ធ្លាក់យន្តហោះដឹកក្រុមបាល់ទាត់មួយនៅប្រេស៊ីល ប្រធានក្លិប និងកីឡាករ៤នាក់ស្លាប់
វាជារឿងមួយដ៏សោកសៅបំផុតក្នុងពិភពបាល់ទាត់ពិសេសប្រទេសប្រេស៊ីលទាំងមូល! យន្ដហោះមួយគ្រឿងដឹកប្រធានក្លិប និងកីឡាករ ៤ នាក់របស់ក្លឹបបាល់ទាត់លេងក្នុងលីគទី៤ ប្រេស៊ីល FR Palmas ត្រូវបានគេរាយការណ៍ថាបានធ្លាក់នៅព្រឹកនេះក្នុងឧប្បត្តិហេតុមួយនៅ Tocantins ។
អ្នកនាំពាក្យរបស់ក្លិបបាននិយាយនៅក្នុងសេចក្តីថ្លែងការណ៍មួយថា យន្ដហោះបានធ្លាក់ភ្លាមៗ ពេលឡើងផុតគន្លងផ្លូវ ស្របពេលហោះឡើងខណៈដែលពួកគេធ្វើដំណើរទៅកាន់ទីក្រុង Goiania ដើម្បីប្រកួតជាមួយក្រុម Vila Nov។ សោកនាដកម្មនេះបានធ្វើឱ្យប្រធានក្លឹបលោក Lucas Meira និងកីឡាករ ៤ នាក់គឺ Lucas Praxedes, Guilherme Noé, Ranule និង Marcus Molinari បានស្លាប់នៅនឹងកន្លែង។
មូលហេតុនៃគ្រោះថ្នាក់នេះកំពុងត្រូវបានស៊ើបអង្កេត ហើយវាក៏កំពុងទទួលបានការយកចិត្តទុកដាក់ពីសមាគមន៍បាល់ទាត់អន្តរជាតិ (FIFA) ផងដែរ។FIFA បានថ្លែងក្នុងសេចក្តីថ្លែងការណ៍មួយថា“ FIFA សូមចូលរួមរំលែកទុក្ខដល់ក្លិប Palmas FR មកពីប្រទេសប្រេស៊ីល"។
https://twitter.com/FIFAcom/status/1353462991795204102?ref_src=twsrc%5Etfw%7Ctwcamp%5Etweetembed%7Ctwterm%5E1353462991795204102%7Ctwgr%5E%7Ctwcon%5Es1_&ref_url=https%3A%2F%2Fwww.vocketfc.com%2Fpesawat-terhempas-presiden-dan-pemain-kelab-bola-sepak-brazil-maut%2F
នេះជាឧប្បត្តិហេតុទី ២ ដែលពាក់ព័ន្ធនឹងក្លឹបបាល់ទាត់ប្រេស៊ីល បន្ទាប់ពីការធ្លាក់យន្ដហោះដ៏រន្ធត់ដែលបានសម្លាប់កីឡាកររបស់ក្លឹប Chapecoense លេងក្នុងលីគកំពូលប្រេស៊ីល Serie A ស្ទើរតែទាំងអស់ កាលពីថ្ងៃទី ២៨ ខែវិច្ឆិកាឆ្នាំ ២០១៦ ៕
ព័ត៌មានថ្មីៗ
