ភ្ញាក់ផ្អើល របស់ប្រើប្រាស់អាយុកាលជាងមួយសតវត្ស(១០០ឆ្នាំ) ត្រូវបានពុទ្ធបរិស័ទយកមករំលាយចាក់ធ្វើព្រះពុទ្ធបដិមា
ជារឿងដ៏គួរឱ្យភ្ញាក់ផ្អើល ក្រោយគេបានប្រទះឃើញរបស់ប្រើប្រាស់ ដូចជា ចាន ឆ្នាំង និងសំភារៈដទៃទៀត មានអាយុកាលចំណាស់ខ្ទង់ ១០០ឆ្នាំ ត្រូវបានពុទ្ធបរិស័ទប្រមូលនាំមកមកដុតរំលាយសម្រាប់សាងសង់ចាក់ជាព្រះពុទ្ធបដិមាទៅវិញ ដោយសំភារៈនេះ អាចចាត់ទុកថាជាវត្ថុបុរាណមួយដ៏កម្រផងដែរ ដែលយើងគួរតែរក្សាទុកប្រសើរជាង។
ប្រភពព័ត៌មាននេះផងដែរ ត្រូវបានបង្ហោះផ្សាយតាមរយៈគណនីហ្វេសប៊ុក វត្តគិរីសាគរ ជីធាង បានឱ្យដឹងថា៖ « ក្នុងចំណោមរបស់អស់ទាំងនេះ វាមានអាយុកាលជាងមួយសតវត្ស(១០០ឆ្នាំ)ហើយ ត្រូវបានពុទ្ធបរិស័ទយកមករំលាយចាក់ធ្វើព្រះពុទ្ធបដិមា »។
ទោះជាយ៉ាងណាក្តី គេមិនទាន់ដឹងនោះទេថា ទីតាំងវត្តដែលសាងព្រះបដិមានេះស្ថិតនៅក្នុងវត្តអ្វី និងខេត្តណាទេ ដោយតាមប្រភពបន្ថែមឱ្យដឹងថា ក៏មានលោកតាអាចារ្យ និងព្រះសង្ឃ បានរក្សារបស់ប្រើប្រាស់នេះមួយចំនួនធំព្រោះតែនឹកស្តាយរបស់បុរាណទាំងនេះ។
ដូច្នេះបើសិនជាអាច បើមានករណីនេះកើតឡើងនៅវត្តផ្សេងៗទៀត សូមជួយថែរក្សា និងកុំបោះបង់របស់មានតម្លៃអស់ទាំងនេះ ព្រោះបើនៅតែធ្វើបែបនេះ នោះពេលទៅមុខប្រាកដជាលែងស្គាល់របស់បុរាណហើយ គួររកវិធីផ្សេងក្រៅពីការរំលាយរបស់ចាស់ បង្កើតរបស់ថ្មីប្រសើរជាង៕
ព័ត៌មានថ្មីៗ
