មនុស្សធំដឹងក្ដី កាន់តែជោគជ័យ គេមិនអួត មិនសម្ញែងរឿងទាំងអស់នេះឡើយ

មនុស្សយើង កាលណាចាស់ចិត្តចាស់គំនិត ចេះប្រើជីវិតជារបស់ខ្លួនឯង មានបែបផែនជីវិតច្បាស់លាស់ អាចរកលុយបានដោយខ្លួនឯងហើយនោះ គេនឹងដឹងថា ការប្រើជិវិតរឹតតែសាមញ្ញនឹងរឹតតែមានតម្លៃ និងថ្លៃថ្នូរ ការបង្អួតគ្នា មិនមែនជារឿងល្អឡើយនៅក្នុងសង្គមបច្ចុប្បន្ននេះ។

មនុស្សកាលណាយល់ច្បាស់ពីជិវិត គេនឹងចេះនៅស្ងៀម និងមានរបៀបនៃការរស់នៅយ៉ាងស្ងៀមស្ងាត់ តួយ៉ាងគេមិនចេះតែអួតក្អេងក្អាងនូវរបស់ប្រើប្រាស់ ឬទំនាក់ទំនងស្នេហាឱ្យបណ្ដាញសង្គមបានដឹងនោះឡើយ ជីវិតរឹតតែឯកជន ជីវិតនោះនឹងរឹតតែមានក្ដីសុខ។

3acd79b486645cf03aff10da68cb5b75

ធំៗអស់ហើយ អាចរកលុយចាយបានដោយខ្លួនឯង អាចមានសមត្ថភាពចិញ្ចឹមខ្លួនឯងបាន អ្នកនឹងដឹងថា ការបង្អួតនូវសម្ភារនិយមគឺជារឿងដែលអត់ប្រយោជន៍បំផុត។ សម័យនេះ ជាសម័យមនុស្សចេះរកលុយចាយបានច្រើន របស់របរប្រើប្រាស់ថ្លៃៗ សម្ភារប្រេនល្បីៗ អ្នកណាក៏គេអាចទិញបានដែរ តែអ្នកឱ្យតម្លៃលើកិត្តិយសពិត គេមិនគិត យកចិត្តទុកដាក់នឹងរឿងអស់ទាំងហ្នឹងឡើយ មនុស្សកាន់តែជោគជ័យ កាន់តែលែងខ្វល់រឿងអួតអាងគ្នា។

8dc24ca48febfa65fdbd7f223a07518a


សម័យនេះ គេប្រើរបស់ថ្លៃៗប៉ុនណា ក៏គេមិនបង្អួតគ្នាដែរ កាន់តែអួត ខ្លួនឯងនឹងកាន់តែអន់ទៅវិញទេ ដូច្នេះ គេប្រើយ៉ាងស្ងៀមស្ងាត់។ ម្យ៉ាងទៀត ចំពោះរឿងទំនាក់ទំនងស្នេហាក៏ដូចគ្នាដែរ អ្នកខ្លះគេទាក់ទងគ្នាស្ងាត់ៗ ខំប្រឹងរកស៊ី ឱ្យមានលុយ មានបាន ចំណែករឿងបង្អួតគ្នា គេទុកមួយឡែកហើយ ព្រោះគេត្រូវសង្វាតរកលុយដើម្បីអនាគត។

មួយវិញទៀត មិនមែនជារឿងអួត សម្ញែង ប្រជែងគ្នាទេ តែជារឿងផុស Drama រអ៊ូច្រើនទាមទារចំណាប់អារម្មណ៍ គឺគេមិនធ្វើឡើយ សម័យនេះ ធ្វើឱ្យគេអាណិតមិនចំណេញទេ មានតែគេជាន់ថែម សើចចំអក គេមិនយកពេលវេលាដ៏មានតម្លៃ ទៅខូចចិត្ត ឈឺចាប់ព្រោះតែរឿងស្នេហានោះឡើយ គេយកពេលទៅគិតរឿងល្អៗ ចំណេះដឹងថ្មីៗ ដើម្បីអភិវឌ្ឍខ្លួនឯង មិនមែនខូចចិត្តអត់ប្រយោជន៍នោះទេ៕

F95dced174d9b572e60f8f1b5c4da97d

អត្ថបទ ៖ ភី អេក / ក្នុងស្រុករក្សាសិទ្ធិ

អំពីអ្នកសរសេររបស់យើង៖ knongsrok

knongsrok

សួស្ដី! ខ្ញុំគឺ បញ្ញា ជាអ្នកសរសេរអត្ថបទនៅក្នុងគេហទំព័រ ក្នុងស្រុក Knongsrok ជំនាញរបស់ខ្ញុំគឺ សរសេរអត្ថបទដែលពាក់ព័ន្ធនឹងជីវិតប្រចាំថ្ងៃដែលយើងបានឃើញ មិនថាជីវិតគ្រួសារ ស្នេហា ការងារ រួមជាមួយនឹងការអប់រំចិត្ត មេរៀន បទពិសោធន៍ជីវិតពិតៗផងដែរ។ អត្ថបទខ្លះ គឺទាមទារឱ្យគ្រប់គ្នាអានដោយការយកចិត្តទុកដាក់ និងត្រិះរិះពិចារណាបើខុសទាស់យ៉ាងណា សូមមេត្តា អធ្យាស្រ័យ និងជួយរិះគន់បែបស្ថាបណា! កុំភ្លេចណា ជួយគាំទ្រស្នាដៃរបស់ខ្ញុំ ក៏ដូចជា អត្ថបទល្អៗដែលមាននៅក្នុងគេហទំព័រក្នុងស្រុក!

Tel: 095 92 5550