តោះ! ចុងសប្តាហ៍ហើយ លើកគ្នាទៅលេងភ្នំឧដុង្តម្តងហ្ហី! មើលតែម្ហូបតាមផ្លូវក៏ស្រក់ទឹកមាត់ច្រោកដែរ!
កណ្តាល៖ ភ្នំឧដុង្គ ឬមានឈ្មោះថា ភ្នំព្រះរាជ្យទ្រព្យ ឬភ្នំអដ្ឋរស្ស គឺជាអតីតរាជធានីចាស់បុរាណចុងក្រោយគេរបស់ខ្មែរយើងនាសតវត្សរ៍ទី១៧ (ពីឆ្នាំ១៦១៨ ដល់ឆ្នាំ ១៨៦៦) បន្ទាប់មកទើបធ្វើការផ្លាស់ប្តូរាជធានីទៅកាន់រាជធានីចតុមុខវិញរហូតដល់សព្វថ្ងៃ។
ភ្នំឧដុង្គមានចំងាយប្រមាណ ៤០គីឡូម៉ែត្រពីភាគពាយព្យនៃរាជធានីភ្នំពេញស្ថិតនៅក្នុងឃុំផ្សារដែក និងឃុំភ្នំបាត ស្រុកពញាឭ ខេត្តកណ្តាល។ ដោយការឡើងទៅកម្សាន្តលេងលើកំពូលភ្នំមួយនេះ លោកអ្នកនឹងទទួលបាននូវទិដ្ឋភាពស្រស់បំព្រេងត្រជាក់ភ្នែក ក្រឡេកទៅណាក៏សុទ្ធតែស្រស់ស្អាតឃើញពោរពេញទៅដោយដើមត្នោត ផ្ទះ វាលស្រែ ចម្ការ របស់អ្នកស្រុកព័ទ្ឋជុំវិញ រួមទាំងដៃទន្លេសាបផងដែរ។ នៅលើភ្នំទៀតសោតក៏មានប្រាសាទបែកបាក់ជាច្រើនកន្លែង ព្រះសក្យមុនីចេតិយដ៏ធំនៅលើកំពូលភ្នំឧដុង្គជ្រុងខាងជើង ព្រះចេតិយធំៗសម្រាប់បញ្ចុះសពនៃ ព្រះរាជវង្សានុវង្ស ទីវត្តអារាម ទីកនែ្លងសម្រាប់សក្ការបូជា កនែ្លងអង្គុយលំហែគយគន់ទេសភាពដ៏ត្រកាលពីលើកំពូលភ្នំជាដើម។
ក្រោយពីទស្សនាទេសភាពលើភ្នំរួច នៅក្រោម និងច្រកចូលភ្នំវិញ មានកញ្ចុះអង្គុយលេងក្រោមដើមឈើយ់ាងត្រជាក់សន្លឹមបន្តៗគ្នាជាច្រើន ជាពិសេសមានតូបតូចៗតម្រៀបជួរគ្នាក្បែរមាត់ផ្លូវជាច្រើនមុខ សុទ្ធតែម្ហូបបែបស្រុកស្រែមានរសជាតិឆ្ងាញ់ជាប់ចិត្តរួមទាំងបន្លែ និងផ្លែឈើដាំនៅក្នុងស្រុកភូមិទៀតផង ។
ដូច្នេះចង់ដឹងថាមានម្ហូបឆ្ងាញ់ៗយ៉ាងណាតាមដានទាំងអស់គ្នា៖
រក្សាសិទ្ធអត្ថបទ៖ ក្នុងស្រុក
ប្រភពរូបភាព៖ Phkachhouk Media
ព័ត៌មានថ្មីៗ
