ចែកគ្នាបានដឹង! ទោះគេលក់ថោកប៉ុណ្ណា ក៏កុំទិញសាច់ជ្រូក ៣ ប្រភេទនេះ ប្រយ័ត្នបរិភោគទៅពុល
សាច់ជ្រូកជាអាហារមួយប្រភេទដែលពេញនិយមបំផុតសម្រាប់ប្រជាជននៅតំបន់អាស៊ី ហើយពួកគេគិតថាវាជាអាហារដែលងាយស្រួលចម្អិន និងតម្រូវត្រូវសឹងគ្រប់មុខម្ហូប។ ប៉ុន្តែអ្នកត្រូវដឹងនិងជៀសឲ្យបាននៅការទិញសាច់ជ្រូក ៣ ប្រភេទនេះយកមកទទួលទាន ព្រោះវាអាចបង្កផលប៉ះពាល់ដល់សុខភាពធ្ងន់ធ្ងរ៖
៣) សាច់រឹង
បើសួរថាឲ្យមើលបែបណាដឹង អ្នកអាចយករបស់អ្វីមួយទៅចុចពីលើវាបាន ប្រសិនណាវាផតចូលក្នុងហើយតឹងណែនមកវិញ នោះជាសាច់ល្អដែលអាចយកមកបរិភោគយ៉ាងឆ្ងាញ់មាត់បាន។ ផ្ទុយទៅវិញប្រសិនអ្នកចុចវាហើយ វារឹងឬមិនផតត្រលប់មកវិញទាល់តែសោះ ឬផតមកវិញក្នុងរយៈពេលយូរ នោះជាសាច់ដែលមិនគួរទិញទេ។
និយាយឲ្យសាមញ្ញទៅវាជាសាច់សល់ ដែលគេក្លាសេចោលរយៈពេលយូរ ហើយវាខះជាតិទឹក។ សាច់ប្រភេទនេះវាលែងជាស្រស់ហើយ មួយទៀតសារធាតុចិញ្ចឹមនៅក្នុងសរសៃនោះ ក៏ត្រូវបានបំផ្លាញស្ទើរតែទាំងអស់ដែរ។
២) សាច់ដែលជាប់ដុំសៗពីលើ
វាប្រៀបដូចជាដុំក្រួស ឬគ្រាប់ស្រូវដែលមានពណ៌ស ដុះនៅពីលើសាច់ ហើយកុំគិតថាវាល្អណា ព្រោះវាគឺជាពពួកប៉ារ៉ាស៊ីតទៅវិញទេ។ សំណាងមិនល្អប្រសិនណាអ្នកប៉ះសាច់ជ្រូកឆ្លងមេរោគទៀត នោះនៅពេលទទួលទានវាចូលពោះ ប៉ារ៉ាស៊ីតនោះនឹងប្រែក្លាយទៅជាសត្វដង្កូវ ហើយវានឹងភ្ជាប់ទៅកាន់ពោះវៀនតូចរបស់យើង ដែលអាចនាំឲ្យប៉ះពាល់ដល់ចរន្តឈាម ខួរក្បាល ភ្នែកនិងស្បែកជាដើម។
ស្រមៃទៅមើលនៅពេលវារលាយក្លាយទៅជាដង្កូវ ហើយសត្វដង្កូវវាវាយលុកពេញខ្លួនប្រាណយើង បើវាចូលទៅខួរក្បាលវាអាចធ្វើឲ្យយើងប្រែជាឈឺក្បាល វិលមុខចង់ក្អួតចង្អោរ ហើយការគេងមិនលក់។
១) សាច់ដែលមានពណ៌ជាំឬក្រហមក្រមៅ
តាមរយៈការក្រឡេកមើលពណ៌នៃសាច់ក៏យើងអាចសន្និដ្ឋានបានដែរពីរសជាតិរបស់វា។ ជាទូទៅសាច់មិនល្អ គឺមានពណ៌ស្រអាប់រាងក្រមៅ ខណៈដែលសាច់ជ្រូកធម្មតាគឺមានពណ៌ផ្កាឈូកស្លេក ឬពណ៌ក្រហមឈាម។
ចូរជ្រើសរើសឲ្យបានត្រឹមត្រូវ ព្រោះវាមិនត្រឹមតែប៉ះសាច់ដែលគ្មានរសជាតិទេ មួយទៀតសោតដូចយើងនាំបាក់តេរីនិងប៉ារ៉ាស៊ីតចូលមកក្នុងខ្លួនដោយងាយៗអ៊ីចឹង ហើយយូរទៅនឹងអាចបំផ្លាញប្រព័ន្ធភាពសាំក្នុងខ្លួនយើងបាន៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
