ទេសភាពជើងភ្នំក្បែរមាត់ទឹក និងត្រីមាសពិតៗ ស្អាតខ្លាំងនៅរមណីយដ្ឋានធម្មជាតិថ្មីនៅខេត្តតាកែវសោះ
ខេត្តតាកែវក៏ជាខេត្តដែលល្បីថាមានទេសភាពស្រស់ស្អាត ព្រៃភ្នំ និងមាត់ទឹកស្រស់បំព្រង បង្កើតជាបរិយកាសស្រស់ស្រាយ និងត្រជាក់អារម្មណ៍ នាពេលសម្រាកពីការងារលំហែអារម្មណ៍ផងដែរ។
នៅក្នុងនោះ «រមណីយដ្ឋាន ត្រីមាស » ត្រូវបានគេស្គាល់ថាជារមណីយដ្ឋានបង្កើតថ្មី ដែលមានទេសភាពស្អាតមែនទែន ដោយមានជួរភ្នំក្រោយមាត់ទឹក អាចជិះទាទឹក ឱ្យចំណីត្រី និងមានកញ្ចុះអង្គុយកម្សាន្តត្រជាក់ស្រេប ថែមទាំងមានបម្រើអាហារដែលមានរសជាតិឈ្ងុយឆ្ងាញ់ និងមានតម្លៃសមរម្យដែលអាចទទួលយកបានទៀតផង។
តែប្រសិនជាលោកមិនចង់អង្គុយមាត់ខ្ចុះ ទទួលទានអាហារទេ លោកអ្នកគ្រាន់តែមកកម្សាន្តអារម្មណ៍ ថតរូបកម្សាន្តលេងជាមួយសួនច្បារ សួនផ្កា និងទេសភាពព្រៃភ្នំនោះក៏បានដែរ ដោយតម្លៃសំបុត្រចូលមកកម្សាន្តសម្រាប់ម៉ូតូត្រឹមតែ ២០០០៛ តែប៉ុណ្ណោះ ប្រាកដជាទទួលបានអារម្មណ៍ប្លែកជាមួយបរិយកាសបែបធម្មជាតិពិតៗមួយនេះ។
គួរឱ្យដឹងផងដែរថា លោគអ្នកអាចស្វែងករក «រមណីយដ្ឋាន ត្រីមាស » បានដោយចេញពីរាជធានីភ្នំពេញចម្ងាយប្រហែល៩៩គីឡូម៉ែត ស្ថិតនៅលេីផ្លូវ៤១ ស្ថិតនៅភូមិបុស្សតាផង់ ឃុំត្រពាំងក្រញូង ស្រុកត្រាំកក់ខេត្តតាកែវ ដល់ផ្សារត្រពាំងអណ្ដើកបត់ស្ដាំប្រហែល១០គីឡូម៉ែតនឹងទៅដល់ រមណីយដ្ឋានត្រីមាស ឬអាចចុចទៅកាន់ផែនទីមួយនេះ៖ https://goo.gl/maps/viDTw3cVgTzWRHiK9 ឬអាចទំនាក់ទំនងសាកសួរព័ត៌មានបន្ថែមតាមរយៈលេខទូរស័ព្ទ 087 628 822៕
អត្ថបទ៖ ក្នុងស្រុក
រូបភាព៖ រមណីយដ្ឋានត្រីមាស
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ Writers
ព័ត៌មានថ្មីៗ
