ទទួល​ទាន​ច្រើន​កាន់​តែ​នាំ​ឲ្យ​អ្នក​អាយុ​ខ្លី! អាហារ ៥ មុខ អាចបំផ្លាញបេះដូង ថ្លើម តម្រងនោមរបស់អ្នក

ការ​ជ្រើសរើស​ប្រភេទ​មក​ទទួល​ទាន គឺ​ជា​រឿង​សំខាន់​ខ្លាំង​ណាស់ ព្រោះ​វា​មាន​ទំនាក់ទំនង​ជាមួយ​សុខភាព​រាងកាយ​របស់​យើង​ជា​ប្រចាំ ហើយ​បើ​យើង​មិន​សូវ​អើពើ នោះ​ដូច​កំពុង​បំផ្លាញ​អាយុ​ជីវិត​ខ្លួន​ឯង​ពី​មួយ​ថ្ងៃ​ទៅ​មួយ​ថ្ងៃ​អ៊ីចឹង។

អាហារ​ ៥ ប្រភេទ​ខាង​ក្រោម យើង​ណែនាំ​បើ​ជៀស​បាន​គួរ​តែ​ជៀស ឬ​ទទួល​ទាន​ក្នុង​បរិមាណ​ទាប​បំផុត ព្រោះ​វា​ងាយ​នឹង​ប៉ះពាល់​ធ្វើ​ឲ្យ​ឆាប់​ខូច​បេះដូង ថ្លើម តម្រងនោម៖

៥) ហាំប៊ឺហ្គឺរ

5

តាម​ការ​ណែនាំ​ពី​សាស្ត្រាចារ្យ​លោក Regina Druz វេជ្ជបណ្ឌិត​ផ្នែក​បេះដូង​នៅ​សហរដ្ឋអាមេរិក​បាន​និយាយ​ថា ប្រសិន​យើង​មាន​ទម្លាប់​ទទួល​ទាន​ហាំប៊ឺហ្គឺរ​រៀងរាល់​ព្រឹក​ជា​ប្រចាំ នោះ​ហានិភ័យ​នៃ​ការ​កើត​ជំងឺ​ដាច់​សរសៃ​ឈាម​បេះដូង​គឺ​មាន​កើត​មាន​ខ្ពស់​បំផុត។

ហេតុផល​គឺ​ដោយសារ​តែ​ក្នុង​អាហារ​នោះ មាន​ផ្ទុក​នូវ​ជាតិ​ខ្លាញ់​ឆ្អែត ហើយ​លាយ​ជាមួយ​កាបូអ៊ីដ្រាត​អាច​មាន​ឥទ្ធិពល​អាក្រក់​ដល់​បេះដូង។ ដូច្នេះ​ដើម្បី​ចង់​បាន​សុខភាព​បេះដូង​ល្អ អ្នក​គួរ​តែ​ជៀសវាង​ការ​ទទួល​ទាន​វា ឬ​កំណត់​បរិមាណ​តិច​បំផុត​ឲ្យ​បាន​ត្រឹមត្រូវ។

៤) សាច់​កែច្នៃ

4

អាហារ​កែច្នៃ​ដូច​ជា​សាច់​ក្រក ឬ​ប្រភេទ​សាច់​ផ្សេងៗ​ទៀត​គឺ​មាន​ផ្ទុក​សារធាតុ​អំបិល នីដ្រាត និង​សារធាតុ​ការពារ​ការ​ដុះ​ផ្សិត​ខ្ពស់​បំផុត។

សារធាតុ​ទាំង​នេះ វា​ងាយ​នឹង​ធ្វើ​ឲ្យ​អ្នក​កើត​មាន​ជំងឺ​លើស​ឈាម ជំងឺ​គាំង​បេះដូង ដាច់​សរសៃ​ឈាម​ខួរ​ក្បាល។ ការ​ណែនាំ​ល្អ​បំផុត អ្នក​អាច​ទទួល​ទាន​វា​តិច​ជាង ១៥០ ក្រាម​ក្នុង​មួយ​លើក ហើយ​មិន​ឲ្យ​ទទួល​ទាន​លើស​ពី ៣ លើក​ឡើយ​ក្នុង​មួយ​សប្តាហ៍។

៣) ដំឡូង​បារាំង​បំពង

3

ដំឡូង​បារាំង​បំពង​គឺ​ជា​ប្រភេទ​អាហារ​ដែល​ពេញ​និយម​សម្រាប់​មនុស្ស​វ័យ​ក្មេង តែ​វា​គឺ​មាន​ផ្ទុក​នូវ​ជាតិ​ខ្លាញ់ និង​កាឡូរី​ខ្ពស់​ណាស់។ ដូច្នេះ​វា​ងាយ​នឹង​បង្កើន​ហានិភ័យ​នៃ​ការ​ឡើង​ទម្ងន់ និង​ជំងឺ​ធាត់ ក៏​ដូច​ជា​ជំងឺ​លើស​ឈាម និង​បេះដូង។

លើស​ពី​នេះ​វា​ក៏​ងាយ​ឲ្យ​អ្នក​កើត​ជំងឺ​ទឹក​នោម​ផ្អែម និង​ខ្សោយ​តម្រង​នោម​ថែម​ទៀត​ផង ហើយ​ជំងឺ​មហារីក​មួយ​ចំនួន​ក៏​អាច​បៀតបៀន​អ្នក​បាន​ស្រួល​ដែរ។

២) ប្រភេទ​អាហារ​ផ្អែម​ខ្លាំង

1

អាហារ​ដែល​មាន​ផ្ទុក​ជាតិ​ស្ករ​ខ្ពស់ ក្រៅ​ពី​នាំ​ឲ្យ​អ្នក​ឡើង​ទម្ងន់​ឆាប់​រហ័ស ជាង​នេះ​ក៏​ងាយ​នឹង​ឲ្យ​អ្នក​កើត​ជំងឺ​បេះដូង ក៏​ដូច​ជា​លើស​ឈាម​ផង​ដែរ។ ព្រោះ​វា​នាំ​ឲ្យ​កើន​ឡើង​កូលេស្តេរ៉ុល​ខ្ពស់ ហើយ​ជំងឺ​ទឹកនោម​ផ្អែម​ក៏​អ្នក​ងាយ​នឹង​ជួប បែប​នេះ​ប្រភេទ​អាហារ​ផ្អែម​ខ្លាំង​ដូច​ជា​នំ​ខេក ឬ​បង្អែម​ដែល​ផ្អែម​ខ្លាំង​អ្វី​ជា​ដើម​នោះ គួរ​តែ​ត្រូវ​កាត់​បន្ថយ។

១) ភីហ្សា

Pizza Thuc Pham Gay Tim Mach Pntd 1441

ភីហ្សា​ជា​ប្រភេទ​អាហារ​ពេញ​និយម​មួយ​ផ្សេង​ទៀត ជា​ពិសេស​គឺ​កុមារ​រមែង​ចូលចិត្ត​ទទួល​ទាន​វា​បំផុត។ ទោះ​ជា​យ៉ាង​ណា​អាហារ​នេះ​មិន​ល្អ​នោះ​ទេ​ចំពោះ​សុខភាព ជា​ពិសេស​សម្រាប់​ប្រជាជន​អាមេរិក​ត្រូវ​បាន​គេ​ណែនាំ​ឲ្យ​បញ្ចៀស​ជា​ដាច់​ខាត ព្រោះ​ងាយ​នឹង​ប៉ះពាល់​ដល់​សុខភាព​បេះដូង។

ល្អ​បំផុត​គួរ​ទទួល​ទាន​ភីហ្សា​បន្លែ ឬ​គ្រឿង​សមុទ្រ ជា​ជាង​ភីហ្សា​សាច់ ហើយ​ទទួល​ទាន​ក្នុង​បិរមាណ​កំណត់​ដ៏​សមរម្យ៕

ប្រភព៖ បរទេស | ប្រែ​សម្រួល៖ ក្នុង​ស្រុក