ហេតុអ្វីដល់ថ្នាក់ហ្នឹង! ខឹងឪពុកមិនរកប្រពន្ធឲ្យដុតផ្ទះឆេះខ្ទេចហ្មត់!
ខេត្តស្វាយរៀង៖ រឿងគួរឲ្យហួសចិត្តមួយបានកើតឡើងថ្ងៃទី១១ ខែកក្កដា ឆ្នាំ២០១៩ វេលាម៉ោង ១១និង៥០នាទី កូនប្រុសចិត្តធំម្នាក់បានដុតផ្ទះខ្លួនឯងឆេះហ្មត់តែម្ដង។
ហេតុការណ៍នេះកើតឡើងនៅ ភូមិព្រៃស្រគុំ ឃុំពងទឹក ស្រុករំដួល ខេត្តស្វាយរៀងខណៈអ្នកដុតផ្ទះឈ្មោះពិន ពិទូ (ជាកូន)បានដុតផ្ទះឆេះ ១ខ្នង ទំហំ ៨x៩ ម៉ែត្រ(ខូចខាត)ទាំងស្រុង។
តាមការបញ្ជាកពីឱពុក( ជនរងគ្រោះ)របស់កូនប្រុសចិត្តខ្លាំងរូបនេះ ឈ្មោះ ពិន បូរិន ភេទប្រុស អាយុ ៥៩ឆ្នាំបានឲ្យដឹងថាផ្ទះរបស់គាត់សង់អំពីឈើ ប្រក់ក្បឿងមួយខ្នងនេះជារបស់គាត់ខំសាងសង់យូមកហើយ។
សម្រាប់មូលហេតុនៃការដុតបំផ្លាញផ្ទះខ្លួនឯងនេះ គឺដោយសារ កូនខឹងនឹងឪពុករបស់ខ្លួនមិនរកប្រពន្ធឲ្យ។ ក្នុងករណីនេះ រថយន្តពន្លត់អគ្គិភ័យមិនបានជួយអន្តរាគមន៍ដោយសារទទួលពត៌មានក្រោយពេលកើតហេតុ៕
ព័ត៌មានថ្មីៗ
