២៥ ម៉ឺនដុល្លារ Lamborghini រងការខូចខាតយ៉ាងធ្ងន់ធ្ងរ បន្ទាប់ពីទិញថ្មីបើកចេញពីហាងបាន ២០ នាទី
អង់គ្លេស៖ ប៉ូលីសនៅតំបន់ West Yorkshire នៅប្រទេសអង់គ្លេសបាននិយាយកាលពីថ្ងៃពុធថា រថយន្តស៊េរីទំនើបម៉ាក “ Lamborghini” ថ្មីមួយគ្រឿងបានរងការខូចខាតយ៉ាងធ្ងន់ធ្ងរនៅក្នុងហេតុការណ៍គ្រោះថ្នាក់ចរាចរណ៍មួយបន្ទាប់ពីបានចាកចេញពីហាងតាំងបង្ហាញលក់របស់ក្រុមហ៊ុនរថយន្តនេះ។
M1 Ossett today - It’s only a car ! But on this occasion a 20 minute old brand new Lamborghini that stopped due mechanical failure in lane 3 them hit from behind by an innocent motorist #couldhavecried pic.twitter.com/S1f9YEQGcD
— WYP Roads Policing Unit (@WYP_RPU) June 24, 2020
មន្រ្តីប៉ូលិសត្រូវបានគេទូរស័ព្ទហៅទៅកន្លែងកើតហេតុភ្លាមៗបន្ទាប់ពីម៉ោង ១ រសៀលម៉ោងក្នុងស្រុកឆ្លើយតបនឹងរបាយការណ៍នៃការបុករះរវាងរថយន្តពីរគ្រឿង។
រថយន្តមួយក្នុងចំនោមរថយន្តដែលបុកគ្នានោះគឺ “ រថយន្តស៊េរីទំនើបម៉ាក Lamborghini ដែលទើបតែទិញនិងទើបតែជិះចេញពីហាងលក់រថយន្តទើបបានរយៈពេលតែ ២០ នាទីប៉ុណ្ណោះ” ។
នាយកដ្ឋានប៉ូលីសបានចែករំលែករូបភាពមួយចំនួននៃរថយន្តដែលត្រូវបានជួបគ្រោះថ្នាក់នៅលើប្រព័ន្ធបណ្តាញសង្គមធ្វីធើរដោយបន្ថែមថា រថយន្តនេះបានឈប់ដោយសារតែមានបញ្ហាផ្នែកមេកានិចនៅលើផ្លូវហាយវ៉េ M1 ដែលជាផ្លូវតភ្ជាប់ពីទីក្រុងឡុងដ៍ នៅពេលរថយន្តស៊េរីទំនើបនេះត្រូវបានគេបុកពីក្រោយ ទោះជាយ៉ាងណាអ្នកបើកបរគ្មានកំហុសទេ។
យោងតាមសារព័ត៌មាន BBC រថយន្តនេះមានតម្លៃប្រហែល ២០០.០០០ ផោន (២៥ ម៉ឺនដុល្លារ) ។ ចំពោះម៉ូដែលស្រដៀងគ្នានេះត្រូវបានគេដាក់លក់តាមអ៊ិនធើណេតក្នុងចន្លោះ ១៥០.០០០ ទៅ ២៥០.០០០ ផោន (១៨៦.០០០ ដុល្លារទៅ ៣១០.០០០ ដុល្លារ) ។
អ្នកបើកបររថយន្ត Lamborghini មិនទាន់ត្រូវបានគេស្គាល់អត្តសញ្ញាណនៅឡើយទេ។
ចំណែកអ្នកបើករថយន្តម្ខាងទៀតបានរងរបួសក្បាលក្នុងការប៉ះទង្គិចគ្នានេះ តែរបួសមិនធ្ងន់ធ្ងរទេ៕
ប្រភព៖ MSN
អត្ថបទដោយ៖ ក្នុងស្រុក
ព័ត៌មានថ្មីៗ
