ពូកែតុបតែងម្ល៉េះ! ទោះទីតាំងផ្ទះតូចចង្អៀត តែច្នៃធ្វើពិធីមង្គលការបានយ៉ាងស្អាត ឥឡូវគេសម្រុកទាក់ទងទៅព្រាត
Bliss Planner ដែលជាក្រុមរចនានិងតុបតែងរៀបចំពិធីមង្គលការរបស់ប្រទេសថៃ បាននឹងកំពុងធ្វើឲ្យមានការភ្ញាក់ផ្អើលជាខ្លាំងនៅលើបណ្តាញសង្គម ជុំវិញទឹកដៃដ៏វិសេសវិសាល ដែលអាចរៀបចំផ្ទះតូចមួយដែលមានបរិវេណតូចចង្អៀតឲ្យក្លាយជាទីតាំងធ្វើពិធីមង្គលការអបអរកូនកម្លោះក្រមុំបានយ៉ាងស្អាតល្អ។
រូបភាពដែលបង្ហោះកាលពីប៉ុន្មានថ្ងៃមុននោះ គឺទទួលបានការចុច Like ដល់ទៅ ១ មុឺនដង និងការ Share ច្រើនជាង ១៣ ០០០ ដងរួចទៅហើយ។ ទំនងជាមានការពេញចិត្តខ្លាំង រហូតដល់ថ្នាក់ Bliss Planner បាន Comment សុំការអធ្យាស្រ័យពីបងប្អូន ព្រោះថាមានអ្នកទាក់ទងមកខ្ទង់ពាន់នាក់ត្រឹមតែប៉ុន្មានថ្ងៃប៉ុណ្ណោះ។
Bliss Planer ដែលមានមូលដ្ឋាននៅប្រទេសថៃមួយនេះ បើតាមដឹងតាមរយៈគេហទំព័រផ្លូវការរបស់ពួកគេ គឺមានទទួលទាំងការរៀបចំពិធីមង្គលការ ការរៀបចំកញ្ចប់ Pre-Wedding ទទួលថតរូប និងការតុបតែងមួយចំនួនផ្សេងទៀត។ ចំពោះតម្លៃយើងមិនអាចលម្អិតច្បាស់លាស់បាននោះទេ៕
ប្រភព៖ Facebook
ព័ត៌មានថ្មីៗ
