មិននឹកស្មានថា ស្ទឹងត្រែង មានដែនកោះ និងរីហ្សតដ៏ស្រស់ស្អាតលាក់ខ្លួនក្បែរព្រំដែនឡាវពិសេសដល់ថ្នាក់នេះសោះ!
ស្ទឹងត្រែង៖ បើនិយាយពីសក្តានុពលខេត្តស្ទឹងត្រែង គឺសម្បូរទៅដោយតំបន់កម្សាន្តធម្មជាតិ ជាច្រើននៅមាត់ទឹក ដោយសារតែខេត្តនេះមានប្រភពទឹកដ៏សំខាន់ នោះគឺទន្លេសេកុង និងទន្លេមេគង្គ ។
នៅក្នុងនោះ កោះខេ ក៏ជាតំបន់រមណីយដ្ឋានដ៏ពិសេសមួយ ដែលកំពុងតែពេញនិយម ពោលគឺមានចម្ងាយពីទីរួមខេត្តស្ទឹងត្រែងត្រឹមតែ ១៥ គីឡូម៉ែត ហួសស្ពានសេកុង ទៅកាន់ព្រំដែនឡាវ ហើយដើម្បីទៅកាន់ទីតាំងនេះបាន យើងត្រូវជិះឆ្លងកាត់កំពង់ចំលង ដែលចំណាយអស់ទាំងទៅទាំងមកក្នុងម្នាក់ ២០០០រៀល តែប៉ុណ្ណោះដើម្បីទស្សនាទឹកធ្លាក់ និងតំបន់ធម្មជាតិស្អាតៗពិសេសៗ។
បន្ថែមពីនោះបន្ទាប់ពីធ្វើដំណើរកម្សាន្តលើកោះខេ លោកអ្នកក៏អាចស្នាក់នៅ និងទស្សនាកម្សាន្តនៅក្នុងរមណីយដ្ឋានដ៏ប្រណីតមួយផងដែរនោះគឺ បក្សីមេគង្គ រីសត៍ (Mekong Bird River ) ដែលជាកន្លែងដែលមានភាពស្រស់ស្អាតតាមបែបធម្មជាតិព្រមទាំងយើងអាចជិះ កៃយ៉ាក់សំរាប់មើលទេសភាពថ្ងៃលិច ទស្សនាក្អែកទឹកនៅតាមដងទន្លេមេគង្គ ជាពិសេរីសតនេះមានសេវាកម្មដូចជា បឹងកាឡូម៉ាស៊ីនត្រជាក់ បោះតង់ អាហារដ្ឋានធម្មជាតិ ទូកទេសចរណ៏មើលសត្វស្លាប ព្រៃលិចទឹក ហែលទឹកលេង ជិះទូកកៃយ៉ាក់ តាមជ្រលងព្រៃលិចទឹកនាតំបន់រាមសាទៀតផង។
គួរឱ្យដឹងផងដែរថា រមណីយដ្ឋាន បក្សីមេគង្គ រីសត៍ (Mekong Bird River ) មានចម្ងាយត្រឹមតែ៤គមពីស្ពានសេកុង នៃខេត្តស្ទឹងត្រែងប៉ុណ្ណោះ ដោយលោកអ្នកអាចទំនាក់ទំនងសាងសួរព័ត៌មាន និងកក់ទុកតាមរយៈលេខទូរស័ព្ទ 066 997 797 ៕
រក្សាសិទ្ធអត្ថបទ៖ ក្នុងស្រុក
ប្រភពរូបភាព៖ ដើរមើល និង Mekong Bird Resort
ព័ត៌មានថ្មីៗ
