈើប្រណីត ២៧ខ្នងស្វាគមន៍ភ្ញៀវមកកំសាន្ត។ ខុសពីឆ្នេរសមុទ្រដែល មានមនុស្សម្នាកកកុញ នៅទីនេះ ហ្វូងមច្ឆជាតិហែលឆ្វែលឆ្វាត់ លោតផុតពីទឹកសមុទ្រពណ៌ខៀវថ្លាឆ្វង់ ខណៈបក្សាបក្សីសំចតកាយនៅលើមែកដើមកោងកាងយ៉ាងក្លាហាន។
ទិដ្ឋភាពទាំងនោះគឺជាលទ្ធផលនៃគម្រោងអភិរក្សរបស់កោះសង្សារ ដែលធ្វើឲ្យរមណីយដ្ឋាន នេះមានស្ដង់ ដារខុស ពីកន្លែងកម្សាន្តទូទៅ។
ស្ថិតនៅចម្ងាយ២៩គីឡូម៉ែត្រពីកំពង់ផែខេត្តព្រះសីហនុ រមណីយដ្ឋានកោះទាំង២នេះមានបុគ្គលិកផ្ទះបាយ អ្នកច្នៃម៉ូដ អគារ និងមគ្គុទ្ទេសក៍សុទ្ធតែលំដាប់ផ្កាយ។ ភ្ញៀវដែលប្រាថ្នាមកកម្សាន្តនៅទីនេះអាចធ្វើដំណើរតាមទូក ឬ ក៏ឧទ្ធម្ភាគ ចក្រក៏បាន។
ព័ត៌មានបន្ថែមពីកោះសង្សារមាននៅ www.songsaa.com
ប្រភពវីដេអូ៖ YouTube Cambodia Football Explorer
ព័ត៌មានថ្មីៗ
