រដ្ឋបាលខេត្តតាកែវ គ្រោងសាងសង់រូបសំណាកនិមិត្តរូប បង្កង និងពងទាកូន ដើម្បីបង្ហាញពីសក្ដានុពលនៅក្នុងខេត្តតាកែវ
បើនិយាយពីខេត្តតាកែវ ក៏ជាខេត្តមួយដែលមានសក្តានុពលខ្លាំងនៅលើផ្នែកទេសចរណ៍ទាំងបែបប្រវត្តិសាស្រ្ត និងកន្លែងកម្សាន្តបែបធម្មជាតិដ៏សម្បូរបែបដែរ។ តែប្រសិនជានិយាយដល់ខេត្តតាកែវវិញ គ្រប់គ្នាប្រាកដជានឹកឃើញអំពីចំណីអាហារពេញនិយមជាងគេប្រចាំខេត្តនេះ នោះគឺ បង្កងទឹកសាបខេត្តតាកែវ និងពងទាកូនស្រែជាមិនខាន។
ហេតុដូច្នេះហើយបានជា ឯកឧត្តម អ៊ូច ភា អភិបាលខេត្តតាកែវ គ្រោងសាងសង់រូបសំណាកនិមិត្តរូប បង្កង និងពងទាកូន ដើម្បីបង្ហាញពីសក្ដានុពលនៅក្នុងខេត្តតាកែវ។ ដោយឯកឧត្តម ក៏បានមានប្រសាសន៍ថា ពងទាកូនស្រែននោង ជាផលិតផលកសិកម្មរបស់ខេត្ត ដែលមានភាពល្បីល្បាញទូទាំងប្រទេស និងជាផលិតផលសម្គាល់តំបន់ភូមិសាស្ត្រ ដែលជាប់ជាផលិតផល នៃភូមិមួយផលិតផលរបស់ខេត្តផងដែរ។
យើងក៏សង្ឃឹមយ៉ាងមុតមាំថា នឹងបានឃើញសំណង់ទាំង២និមិត្តរូបនេះ នឹងលេចឡើងនៅក្នុងខេត្តតាកែវក្នុងពេលឆាប់ៗនេះ ដើម្បីបង្ហាញពីសក្តានុពលនេះទៅកាន់ទូទាំងប្រទេសផងដែរ៕
ព័ត៌មានថ្មីៗ
