ប្រើបេះដូង និងក្តីស្រលាញ់! ធ្វើឱ្យកញ្ញា ស៊ីន យូប៊ីន ក្លាយជាម្ចាស់ជំនួញជោគជ័យធំៗ២ មិនចាញ់អ្នក Business អាជីព (មានវីដេអូ)
ដូចដែលយើងបានដឹងហើយថា កញ្ញា ស៊ីន យូប៊ីន គឺជាតារាស្រីដែលប្រមូលបានអ្នកគាំទ្រជាច្រើនទាំងយុវវ័យ និងចាស់ៗទាំងទីក្រុង និងស្រុកស្រែចម្ការ ដោយសារតែសមត្ថភាពសម្តែងមិនធម្មតារបស់កញ្ញា ទាំងក្នុងខ្សែភាពយន្ត វីដេអូស្ពតពាណិជ្ជកម្មជាច្រើនទៀត។
នៅក្នុងនោះដែរ កញ្ញា ស៊ីន យូប៊ីន បានធ្វើឱ្យបណ្តាលអ្នកគាំទ្រភ្ញាក់ផ្អើល ព្រោះក្រៅពីការងារសិល្បៈ ស្ងាត់ៗតារាស្រីក្មេងខ្ចីរូបស្រស់សោភាទើបតែមានវ័យ ២៤ឆ្នាំនេះ បែរជាក្លាយជាម្ចាស់មុខជំនួញធំៗ ចំនួន២ នៅក្នុងដៃ នោះគឺជាម្ចាស់ប្រេនតែគុជ លំដាប់ Premium Fire Tiger និង ជាម្ចាស់មុខជំនួញថ្មី ក្នុងនាមជាម្ចាស់ផលិតផលផ្ទាល់ ដោយចាប់ដៃគូសហការ រវាងប្រ៊េន NACECA និង SHIN YUBIN សម្រេចបានជាផលិតផលសាប៊ូកក់សក់ថ្មី មានឈ្មោះថា SUPPLE ។
ជោគជ័យជាបន្តបន្ទាប់របស់កញ្ញា ស៊ីន យូប៊ីន បានធ្វើឱ្យអ្នកគាំទ្រអបអរសាទរជាខ្លាំង ក្នុងនាមជាអ្នកសិល្បៈ តែក៏មានសមត្ថភាពក្នុងមុខជំនួញមិនធម្មតាក្នុងនាមជាអ្នកជំនួញទាំងវ័យក្មេង។
នៅក្នុងបទសម្ភាសផ្តាច់មុខជាមួយនឹងក្រុមការងារសារព័ត៌មានក្នុងស្រុក កញ្ញា ស៊ីន យូប៊ីន បានឱ្យដឹងថា កញ្ញាមានចិត្តចង់ធ្វើមុខជំនួញជាយូរមកហើយ ពិសេសគឺអ្នកម៉ាក់កញ្ញា ស៊ីន យូប៊ីន ដែលជាអ្នកជំនួញដ៏ជោគជ័យមួយរូបគឺជាអ្នកជម្រុញចិត្ត និងគាំទ្របន្ថែម ដែលជាហេតុធ្វើឱ្យកញ្ញាអាចពុះពារបើកអាជីវកម្មទាំងនេះបានដោយរលូន។
អ្វីដែលសំខាន់មួយទៀតដែលធ្វើឱ្យកញ្ញា ស៊ីន យូប៊ីន ជឿថាជាគន្លឹះដែលនាំឱ្យកញ្ញានឹងមានភាពជោគជ័យជាបន្តបន្ទាប់នោះ គឺរាល់កិច្ចការងារអ្វីមួយដែលកញ្ញាធ្វើមិនថាតែការងារសិល្បៈ ការបើកដំណើរការមុខជំនួញ គឺកញ្ញាយកបេះដូង និងចិត្តស្រលាញ់មកធ្វើ ហើយការបង់ក្តីស្រលាញ់ទាំងនេះជាចម្បងដោយមិនគិតលុយជាសំខាន់ ជាបុព្វហេតុចម្បងដែលធ្វើឱ្យកញ្ញាសម្រេចបានសមិទ្ធផលការងារជាបន្តបន្ទាប់បែបនេះ។
ដើម្បីឱ្យជ្រាបច្បាស់ សូមទស្សនាបទសម្ភាសពិសេសទាំងស្រុង រវាងក្រុមការងារ សារព័ត៌មានក្នុងស្រុក ជាមួយនឹងកញ្ញា ស៊ីន យូប៊ីន ដូចខាងក្រោមនេះ ៖
អំពីអ្នកសរសេររបស់យើង៖ Writers
ព័ត៌មានថ្មីៗ
