ពិតទេម្តាយបង្កើតតាំងខ្លួនជាតារា តែវាយកូនខ្លួនឯងព្រោះមិនគោរពសង្សារជាឧកញ៉ា ផ្ទុះការរិះគន់ពេញហ្វេសប៊ុក
កាលពីប៉ុន្មានម៉ោងមុននេះមានផ្ទុះករណីថ្មីមួយកើតឡើង ដោយបុរសជាឪពុកម្នាក់បានធ្វើការបង្ហោះរូបភាពកូនប្រុសជំទង់របស់ខ្លួនមានស្នាមរបួសវាយពេញខ្លួនថាជាស្នាដៃអតីតប្រពន្ធខ្លួនវាយធ្វើបាបតែម្តង។
នារីជាអតីតប្រពន្ធដែលកំពុងតែត្រូវបានគេចោទប្រកាន់ថាប្រើអំពើហឹង្សារលើកុមារដែលជាកូនសាច់ឈាមខ្លួនបង្កើតនេះ ត្រូវបានបុរសជាឪពុកបានរៀបរាប់ថាមានងារជាតារាដែលធ្លាប់ធ្វើពិធីការិនីក្នុងកម្មវិធីមួយរយៈពេលខ្លី ថែមទាំងមានភាពស្និទ្ធស្នាលជាមួយតារាៗនៅក្នុងសិល្បៈថែមទៀតផង។
ចំពោះដំណើរដើមទងនៃការវាយធ្វើបាបកូនខ្លួននេះ គឺបណ្តាលមកពីកូនប្រុសមិនគោរពបុរសដែលជាសង្សាររបស់ម្តាយ ដែលគេស្គាល់ថាមានមុខងារជាឧកញ៉ាថែមទៀតផង នេះបើតាមការរៀបរាប់ពីបុរសជាឪពុកមានគណនីហ្វេសប៊ុកឈ្មោះ Ranil Sky រៀបរាប់ថា ៖ «អាណិតកូនខ្លោចចិត្ត😥😭 ដែលម្តាយចិត្តខ្មៅ វាយធ្វើបាប
ទី នុខាអេរិក និង ទី សេដ្ឋាវិដ 😭😭😭ម្តាយជាតារា ហើយ សង្សារគេជាអុកញ៉ា »។
ទោះយ៉ាងណានេះគ្រាន់តែជាសម្តីភាគីដែលជាឪពុកក្មេងជនរងគ្រោះតែប៉ុណ្ណោះ ហើយយើងខ្ញុំក៏ចង់រកយុត្តិធម៌សម្រាប់ជនរងគ្រោះជាក្មេងមិនដឹងអីផងដែរ ដូច្នេះចំពោះរឿងរ៉ាវនេះទៅជាយ៉ាងណា ស្ថាប័នសារព័ត៌មានយើងខ្ញុំនឹងរង់ចាំការស្រាយបំភ្លឺជានិច្ចពីភាគីម្ខាងទៀត៕
អត្ថបទ៖ក្នុងស្រុក
ព័ត៌មានថ្មីៗ
