អ្នកមានប្រជ្រុយនៅ ៤ ទីតាំងនេះលើត្រចៀក មានតែ ១ ទីតាំងគត់ទទួលបានលាភសំណាងខ្ពស់
មិនថាបុរសឬស្រ្តី បើអ្នកមានប្រជ្រុយនៅលើត្រចៀក ចូរធ្វើការផ្ទៀងផ្ទាត់ដោយមានតែ ១ ទីតាំងគត់ ដែលអាចនាំសំណាង នាំលាភចូលក្នុងជីវិតរបស់អ្នក៖
៤) ប្រជ្រុយនៅខាងមុខត្រចៀក
តាមក្បួនហុងស៊ុយអ្នកដែលមានប្រជ្រុយនៅផ្នែកខាងមុខត្រចៀក មិនថាតែជាបុរសឬនារីនោះទេ ពួកគេមានចរិតបែបឯករាជ្យ ហើយមិនសូវឲ្យតម្លៃលើទំនាក់ទំនងស្នេហាខ្ពស់ពេកនោះទេ ប៉ុន្តែគ្រាន់តែចូលចិត្តនិយាយលេងសើច និងជិតស្និទ្ធជាមួយមនុស្សដែលពួកគេចូលចិត្ត។
មនុស្សក្នុងប្រភេទនេះ ពិបាកនឹងជោគជ័យក្នុងការងារឬរបររកស៊ីបន្តិច នោះក៏ដោយសារតែពួកគេរស់នៅដោយគ្មានគោលដៅច្បាស់លាស់ក្នុងជីវិត។ ដូច្នេះវាពិតជាពិបាកនិងត្រូវការពេលយូរ ដើម្បីជួយឲ្យពួកគេជោគជ័យក្នុងអាជីវកម្ម ឬក្លាយទៅជាអ្នកមានបាន។
៣) ប្រជ្រុយនៅខាងក្នុងត្រចៀក
ខាងក្នុងបរិវេណត្រចៀកបើអ្នកមានប្រជ្រុយដែរនោះ មិនថាតែខាងឆ្វេង ឬស្តាំ នោះមានន័យថា អ្នកជាមនុស្សដែលរស់នៅដោយគ្មានការប្រកាន់គោលការណ៍ឬវិន័យសម្រាប់ខ្លួនឯង។ ក្នុងការធ្វើឬអនុវត្តកិច្ចការងារអ្វីមួយ ពួកគេមិនសូវបានគិតដិតដល់ ហើយតែងតែធ្វើដោយតក់ក្រហល់ និងពេលខ្លះរមែងជួបផលវិបាកនៅពេលក្រោយ។ ដោយសារតែបុគ្គលលក្ខណៈនេះហើយ នាំឲ្យមនុស្សប្រភេទទី ២ សឹងតែមិនអាចជោគជ័យក្លាយជាអ្នកមានបាន។
២) ប្រជ្រុយនៅខាងលើផ្នែកត្រចៀក
តាមក្បួនហុងស៊ុយដដែលបង្ហាញថា មនុស្សប្រភេទទី ៣ នេះ គឺពូកែនិងចេះខិតខំប្រឹងប្រែងតាំងពីនៅវ័យក្មេង ហើយរមែងទទួលបានជោគជ័យក្នុងការងារឬអាជីវកម្មរបស់ពួកគេបានយ៉ាងឆាប់រហ័ស។
នៅក្នុងជីវិតរបស់ពួកគេដដែលនេះ គឺរមែងមានគុណសម្បត្តិជាអ្នកឆ្លាតវៃ ធ្វើអ្វីដោយការគិតល្អិតល្អន់ ហើយងាយនឹងរីកចម្រើន ក្លាយជាអ្នកមានបានយ៉ាងឆាប់រហ័ស។ ក្នុងការប្រកបរបររកស៊ីអ្វីពួកគេក៏ងាយនឹងទទួលបានផលចំណេញយ៉ាងច្រើនផងដែរ រីឯក្នុងជីវិតអាពាហ៍ពិពាហ៍រមែងទទួលបានសុភមង្គលជាទីគាប់ចិត្ត។
១) ប្រជ្រុយនៅលើទងត្រចៀក
មនុស្សដែលមានប្រជ្រុយនៅលើទងត្រចៀក គឺរមែងមិនសូវមានសំណាងល្អ ហើយងាយនឹងជួបរឿងអាក្រក់ជាបន្តបន្ទាប់ក្នុងឆាកជីវិត។ ប៉ុន្តែបើមនុស្សប្រភេទនេះ មានប្រជ្រុយនៅលើផ្នែកបបូរមាត់ដែរនោះ វាអាចថាជាការប៉ះប៉ូវហើយនាំឲ្យមានលាភធំចូលមកក្នុងជីវិតវិញ ដោយមិនថាតែបុរសឬស្រ្តី រមែងមានទ្រព្យហៀរហូរ ចាយមិនអស់ ហូបមិនខ្វះ និងតែងតែទទួលបានភាពរីករាយនៅក្នុងជីវិត។
បញ្ជាក់ថា នេះគ្រាន់តែជាក្បួនទស្សន៍ទាយមួយផ្នែកតែប៉ុណ្ណោះ ដោយវាក៏មានភាគរយខ្លះមិនត្រូវសម្រាប់មនុស្សមួយចំនួនផងដែរ៕
ព័ត៌មានថ្មីៗ
