ក្នុងពិភពលោកនេះមានប្រទេស២គត់មានបឹងច្រើនជាងគេ
ការសម្គាល់ប្រទេសដែលមានបឹងច្រើនជាងគេមិនមែនជាការងារងាយស្រួលនោះទេ។ ភាពមិនច្បាស់លាស់ទាក់ទងនឹងនិយមន័យនៃ"បឹង"គឺជាមូលហេតុមួយដែលនាំឱ្យការសិក្សាស្រាជ្រាវពិបាក។ យោងតាម National Geographic ៉ បឹង ៉ គឺជាប្រភពទឹកធំមួយដែលព័ទ្ធជុំវិញដោយដី។ National Geographic កត់សំគាល់ថាផ្ទៃទឹកតូចៗព័ទ្ធជុំវិញដោយដីត្រូវបានគេហៅថាជាស្រះ ឬត្រពាំង។
តាមនិយមន័យនេះ! គ្មានទំហំណាមួយត្រូវបានកំណត់ដើម្បីបែងចែកស្រះ ត្រពាំង និងបឹងដាច់ពីគ្នានោះទេដែលនេះបណ្តាលឱ្យមានភាពមិនច្បាស់លាស់កើតឡើង។ បញ្ហាប្រឈមមួយទៀតដែលកើតឡើងជាមួយនឹងការកំណត់ចំនួនបឹងនៅក្នុងប្រទេសមួយគឺថាបឹងជាច្រើនមិនមានឯកសារ និងគ្មានឈ្មោះ។ តែយ៉ាងណា! គេប៉ាន់ស្មានថាប្រទេសដែលមានបឹងច្រើនជាងគេជាងគេបំផុតនៅលើពិភពលោកគឺប្រទេសកាណាដាឬហ្វាំងឡង់។
ប្រទេសកាណាដា៖
ប្រទេសកាណាដាអាចជាប្រទេសមានចំនួនបឹងច្រើនបបំផុតនៅលើពិភពលោក។ ផ្ទៃដីទំហំធំរបស់កាណាដា អាចជាកត្តារួមចំណែកដល់ចំនួនបឹងក្នុងប្រទេស។ បឹងបានចាប់ផ្តើមអភិវឌ្ឍដោយសារតែសកម្មភាពរលាយផ្ទាំងទឹកកក។ ប្រមាណ ៦០% នៃបឹងនៅលើពិភពលោកត្រូវបានគេរកឃើញនៅក្នុងប្រទេសកាណាដា។ រដ្ឋាភិបាលកាណាដាបានរាយការណ៍ថាមានបឹងធំ ៗ ចំនួន ៣១.៧៥២ នៅក្នុងប្រទេស។
បឹងនីមួយៗមានផ្ទៃជាង ៣ គីឡូម៉ែត្រការ៉េ (១,៨ ម៉ាយការ៉េ) ។ ចំនួនបឹងដែលគ្របដណ្តប់លើផ្ទៃដីជាង ១០០ គីឡូម៉ែត្រការ៉េ (៦២ ម៉ាយការ៉េ) មានចំនួន ៥៦១។ វាត្រូវបានគេប៉ាន់ស្មានផងដែរថា ចំនួនបឹងតូចៗមានជិត ២ លាន។ ប្រហែល ៩ ភាគរយនៃប្រទេសកាណាដាត្រូវបានគ្របដណ្តប់ដោយទឹកសាប។ បឹងធំបំផុតដែលស្ថិតនៅក្នុងទឹកដីប្រទេសកាណាដាទាំងមូលគឺGreat Bear Lake ដែលមានផ្ទៃដីប្រមាណ ៣១,៣២៨ គីឡូម៉ែត្រការ៉េ (១៩.៤៦៦ ម៉ាយការ៉េ) ។
ប្រទេសហ្វាំងឡង់៖
ប្រសិនបើយើងពិចារណាលើចំនួនបឹងផ្លូវការដែលបានបញ្ចាក់ដោយប្រទេសមួយនោះ! ប្រទេសហ្វាំងឡង់នឹងវ៉ាដាច់ប្រទេសកាណាដាមួយផ្នែកធំ។ យោងតាមវិគីភីឌាហ្វាំងឡង់មានបឹងផ្លូវការចំនួន ១៨៧.៨៨៨ ដែលបឹងនីមួយៗមានផ្ទៃដីជាង ៥០០ ម៉ែត្រការ៉េ។
មានបឹងប្រមាណ ៥៧,០០០ មានផ្ទៃជាង ១០.០០០ ម៉ែត្រការ៉េ។ ស្ថិតិទាំងនេះបានបង្កឱ្យមានការជជែកវែកញែកតឺងសរសៃកដាក់គ្នា ថាតើប្រទេសណាដែលមានចំនួនបឹងខ្ពស់ជាងគេរវាងកាណដានិងហ្វាំងឡង់។ បឹងដែលធំជាងគេនៅហ្វាំងឡង់គឺបឹងសាមយ៉ា (Saimaa) ដែលមានទំហំ ១,៣៧៧ គីឡូម៉ែត្រក្រឡា។
ព័ត៌មានថ្មីៗ
