កូនខ្មែរទាំងអស់ចូលរួមរំលែកទុក្ខដ៏ក្រៀមក្រំ នៃការយាងសោយទិវង្គតរបស់សម្ដេចរាជបុត្រី ព្រះរៀម នរោត្តម បុប្ផាទេវី
ភ្នំពេញ : ប្រិយមិត្តច្បាស់ជាស្គាល់ហេីយ ព្រះអង្គម្ចាស់ក្សត្រីសម្ដេចព្រះរៀមនរោត្ដម បុប្ផាទេវី ដែលទ្រង់គឺជាមាតានៃរបាំព្រះរាជទ្រព្យរបស់ប្រទេសកម្ពុជា ដែលជារឿងមហាទុក្ខក្រៃលែង ពេលនេះទ្រង់យាងចូលព្រះទីវង្គតហេីយ ។
ដោយសម្ដេចរាជបុត្រី ព្រះរៀមនរោត្តម បុប្ផាទេវី បានយាងសោយព្រះពិរាល័យក្នុងព្រះជន្ម ៧៦ព្រះវស្សា នាវេលាម៉ោង ១២:៣០ នាទី ថ្ងៃទី១៨ ខែវិច្ឆិកា ឆ្នាំ២០១៩ ក្នុងមន្ទីរពេទ្យព្រះរាជាណាចក្រថៃ ដោយជរាពាធ។
គួរឱ្យដឹងផងដែរថា សម្ដេចរាជបុត្រី ព្រះរៀមនរោត្តម បុប្ផាទេវី ទ្រង់ព្រះប្រសូតនៅថ្ងៃទី០៨ ខែមករា ឆ្នាំ១៩៤៣ នារាជធានីភ្នំពេញ ដោយទ្រង់ជាព្រះរាជបុត្រីច្បង នៃព្រះករុណា ព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពដែនដី និងឯកភាពជាតិខ្មែរ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត និងអ្នកម្នាង ផាត់ កាញ៉ុល នាដការីនៃរបាំព្រះរាជទ្រព្យ ។
សារនេះជាសារដ៏ក្រៀមក្រំបំផុតនៃប្រជាជនកម្ពុជាដែលបាត់បង់សមាជិកខ្សែរាជវង្សមួយព្រះអង្គទទៀតហេីយ ។ ជាចុងក្រោយសូមថ្វាយមហាព្រះរាជកុសល ថ្វាយព្រះវិញ្ញណក្ខ័ន្ធ ព្រះអង្គក្សត្រី នរោត្តម បុប្ផាទេវី ស្តេចយាងទៅកាន់ទីឋានព្រះបរមសុខកុំបីឃ្លៀងឃ្លាតឡើយ៕
ព័ត៌មានថ្មីៗ
