មនុស្សស្រលាញ់គ្នាខ្លាំងបែបណា មិនប្រាកដថាធ្វើខ្លួនគួរឱ្យស្រលាញ់គ្រប់ពេលទេ អ្វីដែលអ្នកអាចធ្វើបានគឺបើកចិត្តទទួលយក
មានឈ្មោះថាជាគូស្នេហ៍នឹងគ្នា...ជឿថាទោះស្រលាញ់គ្នាយ៉ាងណា ម្នាក់ៗមិនមែនមានចំណុចគួរឱ្យស្រលាញ់គ្រប់ពេលទេមែនអត់?
ពេលខ្លះព្រោះតែរឿងការងារ រឿងគ្រួសារ ឬរឿងផ្ទាល់ខ្លួន បង្ករឱ្យម្នាក់ៗស្ត្រេស ធុញថប់ មួរម៉ៅ និងមានអារម្មណ៍មិនល្អកេីតជាកំហឹងជាដេីមដែលត្រូវបញ្ចេញដាក់គ្នាចៀសមិនផុត ហេីយអ្នកទាំង២ ក៏អាចនឹងមានជម្លោះនឹងគ្នាមិនអត់ទេ.....។
តែមិនថាខឹងយ៉ាងណា មួរម៉ៅយ៉ាងណា អ្នកត្រូវរៀនទប់កំហឹង អត់ឱនឱ្យគ្នា តែបេីថាពិបាកណាស់គួរតែនៅស្ងប់ស្ងាត់រៀងខ្លួន ចាំរំសាយអារម្មណ៍ត្រជាក់ចិត្តចាំត្រលប់មកនិយាយគ្នាវិញ!
តេីអ្នកដឹងទេ....អ្នកគួរតែមានអារម្មណ៍សប្បាយចិត្ត និងមោទកភាពបែបណាទៅ បេីអ្នកនៅតែមានមនុស្សជាទីស្រលាញ់នៅក្បែរមិនទៅណា ទោះបីជាអ្នកធ្វេីចរិតមិនគួរឱ្យស្រលាញ់ ឬអ្នកមានចរិតអវិជ្ចមានច្រេីនក៏ដោយ...ព្រោះបានន័យថាគេអាចទទួលគ្រប់យ៉ាងជាខ្លួនអ្នក ហេីយគេមិនបង្ខំឱ្យអ្នកផ្លាស់ប្តូរដេីម្បីគេនោះទេ...អ្វីដែលគេធ្វេី គឺព្រមទទួលគ្រប់យ៉ាង ហេីយនៅតែនៅជាមួយអ្នកទោះមានរឿងអ្វីកេីតឡេីងក៏ដោយ....
ដូច្នេះរកគូស្នេហ៍ល្អ ......គឺរកមនុស្សម្នាក់ដែលអាចទទួលចំណុចល្អ និងចំណុចអាក្រក់របស់អ្នកបាន ពិសេសអាចទទួលយក និងទ្រាំទ្រគ្រប់អារម្មណ៍បត់បែនប្រែប្រួលគ្រប់កាលៈទេសៈរបស់អ្នកដោយការយល់ចិត្ត....
....ហេីយបេីអ្នករកបានមនុស្សបែបនេះហេីយ...អ្នកពិតជាមនុស្សសំណាងខ្លាំងណាស់...កុំភ្លេចថែរក្សាគេម្នាក់នោះឱ្យបានល្អណា...ពិសេសទោះបីជាគេអាចទទួលយកចរិតគ្រប់បែបយ៉ាងរបស់អ្នក កុំភ្លេចរៀនកែចរិតខ្លួនឯងបណ្តេីរៗឱ្យល្អជាងមុនដេីម្បីគេផង...កុំអាងគេស្រលាញ់បានចិត្តនោះ ៕
អត្ថបទ៖ កវីលាក់ស្នេហ៍
ក្នុងស្រុករក្សាសិទ្ធ
អំពីអ្នកសរសេររបស់យើង៖ Writers
ព័ត៌មានថ្មីៗ
