ត្រូវប្រញាប់ទៅរកពេទ្យ! អាការៈ ២ នេះបង្ហាញថាអ្នកជិតដាច់សរសៃឈាមខួរក្បាលហើយ
ជាទូទៅយើងតែងតែគិតថាជំងឺដាច់សរសៃឈាមខួរក្បាល រមែងកើតឡើងភ្លាមៗដោយឯកឯង ប៉ុន្តែការពិតទៅជំងឺនេះវាបានបញ្ជូនរោគសញ្ញា ដែលចេញជាអាការៈមួយចំនួនមកហើយ តែខ្លួនយើងផ្ទាល់ពុំបានចាប់អារម្មណ៍ឬកត់សម្គាល់។
ដើម្បីបញ្ចៀសកុំឲ្យកើតមានជំងឺប៉ះពាល់ដល់អាយុជីវិតមួយនេះទាន់ អ្នកជំនាញបានណែនាំនៅអាការៈ ២ ប្រភេទដែលអ្នកគួរឲ្យតែដឹង ហើយប្រញាប់ទៅរកគ្រូពេទ្យដើម្បីពិគ្រោះ៖
១) ការផ្លាស់ប្តូរ Ischemia
រោគសញ្ញាដំបូងបង្អស់នៃជំងឺដាច់សរសៃឈាមខួរក្បាល គឺការផ្លាស់ប្តូរ Ischemia ដែលវាជាការរំខានដោយសារការផ្គត់ផ្គង់ឈាមដល់ខួរក្បាលមិនគ្រប់គ្រាន់។ រោគសញ្ញានេះនឹងលេចឡើងដែលធ្វើឲ្យជំងឺមានអារម្មណ៍ថាឈឺក្បាល វិលមុខ ស្ពឹកដៃស្ពឹកជើង ពិបាកនិយាយ ពិបាកដើរ និងពេលខ្លះរឹងមាត់។ បន្ទាប់មករាងកាយរបស់អ្នកក៏ជាសះស្បើយមកសភាពធម្មតាវិញនៅរយៈពេល ២៤ ម៉ោងឬអាចលឿនជាងនេះ។ បើឧស្សាហ៍កើតសភាពបែបនេះ កុំយល់ច្រឡំឲ្យសោះថាអ្នកខ្វះជាតិកាល់ស្យូម។
តាមការស្រាវជ្រាវបង្ហាញថា ៧ ភាគរយនៃអ្នកជំងឺដែលមានការផ្លាស់ប្តូរ Ischemic គឺនឹងមានជំងឺដាច់សរសៃឈាមខួរក្បាលកើតឡើងក្នុងរយៈពេល ១ សប្តាហ៍បន្ទាប់ ហើយ ១៤ ភាគរយផ្សេងទៀតអាចកើតឡើងនៅកំឡុងរយៈពេល ៣ ខែ។
២) ជំងឺលើសឈាម
បើសម្ពាធឈាមអ្នកឡើងខ្ពស់ ជាងសម្ពាធឈាមមនុស្សធម្មតា នោះសុខភាពរបស់អ្នកកំពុងប្រឈមហានិភ័យខ្លាំងហើយ។ អ្នកជំងឺនឹងបង្ហាញអាការៈ ឈឺទ្រូង ដង្ហើមខ្លី ឈឺខ្នង ខ្សោយស្មារតី ព្រិលភ្នែក និងក្អួតចង្អោរជាដើម។ នេះជាសញ្ញាដែលបង្ហាញថាជំងឺដាច់សរសៃឈាមកៀកចូលលមកដល់ហើយ ដែលអ្នកជំងឺត្រូវតែដឹកទៅសង្រ្គោះបន្ទាន់ក្នុងរយៈពេល ១-២ ម៉ោង មិនដូច្នោះទេហានិភ័យនៃការបាត់បង់ជីវិតគឺមានខ្ពស់ខ្លាំងណាស់៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
