ទឹកចិត្តដ៏ល្អប្រពៃ! ឯកឧត្ដមនាយឧត្ដមសេនីយ៍ នេត សាវឿន និងលោកជំទាវ បាននាំយកអំណោយ និងមួកសុវត្ថិភាព ចែកជូនប្រជាពលរដ្ឋខេត្ត ព្រៃវែង នាព្រឹកនេះ
នៅព្រឹកថ្ងៃទី ២២ ខែ ឧសភា ឆ្នាំ ២០២០ លោក ផែង វណ្ណៈ និងក្រុមការងារ បាននាំយកអំណោយ និងមួកសុវត្ថិភាព ដែលឧបត្ថម្ភដោយ ឯកឧត្ដមនាយឧត្ដមសេនីយ៍ នេត សាវឿន អគ្គស្នងការនគរបាលជាតិ និង លោកជំទាវ និង សប្បុរសជន ទៅចែកជូនប្រជាពលរដ្ឋដែលមានការខ្វះខាតចំនួន ១៥០ នាក់ នៅឃុំ ព្រៃឃ្នេស ស្រុក មេសាង ខេត្ត ព្រៃវែង ក្នុងនោះប្រជាពលរដ្ឋដែលមានការខ្វះខាតខ្លាំងចំនួន៤០ គ្រួសារ ទទួលបានអង្ករ ២០ គ.ក្រ មី ១កេស ត្រីខ ១០ កំប៉ុង ទឹកត្រី១ដប ទឹកស៉ីអ៉ីវ ១ដប ស្កស ១គ.ក្រ មួកសុវត្ថិភាព ១ អាវយឺត ១ ថវិកា ៤ ម៉ឺនរៀល ។ ចំណែក ប្រជាពលរដ្ឋចំនួន ១១០ នាក់ ទៀត ម្នាក់ៗទទួលបានមួកសុវត្ថិភាព ១ ថវិកា ១ ម៉ឺនរៀល អាវយឺត ១ ។
នៅក្នុងឱកាសនេះដែរ លោក ផែង វណ្ណៈ ក៏បានក្រេីនរំលឹកអោយប្រជាពលរដ្ឋចូលរួមគោរពច្បាប់ចរាចរណ៍ទាំងអស់គ្នាដេីម្បីសុវត្ថិភាពក្រុមគ្រួសារ និង សង្គមជាតិ និងបានសំណូមពរអោយបងប្អូនប្រជាពលរដ្ឋបន្តថែរក្សាអនាម័យអោយបានត្រឹមត្រូវ ដេីម្បីការពារសុវត្ថិភាពពីជំងឺឆ្លងកូវីដ ១៩ផងដែរ៕
ព័ត៌មានថ្មីៗ
