ចង់ស្រកលឿន អាចមកសាកបាន! នេះតិចនិកទទួលទានដំឡូងជ្វា ២ អាទិត្យ ស្រក ២ គីឡូ
ដំឡូងជ្វាជារបស់ដែលមានកាឡូរីទាប ហើយសំបូរទៅដោយជាតិសរសៃ ដោយឡែកប្រសិនអ្នកដឹងពីរបៀបទទួលទានឲ្យបានត្រឹមត្រូវ នោះថែមជួយឲ្យអ្នកស្រកទម្ងន់ឆាប់រហ័សយ៉ាងមានប្រសិទ្ធភាពទៀតផង។
អត្ថប្រយោជន៍នៃដំឡូងជ្វាចំពោះសុខភាព:
វាសំបូរទៅដោយជាតិសរសៃ ជួយឲ្យល្អប្រសើរឡើងនៅប្រព័ន្ធរំលាយអាហារ ហើយជួយការពារការស្រូបយកជាតិខ្លាញ់ធាត់ ល្អចំពោះការសម្រកទម្ងន់។ បើធៀបនឹងអាហារដទៃទៀតគឺខុសកាឡូរីគ្នាច្រើន សម្រាប់ដំឡូងជ្វាមានកាឡូរីទាប ដោយដំឡូងជ្វា ១០០ ក្រាម មានតែ ៨៥ កាឡូរីប៉ុណ្ណោះ។
ជាងនេះវាក៏មានផ្ទុកនូវវីតាមីន A,B, C ជាតិដែក ប៉ូតាស្យំ ដែលល្អចំពោះសុខភាពស្បែក ហើយវាជួយជំរុញដល់ការធ្វើការរបស់ពោះវៀន ឲ្យបញ្ចេញកាកសំណល់ជាតិពុលចេញពីរាងកាយបានល្អថែមទៀតផង។
តើទទួលទានបែបណាដើម្បីសម្រកទម្ងន់បានរហ័ស?
តាមការណែនាំពីអ្នកជំនាញអាហារូបត្ថម្ភរបស់ជប៉ុនលោក Maaki Ninomiya បានចែករំលែកមកថា ប្រសិនអ្នកទទួលទានដំឡូងជ្វាឲ្យបានត្រឹមត្រូវជាប្រចាំ នោះអ្នកអាចស្រកទម្ងន់ ២ គីឡូក្រាមត្រឹមរយៈពេល ២ សប្ដាហ៍។
ជាមួយគ្នានេះវាក៏ជួយឲ្យអ្នកកាត់បន្ថយនូវបរិមាណជាតិខ្លាញ់នាំឲ្យធាត់ ពី ២៩,១ ភាគរយ ចុះមកសល់ ២៨,៥ ភាគរយថែមទៀត។ ដើម្បីទទួលបានប្រសិទ្ធភាពត្រូវអនុវត្ត ៣ ចំណុចដូចខាងក្រោម៖
៣) បរិភោគទាំងសំបក
សំបកដំឡូងគឺមានជីវជាតិច្រើន ហើយមានផ្ទុកនូវប៉ូលីហ្វេណុល ដែលមានឥទ្ធិពលដល់សារធាតុប្រឆាំងអុកស៊ីតកម្ម ដែលជួយឲ្យស្បែកស្រស់ថ្លា និងប្រឆាំងភាពចាស់។ ដូច្នេះអ្នកគួរតែលាងសម្អាតដំឡូងជ្វាឲ្យបានស្អាត ហើយយកទៅដុតចំហុយ រួចទទួលទាន។
២) ដាក់ដំឡូងជ្វាឲ្យត្រជាក់ក្រោយពីដុតហើយ
ក្រោយពេលដុតហើយ យកវាមកដាក់ក្នុងទូទឹកកក ប្រមាណ ១-២ ម៉ោងដើម្បីបង្កើនបរិមាណម្សៅ ហើយវាមានសភាពទន់ និងឆ្ងាញ់ជាងមុន។
១) ប្រើវាជំនួសអាហារក្នុងមួយថ្ងៃ ដោយដំឡូងជ្វាមួយផ្លែ
វាងាយទទួលទានទេ ហើយចូរទម្លាប់ទទួលទានវាជាប្រចាំ ដោយនៅពេលម៉ោងបាយ គួរទទួលទានដំឡូងជ្វាមួយ ដែលមានទម្ងន់ខ្ទង់ ១៥០ ក្រាម។ ប៉ុន្តែពុំមានន័យថា ឲ្យអ្នកអត់បាយទាំង ៣ ពេលមកទទួលទានដំឡូងជ្វានោះទេ ពោលគឺអាចថា ១ ពេល ដូចជាបាយពេលយប់ ប្តូរមកទទួលទានដំឡូងជ្វាជំនួសវិញ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
