តើអ្នកជឿថាមានជាតិមុនដែរឬទេ? តាមជំនឿនៃពុទ្ធសាសនា អ្វីដែលអ្នកបានប្រព្រឹត្តិ បានធ្វើនៅជាតិមុន គឺនឹងតបស្នងត្រលប់មកវិញនៅជាតិនេះ។ សម្រាប់មនុស្សស្រីដែលសល់សំណាងឬបុណ្យពីជាតិបុណ្យ គឺរមែងមានរបស់ ៤ នេះ៖
៤) ស្រ្តីមានរូបសម្រស់ស្រស់ស្អាតនិងមានទឹកចិត្តល្អ
គេតែងនិយាយថា សម្រស់ស្រស់ស្អាតនៅជាតិនេះគឺជាបុណ្យដែលបានសាងកាលពីជាតិមុន។ អ្នកត្រូវដឹងថា មិនមែនសុទ្ធតែស្រ្តីទាំងអស់ចាប់កំណើតមកដោយមានមុខមាត់ស្អាតបាតពីធម្មជាតិនោះឡើយ។ នេះត្រូវបានគេថា ជាអំណោយដែលតបស្នងពីអ្វីដែលយើងបានខិតខំធ្វើកាលពីអតីតជាតិ។ ចូរបន្តការសាងអំពើល្អ ការមានទឹកចិត្តល្អចំពោះមនុស្សជុំវិញខ្លួនបន្តទៅទៀត។
៣) ស្រ្តីដែលមានមនុស្សល្អៗច្រើនជុំវិញខ្លួន
គ្រប់យ៉ាងដែលកើតឡើងលើលោកយើងនេះ ពុំមែនជារឿងចៃដន្យទាំងអស់ឡើយ គ្រប់យ៉ាងគឺវាមានហេតុផល។ ហេតុផលខ្លះដែលយើងមិនអាចបកស្រាយបាន នោះក៏ដោយសារតែវាជាមូលហេតុដែលជាប់ពាក់ព័ន្ធនឹងអតីតជាតិ។
ពីជាតិមុនធ្វើល្អច្រើន ឬមានអ្នកជំពាក់ជំពិនអ្នកច្រើន នៅជាតិនេះគេបានមកក្លាយជាមនុស្សល្អនៅជុំវិញអ្នក ចាំជួយមើលទុក្ខធុរៈអ្នក មិនឲ្យចន្លោះឡើយ។
២) ស្រ្តីដែលរកបានប្តីល្អ
មិនមែនស្រ្តីលើលោកទាំងអស់ អាចទទួលបានទំនាក់ទំនងស្នេហាដែលពោរពេញដោយសុភមង្គលអស់មួយជីវិតគ្រប់គ្នានោះទេ។ អ្នកខ្លះរៀបការជាមួយអ្នកមាន តែគ្មានសេចក្តីសុខផ្លូវចិត្ត អ្នកខ្លះរៀបការជាមួយបុរសដែលអត់ បើទោះបីទ្រព្យមិនសូវមាន តែផ្លូវចិត្តមិនទទួលការធ្វើទុក្ខនោះឡើយ។
យ៉ាងណានៅថ្ងៃមួយដែលអ្នកជួបបុរសដែលល្អបំផុតក្នុងជីវិតអ្នក មិនថាគេនោះជានរណា គឺរាប់ថា ជាទ្រព្យសំណាងដែលអំពើល្អអ្នកបានសាង តបស្នងមកអ្នកវិញហើយនៅជាតិនេះ។ ចូរថែរក្សាគេឲ្យបានល្អ ទោះទ្រព្យតិចច្រើនក្តី មុននិងក្រោយក៏គង់តែមាន បើដាក់ចិត្តខំប្រឹងជាមួយគ្នា ហើយបើមានទ្រព្យហើយចូរថែរក្សាវាឲ្យបានល្អ លុយរកបាន តែសុភមង្គលមិនអាចយកលុយទាំងលានទៅទិញបាននោះទេ។
១) ស្រ្តីដែលរមែងជួបលាភ
ជឿទៅមនុស្សយើងមិនចេះតែមានសំណាងរហូតនោះទេ ប៉ុន្តែសម្រាប់មនុស្សស្រីខ្លះ គឺនាងពិតជាគួរឲ្យស្ងើចសរសើរមែន គឺថាសំណាងចេះតែហូរមកក្នុងជីវិតឥតឈប់ ហើយរឿងអាក្រក់មិនងាយចូលមកបៀតបៀនជីវិតនាងបានឡើយ។
តាមជំនឿរបស់ពុទ្ធសាសនាគេជឿថា ដោយសារតែមានអ្វីម្យ៉ាងពីជាតិមុនមកធ្វើជារនាំងការពារមិនឲ្យវិញ្ញាណអាក្រក់មកតាមលងបន្លាច ទើបអ្នកចេះតែជួបរឿងល្អបែបហ្នឹង៕
ប្រភព៖ បរទេស | ប្រែសម្រួល៖ ក្នុងស្រុក