Lives Transfer News:ល្បីៗថ្ងៃនេះក្នុងតំបន់អឺរ៉ុប៖ Man City គ្រោងចំណាយ៤០លានអឺរ៉ូទិញខ្សែការពារ…
Knongsrok Sport នាំប្រិយមិត្តមកតាមដានព័ត៌មានដោះដូរកីឡាករថ្មីៗប្រចាំថ្ងៃនេះពីគ្រប់បណ្ដាញសារព័ត៌មានកីឡាករល្បីៗធំៗឈានមុខគេនៅក្នុងពិភពលោក ពិសេសនៅតំបន់អឺរ៉ុប។ ព័ត៌មានដោះដូរកីឡាករនៅថ្ងៃនេះគឺមានមកពីលីគកំពូលធំៗទាំង៥នៅអឺរ៉ុបដែលមានដូចជា Premier League, Serie A, Bundesliga, La Liga និង Ligue 1 ជាដើម។
AC Milan ដេញថ្លៃ Vazquez ពី Real Madrid
AC Milan កំពុងតែពិចារណាក្នុងរដូវក្ដៅនេះ អំពីការដេញថ្លៃយកខ្សែប្រយុទ្ធស្លាប Lucas Vazquez របស់ Real Madrid បើតាមវេបសាយកីឡាអេស្ប៉ាញ Cope។ Rossoneri កំពុងឃ្លាំមើលស្ថានភាពរបស់ Vazquez ហើយនឹងព្យាយាមដណ្តើមយករូបគេដោយការផ្ទេរយកដោយគ្មានតម្លៃខ្លួន(Free Transfer) ប្រសិនបើគាត់មិនបន្តកិច្ចសន្យាដែលនឹងផុតកំណត់នៅចុងបញ្ចប់នៃរដូវកាលនេះទេនោះ។
ក្រុម Man City សម្លឹងឃើញតារាឆ្នើមរបស់ Atalantaកីឡាករ Gosens និងត្រៀម ៤០លានអឺរ៉ូជាស្រេច
យោងតាមកាសែតអ៊ីតាលី Virgilio បានឱ្យដឹងថាក្រុម Manchester City កំពុងពិចារណាលើការផ្ទេរខ្សែការពារស្លាបឆ្វេង Robin Gosens របស់ Atalanta មួយរូប។ កីឡាករសញ្ជាតិអាឡឺម៉ង់រូបនេះ បានទាក់ទាញការចាប់អារម្មណ៍ពីក្លឹប Juventus និង Inter កាលពីពេលថ្មីៗនេះប៉ុន្តែ City គឺជាក្រុមចុងក្រោយដែលបានចូលរួមប្រជែង។ Atalanta ត្រូវបានគេនិយាយថាកំពុងទាមទារប្រាក់ប្រហែល ៤០ លានអឺរ៉ូ (£34m/$48m)សម្រាប់តម្លៃខ្លួនកីឡាករវ័យ២៦ឆ្នាំរូបនេះ។
Chelsea ដាក់សំណើដេញថ្លៃ Donnarumma ពី AC Milan (Libero Quotidiano)
Libero Quotidiano បានរាយការណ៍ថាក្រុមតោខៀវ Chelsea ត្រៀមដាក់សំណើយក Gianluigi Donnarumma ពី AC Milan នូវកិច្ចសន្យាមួយដែលមានតម្លៃ ១០.៥ លានអឺរ៉ូ (៩ លានផោនឬ១៣លានដុល្លារអាមេរិក) ក្នុងមួយរដូវកាល។ អ្នកចាំទីរូបនេះនឹងចាកចេញពីក្លឹប AC Milan ក្នុងការផ្ទេរដោយគ្មានតម្លៃខ្លួននៅរដូវក្តៅ ព្រោះអីកិច្ចសន្យារបស់គាត់ផុតកំណត់ហើយ។ក្រុមតោខៀវសង្ឃឹមថានឹងទាក់ទាញគាត់ទៅទីក្រុងឡុងដើម្បីជំនួស Kepa Arrizabalaga ។
Musiala បន្តកុងត្រារយៈពេលវែងជាមួយ Bayern Munich
សារព័ត៌មាន Sky បានរាយការណ៍ថាកីឡាករវ័យក្មេង Jamal Musiala បានឈានដល់កិច្ចព្រមព្រៀងជាមួយក្រុម Bayern Munich ជុំវិញការបន្តកិច្ចសន្យារយៈពេលវែង។ កីឡាករវ័យ ១៨ ឆ្នាំរូបនេះនឹងត្រូវភ្ជាប់សុពលភាពកុងត្រាជាមួយក្លឹបរហូតដល់ឆ្នាំ ២០២៦ ហើយរូបគេនឹងអាចរកចំណូលបានប្រហែល ៥ លានផោនក្នុងមួយឆ្នាំ។
ព័ត៌មានថ្មីៗ
