គាំទ្រពេញទំហឹងឱ្យមានពិធីបំពាក់ឯកសណ្ឋានពេទ្យ ព្រោះវាពិតជាមានតម្លៃណាស់ ហើយពណ៌ឆ្នូតលើហោប៉ាវអាវពេទ្យសុទ្ធតែរៀនជំនាញច្រើនឆ្នាំទើបមានសិទ្ធពាក់ស្របច្បាប់
មួយរយៈនេះ ឯកសណ្ឋានពេទ្យ ត្រូវបានគេយកពាក់ប្រើប្រាស់យ៉ាងអណាធិបតេយ្យ ទាំងអ្នកលក់អនឡាញ ជាងកាត់សក់ តុបតែងមុខ និងហាងកែសម្ផស្សនានា ធ្វើឱ្យនិស្សិតពេទ្យ និងក្រុមគ្រួពេទ្យដែលសិក្សាយ៉ាងច្រើនឆ្នាំទម្រាំបានពាក់ឯកសណ្ឋាននេះ រួមទាំងមហាជនជាច្រើនសម្តែងការមិនពេញចិត្តជាខ្លាំងនៅក្នុងការប្រើប្រាស់ខុសបែបបទនេះ។
តាមរយៈគណនីហ្វេសប៊ុក Dr. TONG បានឱ្យដឹងថា៖ « គាំទ្រពេញទំហឹងអោយមានពិធីបំពាក់ឯកសណ្ឋានពេទ្យ ព្រោះវាពិតជាមានតម្លៃល្អណាស់។ ហើយក៏សម្លែងការមិនពេញចិត្ត ដោយឃើញមានការប្រើប្រាស់ឯកសណ្ឋានពេទ្យដោយអនាធិបតេយ្យបែបនេះ។
នៅក្នុងពិធីលោកសាស្ត្រាចារ្យ ធា គ្រុយ បានធ្វើការបកស្រាយយ៉ាងដូច្នេះថា គ្រូពេទ្យពាក់អាវស (ឯកសណ្ឋានពេទ្យ) ព្រោះគ្រូពេទ្យ ជាបុគ្គលសំខាន់ម្នាក់ ដែលពាក់ព័ន្ធសុខភាព និងអាយុជីវិតរបស់មនុស្ស។ "ពាក់អាវស ដើម្បីឱ្យដឹងថា ខ្លួនឯងមានភារកិច្ចសំខាន់ ទទួលបន្ទុកសង្គ្រោះជីវិត និងសុខភាពរបស់អ្នកជំងឺ។ ឱ្យដឹងថា អ្នកឯងជានរណាគេ កំពុងធ្វើអ្វី ត្រូវធ្វើអ្វី។ ទោះជាប់សន្យាអ្វី ជាមួយអ្នកណាក៏ដោយ ឱ្យតែពាក់ព័ន្ធជាមួយជីវិតក្បែរខ្លួន អ្វីៗទាំងឡាយនោះ ត្រូវទុកចោលទាំងអស់។ ជាអ្នកជាប់ភារៈសំខាន់!។ ខ្ញុំបានស្ដាប់សច្ចាប្រណិធានមិញ អស់លោកជ្រាប អ្នកអានក៏ជ្រាបអ្នកថាតាមក៏ជ្រាប។ មិញដល់ថ្នាក់ថា ស៊ូបោះបង់ជីវិត មិនលះបង់អ្វីដែលត្រូវធ្វើ។ តឹងតែងមែនទែន! ខ្ញុំបារម្ភ! ឃ្លាមួយហ្នឹង ខ្ញុំបារម្ភ […] ខ្ញុំសង្ឃឹមថាអស់លោកកំពុងស្បថមែនទែន ខ្ញុំសង្ឃឹមថាលោកនឹងបន្តទទួលពាក្យសម្បថនេះ ទៅពិចារណា និងអនុវត្តតាមលទ្ធភាពខ្ពស់បំផុត ប្រឹងប្រែងបំផុត មិនខ្ជីខ្ជា។ និយាយឱ្យចំមែនទែនមិនបាច់ស្បថក៏បានដែរ ឱ្យតែមាំទាំ ឱ្យតែច្បាស់លាស់ មិនបាច់ស្បថក៏បានដែរ តែបើបានស្បថទៀតកាន់តែមាំទាំ […] ខ្ញុំចង់បានជាងគេ គឺឃ្លាមួយម៉ាត់នេះទេ ស្មារតីទទួលខុសត្រូវខ្ពស់! ថាអស់លោកមានស្មារតីទទួលខុសត្រូវខ្ពស់អត់? ពីព្រោះពាក់ព័ន្ធនឹងជីវិតអ្នកជំងឺ ដែលនៅនឹងមុខយើង”.»។
នេះជាជំនាញ និងកម្រិតនៃការសិក្សា ទាក់ទងនឹងរឿងពណ៌ឆ្នូតលើហោប៉ាវអាវពេទ្យ ៖
#ឆ្នូតពណ៌ក្រហម ៖ សម្រាប់តែពេទ្យកម្រិតឧត្តមនិងថ្នាក់បណ្ឌិតក្នុង
នោះរួមមាន វេជ្ជបណ្ឌិត, ឱសថបណ្ឌិត, ទន្តបណ្ឌិត, ឱសថការីឧត្តម។
#ឆ្នូតពណ៌ខៀវ ៖ សម្រាប់ពេទ្យកម្រិតមធ្យមឬពេទ្យបច្ចេកទេសថែទាំ រួមមានដូចជា ( គិលានុបដ្ឋាក, ឆ្មប, អ្នកបច្ចេកទេសមន្ទីរពិសោធន៍, ទន្តគិលាន, ព្យាបាលដោយចលនា.... )។
#ឆ្នូតពណ៌បៃតង ៖ សម្រាប់ពេទ្យកម្រិតបឋម កាលពីមុនមានការបណ្តះុបណ្តាលតែឥឡូវក្រសួងបិទហើយ៕
ព័ត៌មានថ្មីៗ
