ចង់ថត Pre-Wedding នៅអឺរ៉ុបពេលឭហើយធ្វើមិនដឹង ការពិត «អូនឯងនិយាយអី បងចាំទាំងអស់ហ្នឹង អោយតែអាចទៅរួចបងនឹងផ្តល់ឱ្យអូនគ្រប់យ៉ាង» មួយជីវិតនេះមានសំណាង ដែលមានប្តីចេះយល់ចិត្ត និងបំពេញបំណងប្រពន្ធបែបនេះ!

• 2020-10-21
• Share

ការរៀបការជារឿងមួយដ៏សំខាន់សម្រាប់ជីវិតគូជាពិសេសមនុស្សស្រី តែការអាចរកបានបុរសល្អម្នាក់ ដែលអាចពឹងពាក់ លះបង់ និងធ្វើអ្វីគ្រប់យ៉ាងសម្រាប់មនុស្សស្រីជាទីស្រលាញ់គឺរឹតតែជាសំណាងដ៏ល្អបំផុតរបស់មនុស្សស្រី។

ជាក់ស្តែងគូស្នេហ៍មួយគូបានធ្វើឱ្យអ្នកលេងបណ្តាញសង្គមមានការស្ងប់ស្ញែងជាខ្លាំងចំពោះទំហំសេចក្តីស្នេហារបស់ពួកគេទាំង២ បើទោះបីជារៀបការអស់រយៈពេល១ឆ្នាំ តែទំហំស្នេហា និងការលះបង់ពិតជាធំធេងណាស់ មុនរៀបការឭថាអនាគតភរិយាចង់ថតរូបនៅអឺរ៉ុបធ្វើជាមិនដឹង។ តែស្រាប់តែដល់ពេលណាត់អ្នកថតរូប ក៏បានណាត់អ្នកថតរូបទៅថតមុនរៀបការនៅអឺរ៉ុប​ ធ្វើឱ្យខាងស្រីភ្ញាក់ផ្អើលជាខ្លាំង។

តាមរយៈគណនីហ្វេសប៊ុក Pich Panha បានរៀបរាប់ពីប្រវត្តិស្នេហាយ៉ាងគួរឱ្យរំភើបរីករាយថា៖ « ថ្ងៃនេះឆ្នាំមុន គឺជាថ្ងៃដែលខ្ញុំរំភើបបំផុត ក្នុងឆាកជីវិតរបស់ខ្ញុំ គឺជាថ្ងៃដែលខ្ញុំបាន ថតរូប pre wedding លើភ្នំទឹកកកប្រទេសស្វីស ដែលជាក្តីស្រមៃមួយដ៏ធំសំរាប់ខ្ញុំកាលពីអំទ្បុងឆ្នាំ 2018 ខ្ញុំបានទៅដើលេងនៅប្រទេសស្វីស និង បានទ្បើងលេងលើភ្នំទឹកកក titlis កាលនោះខ្ញុំបាននិយាយជាមួយប្តីខ្ញុំថា បងបើយើងបានរៀបការជាមួយគ្នា អូនចង់មក ថតរូប pre wedding និង ពាក់រ៉ូបកូនក្រមុំ ថតលើភ្នំនេះ (titlis)កាលនោះប្តីខ្ញុំដូចជា មិនចាប់អារម្មណ៏នូវអ្វីដែលខ្ញុំបាននិយាយជាមួយគាត់ទេ ។

ស្រាប់តែមួយរយៈក្រោយមកពួកយើងក៏សំរេចចិត្តរៀបការជាមួយគ្នា នៅខែ12 ឆ្នាំ 2019 មុនរៀបការពួកយើងក៏បានទៅទាក់ទងខាង ថតរូប pre wedding ដោយការខ្ញុំគិតទុក គឺត្រូវទៅថត នៅ សៀមរាប និង តាមកោះ នៅកំពង់សោម ប៉ុណ្ណោះ តែស្រាប់តែពេលទៅជួបខាង ថតរូប ប្តីខ្ញុំក៏បានសួរខាងថតរូបថា តើមានកញ្ចប់ទៅថតរូបនៅ ប៉ែកអុឺរ៉ុបអត់ ? ខ្ញុំគ្រាន់តែលឺខ្ញុំទ្បើងភ្ញាក់ផ្អើល ថាហេតុអីក៏គាត់ដឹងចិត្តខ្ញុំ ថាខ្ញុំចង់ទៅថតរូបនៅ Europe បើកាលនោះនិយាយជាមួយគាត់ គាត់អត់ទាំង តមួយម៉ាត់ផងនោះ ពេលជិះទ្បានចេញមកផ្ទះវិញខ្ញុំសួរគាត់ បងឯងនឹកឃើញមិចបាន ចង់ទៅថតរូបនៅ Europe ចឹង គាត់ថាក្រែងអូនឯងចង់ថតរូប pre wedding លើភ្នំទឹកកកហេ ខ្ញុំក៏សួរគាត់ថាមិចក៏បងឯងដឹង ?

គាត់ថាអូនឯងនិយាយអី បងចាំទាំងអស់ហ្នឹង អោយតែអាចទៅរួចបងនិងផ្តល់អោយអូនគ្រប់យ៉ាង🥰 មួយជីវិតខ្ញុំនេះអាចនិយាយថា មានសំណាងដែរ ដែលមានប្តីចេះយល់ចិត្តតែងតែតាមមើលថែខ្ញុំគ្រប់ពេលគ្រប់វេលា និង តែងតែបំពេញបំណងប្រពន្ធគ្រប់យ៉ាង ព្រមទាំងលើកស្ទួយកិតិ្តយស ភរិយាគ្រប់ពេល ការដែលចេញទៅថតដល់ប៉ែកអឺរ៉ុប វាមិនមែនជាការងាយស្រួលទេ ព្រោះត្រូវមានក្រុមការងារច្រើននាក់ទៅ ទាំងការរៀបចំឯកសារ ការធ្វើដំណើរ និង ការចំនាយគឺមិនតិចទេ តែដើម្បីប្រពន្ធបងធ្វើបានគ្រប់យ៉ាង Love u My Good Husband 😘😘😘

Make Up by Sros OnlyOne

Associate by One Memory

#prewedding

#italy

#switzerland

#france»។