កុំសូវញ៉ាំទឹកត្រជាក់ពេក នេះមកដឹងអត្ថប្រយោជន៍ ៧ យ៉ាងពីទម្លាប់ទទួលទានទឹកក្តៅឧណ្ហៗ
អ្នកជំនាញបានណែនាំឲ្យមនុស្សទូទៅ គួរមានទម្លាប់ទទួលទានទឹកក្តៅឧណ្ហៗ ហើយកម្រិតសីតុណ្ហភាពទឹកដែលល្អបំផុតគឺចន្លោះពី ៤៨ ទៅ ៦០ អង្សាសេ។
តើអ្នកធ្លាប់ដឹងទេថា ទម្លាប់នៃការទទួលទានទឹកក្តៅឧណ្ហៗជាប្រចាំរៀងរាល់ថ្ងៃ អាចផ្តល់ប្រយោជន៍ចម្បងអ្វីខ្លះ? Knongsrok បង្ហាញចំណុចគួរឲ្យចាប់អារម្មណ៍ទាំង ៧ ដូចខាងក្រោម៖
៧) ជួយសម្អាតជាតិពុល
ទឹកក្តៅអាចជួយបន្សាបជាតិពុលនៅក្នុងខ្លួនរបស់អ្នក ហើយការទម្លាប់ផឹកទឹកក្តៅវានឹងធ្វើឲ្យសីតុណ្ហភាពក្នុងខ្លួនមានការកើនឡើង ហើយជួយឲ្យអ្នកឆាប់បញ្ចេញញើស។ លទ្ធផលនេះវាកម្ចាត់ជាតិពុល ហើយបង្កភាពងាយស្រួលដល់ប្រព័ន្ធរំលាយដែលចូលទៅបំបាត់ភាពមិនល្អចេញ។
ជាងនេះអ្នកដែលឧស្សាហ៍កើតមានមុន ក៏ងាយនឹងជាសះស្បើយទៅវិញដែរ និងជួយឲ្យស្បែកមើលទៅស្រស់ថ្លានិងភ្លឺចេញពីខាងក្នុង។
៦) ជួយការពារមិនឲ្យចាស់មុនអាយុ
បន្ថែមពីលើការសម្អាតជាតិពុល ទឹកក្តៅក៏នឹងជួយឲ្យអ្នកមើលទៅមិនចាស់ជាងវ័យ ផ្នែករង្វង់ខ្មៅជុំវិញភ្នែកក៏មិនឃើញដក់ជាប់ ហើយជាងនេះវាជួយជួសជុលកោសិកាស្បែកដែលខូចខាតដោយរ៉ាឌីកាល់សេរី ដើម្បីធ្វើស្បែកមើលទៅរលោងមិនជ្រីវជ្រួញ។
៥) ជួយរក្សាស្បែកក្បាលឲ្យមានសុខភាពល្អ
វាក៏ជួយឲ្យស្បែកក្បាលមានសំណើម នឹងមិនងាយកើតមានអង្គែនោះទេ។ នៅពេលដែលស្បែកក្បាលមានសុខភាពល្អ វាក៏នឹងធ្វើឲ្យសក់របស់អ្នកមើលទៅរលោងនិងមានសភាពទន់។
៤) ជួយឲ្យស្បែកស្រស់ថ្លា
ទឹកក្តៅឧណ្ហៗជួយឲ្យរាងកាយបែកញើស ចេញជាតិខ្លាញ់ និងជួយឲ្យលំហូរឈាមដំណើរការល្អ។ បែបនេះវានឹងធ្វើឲ្យកោសិកាស្បែកមានថាមពលឡើងវិញ និងជួយរក្សាទុកសារធាតុចិញ្ចឹមលើស្បែកជាប់បានយូរ។
៣) ជួយបង្កើនប្រសិទ្ធភាពលើផលិតផលដែលអ្នកបានប្រើប្រាស់
អ្នកដែលប្រើប្រាស់ផលិតផល Skincare ថែរក្សាស្បែកមុខ ស្បែកដងខ្លួន នៅពេលដែលទម្លាប់ទទួលទានទឹកក្តៅឧណ្ហៗទៀតនោះ វានឹងបម្លែងសារជាតិមេតាបូលីស ជួយឲ្យស្បែករបស់អ្នកឆាប់ទទួលបានប្រសិទ្ធភាពពីក្រែមនិងជាតិសំណើមដែលអ្នកបានប្រើប្រាស់។
ព្រោះជាទូទៅអ្នកមិនអាចទទួលបានវីតាមីនឬសារធាតុចិញ្ចឹមគ្រប់គ្រាន់នោះទេពីបញ្ហាដែលទទួលទាន អ៊ីចឹងទាល់តែប្រើប្រាស់ផលិតផលជំនួយទើបជាជម្រើសល្អបំផុត។
២) ជួយឲ្យស្បែកមានសំណើម
ប្រសិនបើអ្នកមិនផឹកទឹកគ្រប់គ្រាន់ នោះជាតិសំណើមលើស្បែកគឺមិនមានគ្រប់គ្រាន់ទេ ឬស្មើនឹងអ្នកខ្វះជាតិទឹក។ សាមញ្ញបំផុតការទទួលទានទឹកក្តៅ វានឹងជួយកាត់បន្ថយការរលាក ការឡើងភាពហើម ហើយជួយរឹតបន្តឹងស្បែករបស់អ្នក។
១) ជួយស្បែកពីការឆ្លងជំងឺផ្សេងៗ
ការទទួលទានទឹកក្ដៅឧណ្ហ៍ៗ វាជួយការពារក្រលៀនរបស់អ្នកប្រឆាំងនឹងជំងឺរលាកផ្សេងៗ ហើយទាំងលើស្បែកក៏ត្រូវបានសម្អាតមិនឲ្យមានមេរោគ ឬបាក់តេរីមកបៀតបៀនចូលបានឡើយ។ ដើម្បីបន្ថែមលទ្ធផលល្អជាទីគាប់ចិត្ត អ្នកគួរលាយឡំនៅចំណិតក្រូចឆ្មាពីរបីចំណិតបន្ថែម៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
