គេថាមនុស្សស្រីចង់បានប្តីល្អ​ និងរស់ស្រួល​ ត្រូវតែហ៊ាន ចេះហក់លោត​ និងចិត្តឆៅខ្លះ!​ ពិតដែរអត់?

នៅក្នុងសង្គមបច្ចុប្បន្ននេះ មនុស្សស្ទើរតែទាំងអស់​ តែងតែចង់បានជីវិតសុខស្រួល រស់នៅស្រួល​ មានជីវភាពល្អប្រសើរ​ និងមានលុយកាក់ច្រើនដើម្បីឱ្យជីវិតខ្លួនឯងមានភាពពេញលេញល្អ។

នៅក្នុងនោះ មនុស្សស្រី បច្ចុប្បន្នត្រូវគេដឹងថា ដើម្បីស្វែងរកផ្លូវកាត់​ឱ្យជីវិតខ្លួនឯងមានបានដោយងាយស្រួលនោះ​ គឺ​ដោយការស្វែងរកអ្នកមាន​  អ្នកមានទ្រព្យ និងអ្នកមានយសសក្តិជាដើម ដោយការធ្វើបែបនេះ​ មិនមានមនុស្សស្រីត្រឹមត្រូវ​ មនុស្សស្រីល្អ និងថ្លៃថ្នូរអាចធ្វើបានទេ។​ ហេតុនេះហើយបានជាគេនិយាយថា​ ចង់បានមនុស្សប្រុសល្អមានទ្រព្យ​ មនុស្សស្រីទាល់តែចិត្តហ៊ាន​ ពូកែហក់លោត​ និងសម្បូរកល់ល្បិចមាយាទើបអាចសម្រេចបាន។

120956747_187288473003385_2648825873634922418_o

មនុស្សស្រីហក់លោត​ ចិត្តហ៊ាន​​គឺមានចំណុចហ៊ានជាច្រើនដែលមនុស្សស្រីសាមញ្ញាធម្មតាមិនអាចធ្វើបានដូចជា៖

-ហ៊ានប្រថុយ ទៅកន្លែងកម្សាន្ត​ កន្លែងទំនើប និងជង្រុកកម្សាន្តនានាដែលមានអ្នកមានទ្រព្យ និងមានអ្នកមានឋានៈ​ ព្រោះការចូលទៅកន្លែងបែបនេះយូរៗទៅគង់តែស្គាល់គេស្គាល់ឯង​ រហូតអាចរកបានមនុស្សប្រុសត្រូវនឹងបំណងខ្លួន។

-ពូកែក្លែងខ្លួន​ និងតុបតែងខ្លួនស្អាតបាត​ ថ្លៃថ្នូរ ឱ្យខ្លួនក្លាយជាទីចាប់អារម្មណ៍របស់មនុស្សនានា​ ជាពិសេសបុរសអ្នកមានទ្រព្យ

121040656_187288433003389_6757033487074463622_o

-ចេះដើរលេង​ ចេះផឹកស៊ី ពូកែនិយាយលេងសើច​​យកចិត្ត​ ពូកែចូលចំណោមមនុស្ស ដែលបង្កភាពរីករាយដល់មនុស្សដែលនៅក្បែរខ្លួន

-មិនចេះខ្មាសអៀន ហ៊ានឱ្យដៃ​ បញ្ចេញភាពស៊ីចស៊ី​ ពូកែនិយាយ ទាក់ទង​​​ និងពូកែនិយាយផ្អែមល្ហែមលួងលោមទាក់ទងមនុស្ស​​​ ពិសេសពូកែយកចិត្ត ដែលជាចំណុចអាចទាក់ទងអ្នកមាន​ និងអ្នកមានទ្រព្យ។

-ចិត្តខ្លាំង ហ៊ានជេរ​ ហ៊ានឈ្លោះ​ អាចការពារខ្លួន​ និងចាត់ការ មនុស្សស្រីផ្សេងដែលហ៊ានធ្វើបាបខ្លួន​ ឬប្រជែងទាក់ទងនឹងអ្នកមាន​ និងអ្នកមានទ្រព្យដែលជានុយរបស់ខ្លួន។ ពិសេសមនុស្សស្រីទាំងនេះ​ ហ៊ានទាំងដណ្តើមសង្សារគេ​ ប្តីគេ​ ហ៊ានប្រជែង​ ហ៊ានឈ្លោះ​ និងហ៊ានដណ្តើមសិទ្ធនានាពីមនុស្សស្រីផ្សេង​ ឬប្រពន្ធដើមគេដោយមិនខ្លាចញញើតឡើយ។

120999276_187288406336725_4006100087619606510_o

-ពូកែសម្តែង​ បោកប្រាស់ និងមានភាពមាយាខ្ពស់ណាស់​ ដោយមនុស្សស្រីប្រភេទនេះ អាចសម្តែងធ្វើជាមនុស្សស្រីមានចរិតល្អ​ ត្រឹមត្រូវ​ សម្តែងតួគួរឱ្យអាណិត​ តម្អូញតម្អែ​ ឬបង្ហាញពីផលវិបាករបស់ខ្លួនក្នុងជីវិតផ្ទាល់ខ្លួន​ និងបញ្ហាគ្រួសារ​  ឱ្យបុរសអ្នកមាន​ ឬអ្នកមានទ្រព្យអាណិតស្រលាញ់​ និងផ្តល់ជំនួយដល់ខ្លួនឯង។

និយាយរួមមនុស្សស្រីចិត្តខ្លាំងបែបនេះ​ ប្រើវិធី​ និងល្បិចគ្រប់បែបយ៉ាងដើម្បីទាក់ទាញបុរសល្អ​ និងអ្នកមានទ្រព្យ​ជួយឱ្យជីវិតខ្លួនឯងមានបានប្រសើរឡើង​ ឬទាក់ទងធ្វើជាសង្សារ​ និងជាប្តីស្របច្បាប់តែម្តង។​ ដោយល្បិចកលមនុស្សស្រីប្រភេទនេះ​ ភាគច្រើនតែងតែបានផល​​គាប់ប្រសើរយ៉ាងជោគជ័យ​ អាចមានប្តីល្អ​ ប្តីអ្នកមាន​ រស់នៅស្រួលដោយមានគេចិញ្ចឹម​ ថែមទាំងមានសមត្ថភាពដណ្តើមប្តីគេទៀតផង។

យ៉ាងណាក៏ដោយមនុស្សស្រីប្រភេទនេះខ្លះ​មានល្អ​ និងអាក្រក់ផ្សេងគ្នា​ ដោយអ្នកខ្លះធ្វើបែបនេះដើម្បីស្វែងរកអនាគតល្អ ប្តីល្អ​បុរសល្អដើម្បីពឹងផ្អែកជីវិត​ ហើយក្រោយបានបុរសបែបនេះ​ មនុស្សស្រីប្រភេទនេះនឹងកែប្រែខ្លួនឯងឱ្យល្អដើម្បីសាងអនាគតថ្មីល្អវិញ។​ តែក៏មានមនុស្សស្រីខ្លះ​ដែលមិនស្កប់ស្កល់​​ ទាក់បានបុរសល្អហើយ​ ក៏មានចិត្តសាវារាយមាយ​​ តោងពីប្រុសមួយទៅប្រុសមួយឱ្យតែជាអ្នកមាន។

121045401_187288453003387_4899094808269960686_o

ទាំងនេះហើយបានជាគេថា​មនុស្សស្រីចង់មានបានទាល់តែចេះហក់លោត ចិត្តហ៊ាន​ ចិត្តខ្លាំង​ ដែលមនុស្សស្រីត្រឹមត្រូវធម្មតាធ្វើមិនបានដូចនោះទេ៕

រក្សាសិទ្ធ៖​ក្នុងស្រុក

រក្សា​សិទ្ធិ​ដោយ​៖ ក្នុងស្រុក