ម៉ាស់ខូឡាជែនពីសម្បកក្រូចក្រហម ស័ក្តសមសម្រាប់មុខស្ងួត និងឡើងប្រេង ការពារការកើតមុន ហើយធ្វើមុខទន់រលោងក្មេងជាងវ័យ
អ្នកខ្លះប្រឹងស្វែងរកផលិតផលនានាដើម្បីថែរក្សាស្បែកមុខឱ្យស្រស់ស្អាត ដែលមានជាតិខូឡាជែនជំនួយស្បែកមុខឱ្យបានសុខភាពល្អ និងកែខៃបញ្ហាស្បែកមុខផ្សេងៗបានយ៉ាងមានមានប្រសិទ្ធភាព។
តែយ៉ាងណាផលិតផលធម្មជាតិក៏អាចជួយផ្តល់ខូឡាជែនដល់ស្បែកមុខបានផងដែរ ដោយមិនបាច់អស់លុយចំណាយទិញផលិតផលគីមីឡើយ ឯវិធីធ្វើក៏មានភាពងាយស្រួល ដោយការប្រើផ្លែក្រូចក្រហមដែលរកបាននៅទីផ្សារតែប៉ុណ្ណោះ។
តោះមករៀនពីវិធិធ្វើម៉ាស់ខូឡាជែនពីផ្លែក្រូចដូចខាងក្រោមនេះ៖
#គ្រឿងផ្សំ
-ក្រូចក្រហម ឬក្រូចខ្វិចក្រហមចិន
-ម្សៅអូត (Oat អាចរកបាននៅផ្សារទំនើប)
-ទឹកដោះគោជូរយ៉ាអួរ(គួរយកទឹកដោះគោយ៉ាអួរសុទ្ធគ្មានជាតិខ្លាញ់ គ្មានជាតិស្ករ)
-ក្រឡ និងដុំសម្លីស្អាត
#វិធីធ្វើ
-បកសម្បកក្រូចក្រហមឱ្យល្អិតៗ ប្រមាណជា ២ ទៅ ៣ស្លាបព្រា លាយជាមួយនឹងម្សៅអូត (Oat) ប្រមាណជា ២ ទៅ ៣ស្លាបព្រាស្មើគគ្នា រួចលាយជាមួយនឹងទឹកដោះគោជូរយ៉ាអួរ ១ ឬ២ស្លាបព្រា
-បន្ទាប់មកយកគ្រឿងផ្សំទាំងនេះ កិន ឬក្រឡុកឱ្យហ្មត់ល្អ
-យកដុំសម្លី ជ្រលក់ម៉ាស់នេះមកលាបឱ្យសព្វផ្ទៃមុខ រួចទុកចោល ១០នាទី ទៅ១៥នាទី
-រួចលាងមុខចេញនឹងទឹកស្អាត ហើយអាចលាបប្រេងផ្តល់សំណើមបន្ថែមលើផ្ទៃមុខទៀតរឹតតែប្រសើរ។
ចំណាំ៖ អាចរក្សាម៉ាស់នេះទុកប្រើប្រាស់បានប្រមាណជា ១សប្តាហ៍ក្នុងទូទឹកកក។
#គុណប្រយោជន៍
-ជួយដល់ស្បែកមុខ ឱ្យមានពណ៌សម្បុរស្មើគ្នាល្អ
-សម្បូរទៅដោយជាតិខូឡាជែន ដែលជួយដល់ស្បែកមុខឱ្យស ទន់ ភ្លឺ រលោង និងម៉ដ្ឋខៃ
-ការពារស្បែកចាស់ជ្រីវជ្រួញ ឬភាពយារធ្លាក់នៃសាច់មុខ
-មានសារធាតុប្រឆាំងអុកស៊ីតកម្ម ដែលជួយការពារស្បែកពីប្រតិកម្ម និងបញ្ហាស្បែកមុខផ្សេងៗ
-ជួយកម្ចាត់កោសិកាចាស់ និងភាពកខ្វក់លើស្បែកមុខ ធ្វើឱ្យស្បែកមុខស្រស់ថ្លា និងមានសំណើម
-ជួយកម្ចាត់ស្បែកមុខដែលឡើងខ្លាញ់បានល្អ ធ្វើឱ្យស្បែកមុខស្រស់ថ្លាមានសំណើម ដែលស័ក្តសមបំផុតសម្រាប់ស្បែកមុខឡើងប្រេង និងស្បែកមុខស្ងួត
-កម្ចាត់ស្បែកមុខខ្មៅ ជាំ និងស្លាកស្នាមផ្សេងៗបានយ៉ាងល្អ
-ប្រើប្រាស់ម៉ាសនេះជាប្រចាំអាចការពារការឡើងមុនគ្រប់ប្រភេទ និងស្លាកស្នាមផ្សេងៗបានល្អ៕
រក្សាសិទ្ធ៖ ក្នុងស្រុក
អំពីអ្នកសរសេររបស់យើង៖ Writers
ព័ត៌មានថ្មីៗ
