តោះរៀនពីវិធីធ្វើខ្ទឹមជ្រក់ពងទាកូនឆ្ងាញ់ ចំណែកអត្ថប្រយោជន៍សុខភាពវិញច្រើនហួសប្រមាណ!
ពងទាកូន មិនត្រឹមតែជាអាហារសម្រន់ដ៏ពេញនិយម និងមានរសជាតិឆ្ងាញ់ពិសាប៉ុណ្ណោះទេ តែក៏ផ្តល់ប្រយោជន៍សុខភាព និងប៉ូវកម្លាំងរាងកាយដ៏អស្ចារ្យផងដែរ។ នៅក្នុងនោះ ពងទាកូនឆ្ងាញ់អាស្រ័យដោយសារតែអំបិលម្រេច និងជ្រក់ខ្ទឹមផងដែរ។ តែប្រសិនជាចង់ចេះធ្វើទុកញ៉ាំនៅផ្ទះខ្លួនឯងរឹតតែប្រសើរ ព្រោះវិធីធ្វើងាយៗ ថែមទាំងមានអត្ថប្រយោជន៍ចំពោះសុខភាពច្រើនទៀតផង។
ដូច្នេះតោះមករៀនធ្វើខ្ទឹមជ្រក់ពងទាកូន និងដឹងពិអត្ថប្រយោជន៍ខាងក្រោមនេះ ទាំងអស់គ្នា ៖
# វិធីធ្វើខ្ទឹមជ្រក់ពងទាកូន
គ្រឿងផ្សំរួមមាន ៖
- ខ្ទឹមកំពិសធំ ៨មើម
- ស្កសរ ៨ ស្លាបព្រាបាយ
- អំបិល ១ ស្លាបព្រាកន្លះ
- ទឹកក្រូចឆ្មា កាចជាងកន្លះចានចង្កឹះ
- ម្ទេសជ្រក់កាចជាងកន្លះចានចង្កឹះ
វិធីធ្វើ៖
- បកសម្បកខ្ទឹមសចេញហើយហាន់ស្តើងៗ បន្ទាប់មកចាក់គ្រឿងផ្សំទាំងអស់លាយច្របល់ចូលគ្នាអោយបាន2នាទី រួចដួសដាក់ក្រឡគ្រប់អោយជិត ទុកមួយអាទិត្យទើបអាចញ៉ាំបានជាការស្រេច។
# អត្ថប្រយោជន៍សុខភាព ៧ចំណុចពីមើមខ្ទឹមស ៖
១. កាត់បន្ថយអត្រាប្រឈមនឹងជំងឺមហារីក ៖ ខ្ទឹមសផ្ទុកសារធាតុពិសេសម្យ៉ាងដែលអាចកាត់បន្ថយអត្រាប្រឈមដោយជំងឺមហារីក ជាពិសេសគឺមហារីកក្រពះ ។
២. បំបាត់ការរមាស់បំពង់ក ៖ សារធាតុប្រឆាំងនឹងបាក់តេរីរបស់ខ្ទឹមសមានប្រសិទ្ធភាពបំផុតក្នុងការព្យាបាលបំពង់ក ។ នៅពេលដែលអ្នកក្អកឬរលាកបំពង់ក បៀមខ្ទឹមសក្នុងមាត់ដោយខាំបន្តិចនិងលេបទឹកដែលជញ្ជក់បាននោះចូល ។
៣- ផ្តល់ផលប្រយោជន៍ចំពោះបេះដូង ៖ ខ្ទឹមសមានប្រយោជន៍បំផុតក្នុងការការពារជំងឺបេះដូង ថែមទាំងគ្រប់គ្រងសម្ពាធឈាម ការពារការកើតជំងឺលើសឈាមផងដែរ។ ការទទួលទានខ្ទឹមស២កំពឹសរាល់ថ្ងៃពិតជាអាចកាត់បន្ថយបាននូវហានិភ័យបញ្ហាគាំងបេះដូង និងដាច់សរសៃឈាមក្នុងខួរក្បាល ។
៤. បំបាត់ការឈឺធ្មេញ ៖ ខ្ទឹមស មានប្រសិទ្ធភាពព្យាបាលការឈឺធ្មេញ ។ អ្នកអាចបន្តក់ប្រេងរបស់វាដែលរកបានតាមទីផ្សារ ឬបុកខ្ទឹមស្រស់ឱ្យម៉ត់ ។
៥. ជួយជំរុញកម្លាំងប្រព័ន្ធការពាររាងកាយ៖ ខ្ទឹមសផ្ទុកទៅដោយសមាសធាតុប្រឆាំងអុកស៊ីដកម្មមួយចំនួន ដែលមានប្រសិទ្ធភាពបំផុតជួយជំរុញប្រព័ន្ធរាងកាយឱ្យរឹងមាំ អាចការពារជំងឺផ្សេង ថែមទាំងអាចប្រឆាំងនឹងជំងឺឆ្លង ព្រមទាំងវីរុសផ្សេងៗ ។
៦. កាត់បន្ថយកម្រិតខ្លាញ់កូឡេស្តេរ៉ូលអាក្រក់ ៖ ទទួលទានខ្ទឹមស អាចជួយគ្រប់គ្រងកម្រិតកូឡេស្តេរ៉ូលក្នុងរាងកាយ បញ្ឈប់ និងកាត់បន្ថយការកើនឡើងនូវខ្លាញ់កូឡេស្តេរ៉ូលមិនល្អ ។
៧- ប្រឆាំងនឹងជំងឺផ្តាសាយ ៖ ខ្ទឹមសមានឥទ្ធិពលលើជំងឺផ្តាសាយ ដោយការទទួលទានមើមខ្ទឹមសនៅពេលដែលដឹងថាអ្នកមានសញ្ញាមិនស្រួលខ្លួនអាចនឹងឈានទៅកើតជំងឺផ្តាសាយ គឺពិតជាកាត់បន្ថយអាការៈធ្ងន់ធ្ងរបាន ៕
អំពីអ្នកសរសេររបស់យើង៖ Writers
ព័ត៌មានថ្មីៗ
