ថ្មីប្លែក បរិយាកាសធម្មជាតិព្រៃភ្នំ និងចុះអ័ព្ទពិតៗត្រជាក់ចិត្ត ជាមួយនឹងរីហ្សតច្នៃពីកុងតឺន័រចាស់មួយនេះ
Khao Kho (เขาค้อ) គឺជាតំបន់ និងជាឈ្មោះភ្នំមួយនៅក្នុងសង្កាត់ Khao Kho ខេត្ត Phetchabun ភាគខាងជើងប្រទេសថៃ ដែលល្បីថាមានអាកាសធាតុត្រជាក់ ចុះអ័ព្ទ និងសម្បូរទៅដោយជួរភ្នំ មិនខុសពីខេត្តមណ្ឌលគិរីខ្មែរយើងឡើយ។ តំបន់នេះក៏សម្បូរទៅដោយរីហ្សតស្នាក់នៅកម្សាន្តជាច្រើនកន្លែងប្រជែងគ្នាបើកទ្វារស្វាគមន៍អ្នកទេសចរណ៍មកកម្សាន្ត ដោយក្នុងនោះមានរីហ្សតមួយដែលទទួលបានការចាប់អារម្មណ៍ខ្លាំងដែរនោះគឺ Chick Resort ។
Chick Resort khao kho (ชิค รีสอร์ท เขาค้อ เพชรบูรณ์) គឺជារីហ្សតមួយដែលមានបន្ទប់ស្នាក់នៅដាច់ដោយឡែក ច្នៃពីកុងតឺន័រចាស់ៗ មករៀបចំតុបតែង រចនាថ្មី លាបពណ៌លឿងស្រស់ រួមទាំងបំពាក់ឧបករណ៍ស្នាក់នៅយ៉ាងទំនើបដូចបន្ទប់សណ្ឋាគារដែរ ។ បន្ថែមពីនេះ បរិយកាសរីហ្សតមួយនេះពិតជាស្រស់ស្អាត ប្លែក ត្រជាក់ភ្នែកជាមួយនឹងជួរភ្នំព័ទ្ធជុំវិញ និងបរិយកាសចុះអ័ព្ទប្រៀបបីដូចជាស្ទឹងពពកទៀតផង។
ក្រៅពីអាចស្នាក់នៅ អ្នកទេសចរណ៍ក៏អាចលំហែរជាមួយបរិយាកាសធម្មជាតិពិតៗនៅជុំវិញ អាចទស្សនាព្រៃ និងឧទ្សាន អាចថតរូបកម្សាន្តសុទ្ធតែជាកន្លែងស្អាតៗ រួមទាំងមានបម្រើសេវាកម្មម្ហូបអាហារ និងកាហ្វេភេសជ្ជៈជាច្រើនមុខផងដែរ ពិសេសមានទីតាំងសម្រាប់អាំងសាច់ ឬផឹកស៊ីជួបជុំមិត្តភក្តិក៏យប់ក៏បាន។
គួរឱ្យដឹងផងដែរថាដើម្បិធ្វើដំណើតទៅកាន់ Chick Resort អ្នកត្រូវចេញពីក្រុងបាងកកប្រទេសថៃប្រមាណជា ៥ ទៅ ៦ម៉ោងដោយប្រើប្រាស់រថយន្ត និងអាចស្វែងរកទីតាំងតាមរយៈ Map មួយនេះ។ លោកអ្នកក៏អាចធ្វើការកក់ ២៤ម៉ោងលើ២៤ម៉ោងតាមរយៈ ៖ https://reservation.roomscope.com/1360/th 🚩Linehttps://line.me/R/ti/p/%40chickresort ឬសាកសួរតាមរយៈលេខទូរស័ព្ទ 0805077766 (7:00-22:00 pm) ៕
អត្ថបទ៖ ក្នុងស្រុក
អត្ថបទ៖ Chick Resort khao kho
ព័ត៌មានថ្មីៗ
