មិនដល់កន្លះម៉ោងពីភ្នំពេញ! មានម្ហូបឆ្ងាញ់ដោយប្រើបន្លែ និងផ្លែឈើធម្មជាតិ ជាមួយនឹងកញ្ចុះកម្សាន្តរបៀបអ្នកចម្ការ ពិសេសណាស់សម្រាប់ថ្ងៃសម្រាកចុងសប្តាហ៍
ភ្នំពេញ៖ ទីកន្លែងកម្សាន្តរបៀបកញ្ចុះអង្គុយលេងមួយកន្លែងស្ថិតនៅបណ្តោយផ្លូវបឹងស្នោរ លើផ្លូវជាតិលេខ១ មួយកន្លែងបើកថ្មី ឈ្មោះថា ភោជនីយដ្ឋាន អ៊ុក សម្រស់ធម្មជាតិ បាននឹងកំពុងតែទាក់ទាញអ្នកភ្នំពេញមកលេងកម្សាន្តមិនចេះដាច់ដោយសារតែវាមានចម្ងាយជិតបង្កើយនឹងទីក្រុងភ្នំពញតែម្តង ប្រកបដោយភាពងាយស្រួលមកលេងកម្សាន្តនាថ្ងៃចុងសប្តាហ៍។
ភោជនីយដ្ឋានធម្មជាតិតាមរបៀបអ្នកចម្ការមួយកន្លែងនេះ ជាកន្លែងដ៏ពិសេសនៅក្នុងការមកកម្សាន្តលេងផង និងទទួលទានអាហារថ្ងៃត្រង់ផងជាលក្ខណៈក្រុមគ្រួសារ និងមិត្តភក្តិជាក្រុម ដោយសារតែមានកញ្ចុះកម្សាន្តជាច្រើនជាប់ៗគ្នាប្រកបដោយខ្យល់អាកាសបរិសុទ្ធ ថែមទាំងមានដើមឈើហូបផ្លែស្ទើរពាសពេញផ្ទៃដី ជាពិសេសមានទាំងសួនរងបន្លែធម្មជាតិជាជួរៗសម្រាប់ទុកចម្អិនអាហារជូនដល់អតិថិជនតែម្តង។
ក្រៅពីអាចទទួលទានម្ហូបអាហារឆ្ងាញ់ៗក្នុងតម្លៃដ៏សមរម្យ ដោយប្រើបន្លែធម្មជាតិដាំលើដីចម្ការភោជនីយដ្ឋានដោយផ្ទាល់ហើយ ភោជនីយដ្ឋានមួយនេះ ថែមទាំងអនុញ្ញាតិឱ្យភ្ញៀវមកកម្សាន្តបេះផ្លែឈើទទួលទានដោយមិនគិតថ្លៃទៀតផង សូម្បីតែកញ្ចុះអង្គុយ អង្រឹង និងកង្ហារគឺសុទ្ធតែ Free ទាំងអស់ ។
សូមបញ្ជាក់ផងដែរថា ភោជនីយដ្ឋាន អ៊ុក សម្រស់ធម្មជាតិ ស្ថិតនៅតាមបណ្តោយផ្លូវជាតិលេខ ១ ចំងាយពីបុរីប៉េងហួត បឹងស្នោ ប្រហែលជា 3km បើជិះពីភ្នំពេញគឺស្ថិតនៅខាងស្តាំដៃ និងចំណាយពេលវេលាជិះពីភ្នំពេញត្រឹមតែកន្លះម៉ោងតែប៉ុណ្ណោះ៕
រក្សាសិទ្ធអត្ថបទ៖ ក្នុងស្រុក
ព័ត៌មានថ្មីៗ
