ពេជ្រ ចរណៃ « សូមជួយបំពេញក្ដីស្រមៃរបស់ខ្ញុំផង បើខ្មែរយើងគិតរឿងវប្បធម៌ ដូចជាជេរហែកហួរគ្នាតាមហ្វេសប៊ុកនោះ វប្បធម៌មួយនេះនឹងឧដុង្គឧត្ដម »
ភ្នំពេញ៖ មួយរយៈមុន « ព្រឹត្តិការណ៍សម្ដែងល្ខោនខោលដ៏អស្ចារ្យឆ្នាំ២០២០ » ដែលគ្រោងនឹងបានបង្កើតឡើង គឺដើម្បីបំផុសបំផុលឱ្យប្រជាជនខ្មែរទូទាំងប្រទេសធ្វើការចូលរួមដើម្បីបង្កើតព្រឹត្តិការណ៍ដ៏អស្ចារ្យមួយសម្រាប់សិល្បៈល្ខោនខ្មែរនាឆ្នាំ ២០២០ ខាងមុខនេះ។នៅក្នុងនោះ ទឹកប្រាក់វិភាគទានម្នាក់ ១០០០ រៀលរបស់លោកអ្នកមានតម្លៃណាស់ ដោយវាអាចបានចូលរួមចំណែកបង្កើតព្រឹត្តិការណ៍ប្រវត្តិសាស្រ្តល្ខោនខោលខ្មែរដ៏អស្ចារ្យនាពេលខាងមុខ។
ប៉ុន្តែហាក់បីដូចជាភ្លើងចំបើង យុទ្ធនាការនៃការផ្សព្វផ្សាយ និងចូលរួម ត្រូវបានមនុស្សជាច្រើនលែងចាប់អារម្មណ៍ និងមិនសូវជាអើពើ ដោយសារតែនៅក្នុងបណ្តាញសង្គមចេះតែមានព្រឹត្តិការណ៍កើតឡើងជាបន្តបន្ទាប់ឱ្យប្រជាជនខ្មែរតាមដាន ដោយភាគច្រើនគឺជារឿងគ្មានប្រយោជន៍។
ដោយមានអារម្មណ៍ថាឈឺចាប់ និងចង់ឱ្យកម្មវិធីដែលលើកស្ទួយវប្បធម៌នេះដំណើរការដោយរលូន ព្រមទាំងមានការគាំទ្រ តាមរយៈគណនីជាផ្លូវការរបស់កញ្ញា ពេជ្រ ចរណៃ បានសរសេររៀបរាប់យ៉ាងចាក់ដោតថា៖
« សូមជួយបំពេញក្ដីស្រមៃរបស់ខ្ញុំផង🙏🏻🙏🏻😞 ចំណាយពេលអានបន្តិចទៅ 🙏🏻🙏🏻 សូមជួយខ្វាយខ្វល់ ឈឺឆ្អាល រឿងនេះផង 🙏🏻បេីរឿងវប្បធម៍ល្បីដូចរឿង ប្រលែងក្រពេី រឿងតារាជេហែកហួរគ្នាតាមហ្វេសប៊ុកនោះវប្បធ៍មមួយនេះនឹងឧដុង្គឧត្ដម..កូនខ្មែរគ្រប់រូបគួរតែមានកាចូលរួមឈឺឆ្អាលរឿង ថែរក្សា ការពារ លេីកស្ទួយ នឹង កែច្នៃ វប្បធម៌ខ្មែរទាំងអស់គ្នា.. មិនមែនជារបស់ខ្ញុំតែម្នាក់ ហេីយក៏មិនមែនជារបស់ក្រុមណាដាច់មុខដែរ តែជារបស់ខ្មែរមួយ(នគរ)..
ដឹងទេ? ថាគេទៅមុខកាន់តែឆ្ងាយហេីយ? ថៃជាប្រទេសដែលមិនមាន អរិយធម៌ វប្បធម៌ ច្បាស់លាស់ ក្លាយជាប្រទេសដែលបានប្រឹងតុបតែង ចងក្រង កែច្នៃ មិនយូរគេនឹងក្លាយជាម្ចាស់យេីងច្បាស់ក្លាយជាអ្នកចំម្លងពីគេទៅវិញ..😔
បងប្អូនដឹងទេ? ក្រុមការងារ ទិវាបេតិកភណ្ឌ កំពុងធ្វើការយ៉ាងសស្រាក់សស្រាំដើម្បី ព្រឹត្តិការណ៍ការសម្តែងល្ខោនខោល នាឆ្នាំ២០២០ខាងមុខ ក្នុងការលើកមុខមាត់សិល្បៈ និងសម្បិត្តិវប្បធម៌ជាតិខ្មែរយើង ..តែ! ក្រុនកាងានៅខ្វះថវិកាសម្រាប់ឈុតតួរ មេទ័ពស្វា10ឈុតទៀត ដូចនេះក្រុមការងារបានឌឺសាញអាវយឺត ដែលមាននៅក្នុងរូបនេះ លក់ ដេីម្បីទ្រងទ្រង់ អាវមួយតំលៃតែ 10000រៀលទេ..
ពួកយើងកំពុងខិតខំហើយ នៅចាំតែការចូលរួមឧបត្ថមគាំទ្រពីររបងប្អូនមហាគ្រួសារខ្មែរប៉ុណ្ណោះ !
នាងខ្ញុំ ពេជ្រចរណៃ លេីកទឹកចិត្តអោយបងប្អូនទាំងអស់គ្នាចូលរួមទិញអាវនេះម្នាក់មួយ ដូចបានចូលរួមផ្សព្វផ្សាយនឹងលេីកស្ទួយល្ខោនខោលខ្មែរ🙏🏻🇰🇭តោះៗចូលរួមក្នុងនាមជាម្ចាស់កេរមរតកដូនតាយើង !
ដំណើរឆ្ពោះទៅកាន់ ព្រឹត្តិការណ៍ប្រវត្តិសាស្ត្រល្ខោនខោលខ្មែរ ក្នុងកម្មវិធីទិវាបេតិកភណ្ឌលើកទី៥ ក្រោមប្រធានបទ « ល្ខោនខោលមរតកជាតិខ្មែរ»
ក្នុងគោលបំណង ៖
- ដើម្បីអបអរសាទរខួប២ឆ្នាំល្ខោនខោលខ្មែរ
- អបអរសាទរខួប៤ឆ្នាំចាប៉ីដងវែងខ្មែរ
- អបអរសាទរខួប១៥ឆ្នាំល្ខោនស្រមោលស្បែកធំ
- អបអរសាទរខួប១៧ឆ្នាំរបាំព្រះរាជទ្រព្យ
ចូលជាសម្បត្តិបេតិកភណ្ឌអរូបី នៃមនុស្សជាតិដោយអង្គការ UNESCO ។
ព្រឹត្តិការណ៍សម្ដែងល្ខោនខោលដ៏អស្ចារ្យនាថ្ងៃទី ២៨-២៩ ខែ វិច្ឆិកា ឆ្នាំ ២០២០ !
សូមអរគុណសម្រាប់ការគាំទ្រ និងជួយផ្សព្វផ្សាយសិល្បៈបុរាណខ្មែរ !
៙ គណនីធនាគារ ៖
- ABA so Chanmolida 000616475 ($)
- ABA Soun Sovathna 000616468(៛)
- គណនី wing ($) Sran Vanna 02702535
- គណនី wing (៛) Sran Vanna 02702534
- គណនីអេស៊ីលីដាទាន់ចិត្ត
+855(0)10247341
115972390 (៛)
115972408 ($)
- គណនី ASIA WEI LUY ($)(៛) 010247341
- គណនី Pi Pay ($)(៛) +855(0)69 481 649
៙ ទំនាក់ទំនងតាមលេខទូរស័ព្ទ ៖
Tel: 010247341
017 94 62 40
096 20 30 240
៙ អាចមកចូលរួមដោយផ្ទាល់នៅ ៖
- ផ្ទះកាហ្វេវប្បធម៌ ខណ្ឌឫស្សីកែវ
- ផ្ទះកាហ្វេវប្បធម៌ សៀមរាប ជិតវត្តព្រះឥន្រ្ទកោសីយ៍
- ផ្សារផលិតផលកម្ពុជា សៀមរាប
- ហាងកាហ្វេប្រ៊ូហោស៍ទាំង៣សាខា
- មរតកមីនីម៉ាត និងកាហ្វេ ជិតផ្សារអង្គតាសោម
- ផ្សារខ្មែរ នៅបុរីពិភពថ្មីចំការដូង2
ព័ត៌មានលម្អិតសូមចូលទៅកាន់ ព្រឹត្តិការណ៍សម្ដែងល្ខោនខោលដ៏អស្ចារ្យឆ្នាំ២០២០ »។
កុំភ្លេចណា! ក្នុងនាមជាកូនខ្មែរ កើត និងរស់នៅលើទឹកដីដ៏ល្អបវរថ្លៃថ្លាមួយនេះ សូមចូលរួមគាំទ្រកម្មវិធីដ៏ពិសេសមួយនេះទាំងអស់គ្នា ដោយទឹកប្រាក់បន្តិចបន្តួច ១០០០រៀលរបស់លោកអ្នកពីតជាតម្លៃខ្លាំងណាស់សម្រាប់ដំណើរការ « ព្រឹត្តិការណ៍សម្ដែងល្ខោនខោលដ៏អស្ចារ្យឆ្នាំ២០២០ » នាពេលខាងមុខនេះ៕
រក្សាសិទ្ធអត្ថបទ៖ ក្នុងស្រុក
ព័ត៌មានថ្មីៗ
