ចំណុចទាក់ទាញ ៣ នេះបើមនុស្សស្រីណាមាន ធានាថាបុរសណាក៏ប្រាថ្នាចង់បានជាគូ
មនុស្សប្រុសការដែលចង់យកបានមនុស្សស្រីម្នាក់ជាគូ គឺពួកគេជឿថា នៅពេលដែលលំបាកបំផុតគឺនឹងតែងតែមានវត្តមានរបស់នាង ជួយឲ្យអារម្មណ៍ធូរស្បើយ ផ្ទុយទៅវិញគ្មានបុរសណាដែលចង់បាននារីដែលចូលចិត្តបង្កបញ្ហា យកមកបន្ថែមភាពញាំញីដល់ជីវិតរបស់ពួកគេឡើយ។
ខាងក្រោមយើងបង្ហាញពីចំណុចទាក់ទាញធំបំផុត ៣ ដែលបុរសចង់បានពីនារីៗជាគូស្នេហ៍បំផុត៖
៣) ស្រ្តីមានភាពជឿជាក់
គ្មាននរណាចង់បានមនុស្សស្រីទន់ខ្សោយយកមកជាគូនោះទេ ដោយបុរសតែងចង់នារីម្នាក់នោះ ជាស្រ្តីដែលមានភាពជឿជាក់លើខ្លួនឯង ព្រោះមើលទៅនាំឲ្យមនុស្សជុំវិញខ្លួនមានទំនុកចិត្តពេលបាននៅក្បែរ។
ជាងនេះនៅពេលមនុស្សស្រីនោះមានទំនុកចិត្តលើខ្លួនឯងហើយ នាងនឹងតែងដឹងអំពីវិធីលើកទឹកចិត្តទៅកាន់បុរសជាដៃគូ ទោះស្ថិតក្នុងកាលៈទេសៈណាក៏ដោយ។ ពេលខ្លះរហូតអាចនិយាយបានថា ប្រភេទមនុស្សស្រីបែបនេះ គឺគេមិនផ្តោតលើសម្រស់ជាធំ ឬរូបរាងកាយខាងក្រៅនោះឡើយ ព្រោះទំនុកចិត្តគឺអាចយកឈ្នះចំណុចទាំងនោះបានហើយ។
២) ស្រ្តីដែលចេះលេងសើច
យល់ថាមនុស្សស្រីក៏មានការងារច្រើនដូចជាមនុស្សប្រុសដែរ ប៉ុន្តែបើស៊ីជម្រៅទៅ បុរសរមែងទទួលរងសម្ពាធឬទំនួលខុសត្រូវខ្ពស់ជាង។ បែបហ្នឹងហើយបើបានស្រ្តីជាដៃគូដែលមានចរិតក្រមិចក្រមើមបន្តិច ចេះលេងសើចបន្តិច គឺនាំឲ្យជីវិតរបស់ពួកគេមានភាពស្រស់ស្រាយ ហើយទោះជួបបញ្ហាអ្វីក៏រមែងរកផ្លូវដោះស្រាយចេញបានដែរ។
ជាងនេះប្រភេទមនុស្សស្រីបែបនេះ រមែងតែជាមនុស្សសុទិដ្ឋិនិយមដែលគិតវិជ្ជមានជាធំ បែបហ្នឹងក្រៅពីផ្តល់ក្តីស្រលាញ់ នាងក៏អាចដើរតួជាមនុស្សជិតស្និទ្ធបន្ថែមភាពរីករាយ និងស្នាមញញឹមទៅកាន់បុរសជាដៃគូបានដូចគ្នា។
១) ស្រ្តីដែលមានចំណេះដឹងជ្រៅជ្រះ
ការសិក្សាបច្ចុប្បន្នស្រ្តីក៏ទទួលបានចំណេះដឹងជ្រៅជ្រះមិនចាញ់បុរសនោះដែរ បែបហ្នឹងហើយការរកគ្នាជាគូ គឺគេផ្តោតលើចំណុចហ្នឹងដូចគ្នា។
ជាមួយមនុស្សស្រ្តីដែលមានចំណេះដឹងជ្រៅជ្រះ នាងក៏ទទួលបានការអប់រំផ្លូវចិត្តបានល្អច្រើន នាងដឹងពីកាលៈទេសៈណាត្រូវអត់ធ្មត់ កាលៈទេសៈណាត្រូវនិយាយនឹងមុខ ដោយមិនចេះតែស្រែក ចេះតែខឹងខុសរឿងនោះទេ។ មនុស្សស្រីបែបហ្នឹង គឺបុរសជាច្រើនចូលចិត្តនិងចង់នៅក្បែរបំផុត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
