បាត់បង់ធនធានវិស័យសិល្បៈដ៏សំខាន់! កាមេរ៉ាមែន និងអ្នកគ្រប់គ្រងប្លង់ថត(DOP)ដ៏ល្បីមួយរូបបានលាចាកលោកដោយជំងឺគាំងបេះដូងភ្លាមៗ ធ្វើឱ្យអ្នកសិល្បៈ និងផលិតករជាច្រើនសម្តែងសាររំលែកទុក្ខគ្រប់ៗគ្នា
ផ្ទុះការភ្ញាក់ផ្អើលពេញបណ្តាញសង្គមហ្វេសប៊ុកក្នុងចង្កោមអ្នកសិល្បៈ ផលិតករ និងអ្នកធ្វើការក្នុងវិស័យភាពយន្តទាំងអស់ ក្រោយពីលោក ចែ សុភ័ក្រ្ត ដែលជាជាងថតភាពយន្ត និងជាអ្នកជំនាញផ្នែកគ្រប់គ្រងប្លង់ថត (DOP) ដ៏ល្បី និងមានសមត្ថភាពបានបាត់បង់ជីវិតដោយជំងឺគាំងបេះដូងនៅព្រឹកថ្ងៃទី៤ ខែធ្នូ ឆ្នាំ២០២០ នេះ។
មរណភាពភ្លាមៗដោយមិនបានត្រៀមចិត្តនេះ បានធ្វើឱ្យអ្នកដែលធ្វើការក្នុងវិស័យភាពយន្តទាំងអស់សម្តែងនូវសេចក្តីសោកស្តាយ និងសង្វេកជាខ្លាំងក្នុងការបាត់បង់មិត្តរួមការងារដ៏មានសមត្ថភាពមួយរូបនេះ ដែលបានកសាងស្នាដៃក្នុងភាពយន្តខ្នាតធំ រឿងភាគ និងរឿងខ្លីជាច្រើនរឿង។ហើយអ្វីដែលកាន់តែរន្ធត់នោះ លោកចែ សុភ័ក្រ្ត បានស្លាប់បាត់បង់ជីវិត ក្រោយពីភរិយារបស់លោកទើបនឹងសម្រាលកូនស្រីនៅមន្ទីរពេទ្យបានមួយថ្ងៃប៉ុណ្ណោះ។
មរណភាពរបស់ លោក ចែ សុភ័ក្រ្ត បានធ្វើឱ្យ អ្នកដែលធ្វើការក្នុងវិស័យភាពយន្តទាំងអស់ទាំងផលិតករ អ្នកនិពន្ធ អ្នកដឹកនាំរឿង ផ្នែកការីថត និងអ្នកសិល្បៈជាច្រើនរូប សម្តែងនូវសេចក្តីសោកស្តាយ និងសង្វេកជាខ្លាំងក្នុងការបាត់បង់មិត្តរួមការងារដ៏មានសមត្ថភាពមួយរូបនេះ ដែលបានកសាងស្នាដៃក្នុងភាពយន្តខ្នាតធំ រឿងភាគ និងរឿងខ្លីជាច្រើនរឿង។
ការបាត់បង់ធនធានមនុស្សនៅក្នុងវិស័យភាពយន្តមួយរូបនេះ ក្នុងនោះសូម្បីតែនាយកដ្ឋានសិល្បៈភាពយន្ត និងផ្សព្វផ្សាយវប្បធម៌នៃក្រសួងវប្បធម៌ និងវិចិត្រសិល្ប: ផលិតកម្មធំៗ តារាល្បីៗ អ្នកដឹកនាំរឿង និងអ្នកពាក់ព័ន្ធក្នុងវិស័យភាពយន្តជាច្រើន ដែលធ្លាប់បានរួមការងារជាមួយលោក ក៏បានបង្ហោះសារបង្ហាញនូវការអាឡោះអាល័យយ៉ាងខ្លាំងចំពោះការបាត់បង់រូបលើបណ្តាញសង្គមព្រោងព្រាតផងដែរ៕
ព័ត៌មានថ្មីៗ
