កុំទាន់រកថ្នាំ មកសាកបរិភោគរបស់ ៤ ប្រភេទនេះសិន ក៏អាចលុបបំបាត់ស្នាមសង្វារបានដែរ
ស្នាមសង្វារលើស្បែក រមែងលេចចេញឡើង នៅពេលដែលអ្នកឡើងទម្ងន់លឿន ឬស្រកទម្ងន់ទៅវិញលឿន និងពេលខ្លះដោយសារយើងធ្វើលំហាត់ប្រាណធ្ងន់ ឬឆ្លងកាត់ការវះកាត់ណាមួយជាដើម។
ដំណោះស្រាយមនុស្សភាគច្រើនរមែងរកថ្នាំយកមកលាប ដើម្បីលុបបំបាត់វា និងជួយបន្តឹងស្បែក។ យ៉ាងណាក៏ជឿថាមនុស្សមួយចំនួនមិនចង់ប្រើប្រាស់ថ្នាំអ្វីនោះទេ ហើយចង់ព្យាបាលតាមបែបធម្មតា អ៊ីចឹងមកអានអត្ថបទនេះគឺត្រូវហើយ។
ត្រឹមតែទម្លាប់នៃការទទួលទាន ក៏អាចជួយអ្នកបានមួយផ្នែកដែរ។ ខាងក្រោមយើងបង្ហាញរបស់ ៤ ប្រភេទដែលអាចជួយលុបបំបាត់ស្នាមសង្វារលើស្បែក៖
៤) ត្រីសាម៉ុង
ក្រៅពីរសជាតិឆ្ងាញ់និងមានផ្ទុកនូវសារធាតុប្រឆាំងអុកស៊ីតកម្មដែលជួយកម្ចាត់ជាតិខ្លាញ់ ជាងនេះវាក៏មានផ្ទុកនូវអូមេហ្គា-៣ ដែលជួយព្យាបាលនិងជួសជុលកោសិកាស្បែកឡើងវិញផងដែរ។ ក្រៅពីនេះវាក៏ជួយឲ្យឈាមរត់ស្រួល និងកាត់បន្ថយជាតិពុលក្នុងខ្លួនទៀតផង។
៣) ម្ទេស
ទម្លាប់នៃការទទួលទានម្ទេស ក្រៅពីជួយផ្តល់ជាតិវីតាមីន B6 ដែលជួយស្តារមុខងារលើស្បែកត្រលប់មកវិញ វាក៏ជួយប្រឆាំងនៅការកើតប្រហោងលើស្បែកបានយ៉ាងមានប្រសិទ្ធភាព។
២) ប្រេងអូលីវ
ប្រេងអូលីវអាចធ្វើឲ្យអ្នកធាត់ តែបើអ្នកទទួលទានវាក្នុងបរិមាណដ៏ត្រឹមត្រូវ នោះវានឹងល្អចំពោះរាងកាយទៅវិញ។ ព្រោះវាអាចជួយឲ្យស្បែកឡើងសភាពក្រាស់ជាងមុន និងជួយកាត់បន្ថយការរីកលូតលាស់ភាពធាត់នៃស្បែក។
១) អាហារដែលមិនចម្អិនឆ្អិនខ្លាំង
ប្រភេទអាហារទាំងនោះមានដូចជាបន្លែ ផ្លែឈើ និងសាច់មួយចំនួន ដែលមិនទាមទារការចម្អិននៅកម្តៅលើសពី ១០០ អង្សា វានឹងជួយស្តារកោសិកាស្បែកឡើងវិញ ហើយក៏រំញោចប្រព័ន្ធរំលាយអាហារឲ្យមានការគ្រប់គ្រងទម្ងន់ខ្លួនប្រាណបានល្អថែមទៀតផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
