មិនចំណាយច្រើនទេ! ប្រើត្រឹមទឹកខ្មេះ និងយ៉ាអួរ ក៏អាចបំបាត់ស្នាមខ្មៅនៅកែងដៃ/ជង្គង់បានងាយ
នៅលើរាងកាយរបស់យើង មានផ្នែកជាច្រើនដែលជាមន្តស្នេហ៍ជះទៅក្រសែភ្នែកអ្នកដទៃ ប៉ុន្តែផ្នែកខ្លះក៏វាធ្វើឲ្យបាត់បង់ភាពទាក់ទាញ ប្រសិនយើងថែរក្សាវាមិនបានល្អ។
ជាពិសេសនៅលើកែងដៃ ក្បាលជង្គង់ ភាគច្រើនគឺស្រ្តីរមែងមានស្នាមខ្មៅនៅលើបរិវេណនោះ ហើយអ្នកខ្លះចេះតែទុកចោល មិនសូវចាប់អារម្មណ៍រកដំណោះស្រាយនោះទេ។ ថ្ងៃនេះ Knongsrok បង្ហាញវិធីសាមញ្ញ ដែលអ្នករាល់គ្នាអាចអនុវត្តបានដោយមិនចំណាយច្រើន ហើយប្រើត្រឹមគ្រឿងផ្សំ ២ មុខគឺយ៉ាអួរ (Yogurt) និងទឹកខ្មេះ។
គ្រឿងផ្សំ:
យ៉ាអួរ ១ ស្លាបព្រា
ទឹកខ្មេះ ១/២ (កន្លះ) ស្លាបព្រា
ការអនុវត្ត
លាយយ៉ាអួរនិងទឹកខ្មេះចូលគ្នាឲ្យសព្វ ហើយយកវាមកប៉ាតលាបលើផ្នែកកែងដៃឬជង្គង់ ដែលមានសភាពខ្មៅ រួចទុកវាចោលប្រហែល ២០ នាទី សឹមលាងជម្រះជាមួយទឹកឲ្យបានស្អាត។ បន្ទាប់ពីលាងរួចអ្នកនឹងមានអារម្មណ៍ថាស្បែកនៅទីតាំងដែលយើងលាប មានសភាពទន់និងភ្លឺរលោង។ ចូរអនុវត្តវិធីនេះឲ្យបានញឹកញាប់ នោះអ្នកនឹងឃើញលទ្ធផល៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
